Ci hɩɩya hɔ kʊ
ZAAN
a ba
Gasʊʊrɛ
1
Mɔɔ,
*Gʊaagusire,
mɔɔ ɩ ci naa do nyɔɔ lʊ kʊ Woso a bɔ ʊ bɩ ma kan a nyɩnɔ kɩ,
mɔɔ nɩ ŋ ŋʊam paan….
Mɔɔ bɛɛ bala y,
bɩ mɔɔ kan gʊɔɔ haay kʊ ŋ sɩra dɔ rɔ wɔɔ kɩ sɔ.
2 Sɩra ɩ kan wɔɔ kɩ,
b'a nyɩntam kan wɔɔ kɩ dɔmɩm k'a nyarɛ ba ʊ bɩ nɔ ʊ.
3 Wɔɔ Zɩ Woso kan Yeezuu Krista,
Woso Nyɩ bɩ kɩ barka nyɩntam kan wɔɔ kɩ,
kan a cicirzɛrɛ kɩ,
a laafɩɩ kɩ,
sɩra kan ŋʊarɛ kɩ nɔ ʊ.
Danyɩnɔ ŋʊarɛ
4 Mɔɔ heernyɔɔ gʊta yɩ,
kʊ mɔɔ ɩ nyɩnɔ gɔsɩnnɔ yɩ,
ŋn'ɩ tam sɩra zaa ra,
amba lɛ kʊ wɔɔ Zɩ Woso a ka wɔɔ ʊ bɩ m.
5 Naa ma kɛɛrɛ bɩ,
lʊ,
mɔɔ y'a yɛrɛ ɩbɩɩ han,
ʊ kʊ ŋʊa.
Mɔɔ bɩr lɛ daa gʊrsɩra barɛ ɩbɩɩ ma y,
lɛ kʊ wɔɔ yɩ hallɩ a sɩŋŋɩda ʊ bɩ m.
6 Ba ŋʊarɛ n na:
k'ʊ ta a lɛrɔ wɔɔ zaa bɩ ra.
Lɛ naa do awɔɔ nyɩnta a ma a sɩŋŋɩda ʊ,
k'awɔɔ n ŋʊarɛ zaa bɩ sa.
7 Bala,
braba gʊɔɔ m zannɔ a kərgu durnya ra.
Ŋ bɩr kasɛtɩ karɛ ŋ ʊ,
Yeezuu Krista a ba gʊaa y.
Gʊaa k'a nɩ naa bam bɩ,
ŋʊaarzaa m,
Krista jɩm m.
8 K'a dundo a zi,
a b'a ka awɔɔ zibəə bɩ nyɔɔdʊ bɩ n nyaam y,
bɩ k'a ganwʊrɛ haay k'an ta ʊ yɩ.
9 Gʊaa haay k'a bɩr gɔɔtam Krista hɔdɩndarɛ nɔ ʊ,
an n'a hɔɔnhɔ zum la bɩ,
a zaa ba kan Woso kɩ y.
Gʊaa k'a gɔɔta a nɔ ʊ,
a ɩ kan wɔɔ Zɩ Woso kɩ,
a Nyɩ kɩ.
10 Kʊ gʊaa bʊr awɔɔ zi,
b'a ba hɔdɩndarɛ naa do nɔ ʊ,
a b'a si a har ʊ y,
a b'a nyaasɩ ka y.
11 Bɩ gʊaa k'a nyaasɩ ka,
a zɛ a ʊ kʊ ra kan kɩ a mimbʊnyaarɔ nɔ ʊ.
12 Minno ta ʊ gʊta mɔɔ nɩ ŋ ci barɛ awɔɔ ma,
bɩ mɔɔ n a ŋʊa kʊ m ŋ ba,
ci m kan gar hi kɩ nɩ y.
A ŋʊa mɔɔ ʊ kʊ m bʊr awɔɔ zi,
kʊ m bɩ meer ba,
m lɛ m kan awɔɔ kɩ,
kʊ wɔɔ heernyɔɔ n yɩ gʊta paan….
13 Ɩ danlʊ kʊ Woso a bɔ ʊ sɔ bɩ nyɩnɔ ɩ yaa darɛ ɩbɩɩ m.