3
आय काजे ये पवित्र भाई मन, तभी जोन सरगर आगदेलार ने भाग आचे, आय प्रेरित आवरी महानायक यीशु उपर जहाके हामी अंगीकार करू आयं ध्यान करा। 2 आय अपना के मिशायबा लोग मन काजे विश्वास योगर रहे, जश्न पने परमेश्वर सबु घर रहे। 3 कसन यीशु मूशा ले अतक बढ़ीकरी महिमार येाग्य समझी रहे, अतक कि घरर बनायबा बीता घर ले बढ़ीकरी आधार संगहु आय। 4 कसन कि हर गोतक घरर कोनी ना कोनी बनब। बिता होऊ आय, भातर जायाके सबु बानी बनायला आयं परमेश्वर आय। 5 मुशा तो परमेश्वरर सबु घरे ने सेवकर समान विश्वास येागर रहे कि जोन गोटर आवं वर्णन होयबा बिते रहे, तिकर गवाही देला। 6 भातर महीहर बेटार समान परमेश्वर घरर अधिकारी आय, आवर आयं घरर घर हामी आवं, भतर हामी सहास ताने बावरी अपनार आशार घमण्ड तोन सरतले दृढ़ता से स्थिर रहा। 7 भातर जसन पवित्र आत्मा बोलु आयभातर आजी तोमी तार गोट सुना, 8 तेब अपनार मन के कठोर ना करा, जसन कि दिश चेगायबा बेरा आवरी परीक्षा दिने कमन ने करी रहे। 9 जोन तोन तोमर बाब दादा मन मके जाॅंचीकर परकलाय आवरो चलीस बरस ले मोर काम दकलाय। 10 आय काजे मैं, आयं समयार लोग मन ले टिस रहें, आवरी बोलली,एतार मन सबुदाय ऐने-आने (रहु जायेते) आय, 11 तेबे में रिसर बेरा जाई करी किरिया खासरी रही, आयं मोर बिसायषा दाय ओलके ना पाहेता’। 12 हे भाईमन, चैकस रहा कि तोमो ले असन कराष आवरी अविश्वासी मन ना हुआ, जोन तोमके जीवता जीव परमेश्वर ले हुर गुचाय कर नहीं जायसी। 13 भातर जोना तेबे आजीर दिन बोली जाउ आय, हर दिना एक दुसरा के समझते राहा, असन ना अहो कि तोमर ले कोनी गोरम पापर छल ने आई करी कठोर होई जीबाय। 14 कसन कि हामी मसीह के भागीदार होयलु आये, भातर हामी पहिलर भरोसा तोन सरतले दृढ़ता ले स्थिर रहु। 15 जसन बोला जाऊ आय,भातर आजी तोर तार शबद सुना,तेबे अपनार मन के कठोर ना करा,जसन कि दिस चेगायबा बेरा करी रहे।" 16 पखाआ (भला) कोन लोगमन सुनीकरी पने रिस देला ? 17 आवरी चालीस बरस ले कोन लोग मन ले दिस रहे ?काय हाय मन ले नुआय, जोन मन पाप कर लाय,आवरी तिकर भड़ी कोमन ने पड़ी रहे ? 18 आवरी हाय कारले किरिया खायला कि तुय मोर सुस्तायबादाय ओलके ना पाआस? काय असनी तिकरले नुआय जोन मान आज्ञा ना मानलाय ? 19 अतः हामी दखुआवं कि आयं अविश्वास काजे ओलके ना सकेत ।