तीतुस 2

मांतर तुय असन गोट बोल जोन काड़ा उपदेशर लायगर होओ। 2 अर्थात डोकरा माने अच्छा चेत आउर गम्भीर आउर सयबाबीता होओ हांतार विश्वास आउर मया आउर धीरज बरसक होओ। 3 असनी ची डोरी बायलेर चाल चलन पवित्र लोक असन होओ: हांय मन दोष लगायबा बीती आउर पीयकड़ नाई मांतर अच्छा गोट सिकायबा बीती होओ 4 ताकी हांयमन जुवान बायले के चेतावनी देयते रओत के आपना मुनुक आउर पीला टोकी के मया करोत: 5 आउर संनही, पतिव्रता, घरर काम बुता करबाबीती भली, आउर आपना - आपना मुनूकर अधीन रबाबीती होओ, ताकी माहापरभु र बचनर निदा ना होयके सको। 6 असनी ची जुबान पीला के बले समझाव कि संहबाबीता होओ। 7 सबु गोट ने आपना निज के भला कामर नमुना बनाहा। तोर उपदेश ने सफाई गम्भीर 8 आउर असन खराई पाया जाओ कि कोनी हांके अडरा ना बोलके सकोत, जाके विरूद हांमर उपरे कोनी दोष लगाय बार समया ना पाई करी लाज होओत 9 दासमन के समझाव कि आपना - आपना मालीकर लगे राहा, आउर सबु गोट ने तिके हरिक सोंगाह, आउर उलटीकरी जवाब ना दियास, 10 चोरी चलाकी ना करा मांतर सबु परकार ले पूरा विश्वासी निकरा कि हांय मन सबु गोट ने हांमर उद्धारकर्ता माहापरभुर उपदेशर सोबा बाड़ाहा। 11 कसनकी माहापरभुर हांय अनुगरह परगट आचे जोन सबु मनुकर उद्धारर कारण आय, 12 आउर हामके चेतावनी देउ आय कि हांमी अभगती ए जुग ने सई आउर धरम आउर भगती ले जीवन कटाहा 13 आउर हांय धन्य आशार अर्थात आपना माहान माहापरभु आउर उद्धारकर्ता यीशु मसीह महिमा परगट होयबार बाट दकते राहा। 14 जोन आपना निज के हांमर काजे देई देला कि हांमी सबु परकार अधरम ले छाड़ाओ आउर शुद्ध करी आपना काजे गोटक असन जजि बनाओ जोन भला भला ने सरगर्म होओ। 15 पूर अधिकार संगे ऐ गोट बोलबा, आउर समझाय आउर सिकायते रये। कोनी तोके छूत ना जान के पाओत।