Buulus Koorintooseeb
18
01 Buulus Asiinaay giigiyaayt Koorintoos ibi.
02 Beentooy Akiilaab iidni Yahuudi Boontuusii iiktiib imri.
Gaysar Kilaawdiyoos kasseeh Iyahuud Roomaay giigiineet toona sooyaa iifi akay,
Akiila tootakatooh Biriikilaayi geeb hallaay Itaalyaay y'aa iifi.
Buulus bareeyooh eerhi jillaay giigiya.
03 Buulus bareeh kheemaati shagaamana akay rhiya.
Buulus uukna han kheemaati shagaamanaabu.
Aflaay bareeyooh geeb is'a aree geeb shagaamiya.
04 Toosabka Buulus Yahuudi diini gaw iibi.
Baruuh Iyahuudwa Iyoonaaniiwwa bhaliisami aree afhisi.
05 Laakiin Siilaaswa Tiimootiiwwa Magadoonyaay eeyaani har'ii,
Buulus kassoohoob Yasuu'a Umasiihiib usakana udaayiib Iyahuudi sooyi.
06 Malya laakiin Iyahuudi barooh imooraabniit neewiyaan.
Baruuh hasiyaaytii yhalaakaayeesooh ifathfath infish,
malya bareeyooh dehaay,
<<Ubooyuukna igirmaayeekna kehii eefi.
Ani nhasu!.
Oont'aanee fidnaab difiit usakana udaayiib Ijintiili sooyi andi.>>
idi.
07 Malya Buulus beentooysii giigiyaayt,
tak Jintiiliib Tiitiyoos Yoostoos iidni geeb amnaamiya.
Uun uutak Ukwaasana y'ibid,
Yahuudi diini gawi daraag aree ikwiir.
08 Kirisboos,
Yahuudi diini gawi haakimwa kassaah indhiwaayaahwa W'ankwana aamaniin.
Gwida Koorintooseeb iifiin han tudiigwat imaasiwna,
W'ankwana aamaniyaan aree itoomaasna.
09 Hawaad gaal Buulus hawsooteeb W'ankwana rhiya.
Ukwaasana tehawsooteeb bariiyooh dehaay,
<<Baarikwiya,
usakana udaayiib sooyaa!
Baadinaa!
10 Ani geebook eefi,
gaal han adaayi kiidi hook,
lhami han kitdiya.
Ani toon tumadiinaatiib gwida dehay abari.>>
idi.
11 Aflaay Buulus Koorintooseeb hawilwa tarab Ukwaasanaayt diigwat oodehay allamee iyhi.
12 Gaalyoos Akhaa'iyaay haakim iiktiyi door,
Yahuudi gali immarraayniit Buulus y'abikna,
tumhaakamaati suurii aree isingadna.
13 Malya baraah <<Uun uutak hineet t'aada imnafi salalii udehayoon Ukwaasana is'abiid.>>
idiin.
14 Buulus hadiidaab baakaay,
Gaalyoos Iyahuudi dehayii dehaay,
<<Yaa Iyahuudi,
baraakna halaagaayt tiibriineek tari gaalnaay ashkiimtiineek,
ani iimsaw hookna.
15 Laakiin beet tuuna bhaliibwa,
simaabwa,
iknaayeekna hagwa ikatiyeek,
tehalaagaay baraakna iknaayaakna tikwikwna.
Ani teen teenaati gaadi iikti kaadi.>>
idi.
16 Malya bareeh tumhaakamaatii isfar'a.
17 Malya kassuuh uudehay Soostaanis,
Yahuudi diini gawi suurkina y'abikniit tumhaakamaati suurii ithab'ana.
Laakiin Gaalyoos hooy halaag kiiki.
Buulus Antaakiyaab y'agar
18 Buulus Koorintoosi y'aamananaayi geeb shalik door is'a.
Malya y'aamananaayee giigiyaayt,
oobharii Suuriyaab ibi.
Akiilaabwa Biriikilaaywa barooh iramna.
Baruuh iibaabaab baakaay Ukwaasanaay deha waadiyaab abkaa iifi akay,
tumadiina Kanakhiryaay tehamooteeh imin.
19 Baraah Afasoos iktimna.
Buulus beentooy Biriikilaabwa Akiilaabwa y'ish giigiya.
Malya baruuh oodehayi bhaliisamti jillaay Yahuudi diini gaw shuumiya.
20 Baraah Buulus gwimadka daman geeb eesit'eet toona hooy yhariwa.
Laakiin baruuh irib.
21 Baruuh oodoor igiigiyeeb,
bareeh waadiyaab ims'abaak,
<<Ukwaasana indiyeek,
dehookna it'igir andi.>>
idi.
Shaawti baruuh Afasoosee giigiya,
markabtii iibaabiya.
22 Gaysariyaab iktimihoob,
beentooy aree tukaniisi salaamiya.
Malya Antaakiyaab beeti hoogiya.
23 Buulus Antaakiyaay shalik door is'a.
Malya giigiyaayt gwida hash Galaatiyaaywa Firiigiyaaywa iifiin iktim.
Kasseeh y'aamanana aree is'aakakir.
24 Tak Yahuudiib Aboolloos iidneeb Afasooseeb eeya.
Aboolloos tumadiina Iskandariyaay faraay taku,
winneet fagar hadiidanaabu eektab aree gwidaana hooy iktiin.
25 W'ankwanaay usalal han gwidaana hooy soomamaabu.
Baruuh winneet ash'araa hadiidi.
Yasuu'iib allamiyeet tuuna aree kastuuh sidiku.
Laakiin Yuhannaayt t'atoomsooy toobhaat iktiin.
26 Aboolloos mirkwaay anu Yahuudi diini gawiib bhaliiya.
Laakiin Akiilaabwa Biriikilaabwa imaasiwnihoob,
barooh ugawoohna haay ibeeniit Ukwaasanaay usalal daayiib afhisiyaan.
27 Aboolloos Akhaa'iyaay whaash beeti iibaabt ikwin.
Ukwaasanaay y'aamanana barooh is'aakakirna.
Beentooy iifiin ikwiriyaatay barooh daayiib y'ashishni jillaay jawab dehaay ikaatibna.
Beentooy iktimihoob,
baliib tin'imaatee aamaniyaan baruuh akraat shamaam dehaay iki.
28 Baruuh Iyahuudi geeb akra amgwasuuraab ikwaas.
Udehayi suurii aree Yasuu'a Umasiih ikatiyeet toona eektabee oodehay rhisi.