Cheeti da cada da Pawlo sa
Timoteeyo
Gimba guri giyaada
Qatlay Pawlo giyaa ilii handikimi cheetiti, yaa jeerage wana hhapee da Ruumige haa yaa caahhi tuba, ina dugu cira gaasi. Teesaaqay, ina yaati slai Timoteeyo maa cira khay daqa dosii. Wakaꞌalee, Timoteeyo yaa iliiaꞌay Pawlo hari khisla, Pawlo gugi slai ina nankosi loi pahha.
Cheetitii Pawlo ti laqaaqana iliikooma dosi da hida goó ⁄imbee Yeesu, hhaã goó slawee labaꞌasu. Slime, ina muuna hii⁄atliitlimisi Timoteeyo, ma ilakoomi ⁄imba ya⁄aboo da Kristu. Ya⁄abotee magi kakaami hari ⁄atlimaa, gimati qatlay gu gimbadiira, haa ma ilii⁄oo⁄i maarimamaa da afaꞌafuuma.