Wáraga bɨ
Yụ́da
eké ní
Ledre gɨ ro bụ́kụ bɨ Yụ́da ní
Owụ́ gbụ́gbụ́ ledre ba Yụ́da bɨ nɨ kpá owụ́ ꞌbɨ mbágá Yésụ ní ekéne. Eké zɨ́ ngíti géyị ꞌyị ga bɨ ꞌbɨ Kɨ́résịto ngíti géyị ꞌyị ṛánga e ndịsịnɨ́ sínyi doyé ní. ꞌYị ṛanga ga gére née ilinɨ́ ndị́sị óyólóꞌbó bɨlámá ꞌdódo ledre ꞌbɨ Kɨ́résịto kenée nda yị́ eyé ꞌdíꞌbiógụ ledre máa wo bɨ ꞌyị idínɨ́ ndị́sị méngị bɨsinyí ledre ní. Yụ́da iꞌbíogụ tụ́ꞌdụ́ bɨlámá lị́lị ledre e gɨ sɨmɨ kuṛú mɨéké kúrú Lomo gɨ ro énzị komo ꞌyị ga bɨ ꞌbɨ Kɨ́résịto ní kɨ́e gɨ ro zɨ́ye tóroyé kpá fú ngbúó sɨmɨ ledre ꞌbɨ Lomo kɨ́ bɨlámá ledre ꞌbɨ Yésụ bɨ uwúnɨ́ gɨ tara ꞌyịmɨkása ené e ní.