Isirelibɑ bɑ nɔɔ mwɛɛru kuɑ
bu woodɑ mɛm nɔɔwɑ
10
1 Yenibɑ kpuron sɔ̃nɑ bɛsɛ Isirelibɑ sɑ nɔɔ mwɛɛru kuɑ sɑ yoruɑ. Bɛsɛn wirugibu kɑ Lefibɑ kɑ yɑ̃ku kowobu bɑ bɛsɛn nɔɔ mwɛɛ ten tireru nɔmɑ dokewɑ. 2 Be bɑ tire te nɔmɑ doke, berɑ bɛsɛn kpɑro Nɛɛmi, Hɑkɑliɑn bii, 3 kɑ Sedesiɑsi kɑ Serɑyɑ kɑ Asɑriɑ kɑ Yeremi 4 kɑ Pɑsuri kɑ Amɑriɑ kɑ Mɑɑkiyɑ 5 kɑ Hɑtusi kɑ Sebɑniɑ kɑ Mɑluku 6 kɑ Hɑrimu kɑ Mɛremɔtu kɑ Abudiɑsi 7 kɑ Dɑniɛli kɑ Ginɛtoni kɑ Bɑruku 8 kɑ Mɛsulɑmu kɑ Abiɑ kɑ Miyɑmini 9 kɑ Mɑɑsiɑ kɑ Biligɑi kɑ Semɑyɑ. Be kpuro bɑ sɑ̃ɑwɑ yɑ̃ku kowobu. 10 Be bɑ sɑ̃ɑ Lefibɑ, berɑ Yosue, Asɑniɑn bii kɑ Binui, Henɑdɑdin bii kɑ Kɑdimiɛli 11 kɑ ben mɛro bisibu Sebɑniɑ kɑ Hodiyɑ kɑ Kelitɑ kɑ Pelɑyɑ kɑ Hɑnɑni 12 kɑ Misee kɑ Rehɔbu kɑ Hɑsɑbiɑ 13 kɑ Sɑkuri kɑ Serebiɑ kɑ Sebɑniɑ 14 kɑ Hodiyɑ kɑ Bɑni kɑ Beninu. 15 Be bɑ mɑɑ sɑ̃ɑ wirugibu beyɑ Pɑreɔsi kɑ Pɑkɑti Mɔɑbu kɑ Elɑmu kɑ Sɑtu kɑ Bɑni 16 kɑ Buni kɑ Asigɑdi kɑ Bebɑi 17 kɑ Adoniyɑ kɑ Bigifɑi kɑ Adini 18 kɑ Atɛɛ kɑ Esekiɑsi kɑ Asuri 19 kɑ Hodiyɑ kɑ Hɑsumu kɑ Bɛsɑi 20 kɑ Hɑrifu kɑ Anɑtɔtu kɑ Nɛbɑi 21 kɑ Mɑgipiɑsi kɑ Mɛsulɑmu kɑ Hesiri 22 kɑ Mɛsesɑbɛli kɑ Sɑdɔku kɑ Yɑduɑ 23 kɑ Pelɑtiɑ kɑ Hɑnɑnu kɑ Anɑyɑ 24 kɑ Hosee kɑ Hɑnɑniɑ kɑ Hɑsubu 25 kɑ Hɑlosɛsi kɑ Pilikɑ kɑ Sobɛki 26 kɑ Rehumu kɑ Hɑsɑbunɑ kɑ Mɑɑseyɑ 27 kɑ Akiyɑ kɑ Hɑnɑnu kɑ Anɑni 28 kɑ Mɑluku kɑ Arimu kɑ Bɑɑnɑ.
29 Tɔn be bɑ tie, yɑ̃ku kowobu kɑ Lefibɑ kɑ sɑ̃ɑ yerun kɔnnɔn kɔ̃sobu kɑ wom kowobu kɑ Nɛtinibɑ kɑ sere be bɑ kɑ tii wurɑmɑ tɔn tukobun min di bɑ Yinni Gusunɔn woodɑbɑ mɛm nɔɔwɛ kɑ ben kurɔbu kɑ bibu, be bɑ gesi bwisi kɑ yɛ̃ru mɔ, 30 be kpuro bɑ kɑ ben mɛro bisibu nɔɔ tiɑ kuɑ be bɑ tɔn giroru bo. Bɑ nɔɔ mwɛɛru kuɑ kɑ bɔ̃ri bɑ nɛɛ, bɑ koo Yinni Gusunɔn woodɑ mɛm nɔɔwɑ ye u bu wɛ̃ sɑɑ Mɔwisin min di kpɑ bɑ n kɑ yi sɔmburu mɔ̀.
31 Bɑ nɛɛ, bɑ ǹ mɑɑ ben bii wɔndiɑbɑ tɔn tukobu wɛ̃ɛmɔ bu suɑ kurɔbu. Mɛyɑ ben ɑluwɑɑsibɑ bɑ ǹ mɑɑ tɔn tukobun bii wɔndiɑbɑ suɑmɔ kurɔbu. 32 Mɛyɑ bɑ ǹ mɑɑ gɑ̃ɑnu dwemɔ tɔ̃ɔ wɛ̃rɑrugiru kɑ tɔ̃ɔ bɑkɑnun sɑɑ sɔɔ tɔn tukobu bɑ̀ n kɑ kiɑru nɑ. Bɑ koo mɑɑ tɔmbu yoru kɑrɑ wɔ̃ɔ nɔɔbɑ yiruse sɔɔ kpɑ bɑ kun gɑ̃ɑnu kɔsie. 33 Mɛyɑ bɑ tii woodɑ yiiyɑ bu kɛ̃nu wɛ̃ sii geesun gobi gɑrɑmu nnɛ wɔ̃ɔ kɑ wɔ̃ɔ bu kɑ Gusunɔ ben Yinnin sɑ̃ɑ yerun sɔmburu ko. 34 Kɛ̃ɛ ni, nu ko n sɑ̃ɑwɑ ni bɑ koo kɑ pɛ̃ɛ dwe Yinni Gusunɔn yɑ̃ku ninin sɔ̃. Niyɑ, yɑ̃ku dɔ̃ɔ mwɑɑrɑruginu kɑ yɑ̃ku ni bɑ rɑ ko tɔ̃ɔ wɛ̃rɑrugiru sɔɔ kɑ yɑ̃ku ni bɑ rɑ ko tɔ̃ɔ bɑɑtere kɑ ni bɑ rɑ ko suru kpɑo ù n yɑrɑ kɑ yɑ̃kunu gɑnu kɑ sere torɑrun yɑ̃kunu. Kɛ̃ɛ niyɑ nu koo mɑɑ somi bu kɑ sɑ̃ɑ yerun sɔmɑ bɑɑyere ko. 35 Yɑ̃ku kowobu kɑ Lefibɑ kɑ Isirelibɑ bɛsɛ kpurowɑ sɑ tɛtɛ tobɑ su kɑ wɑ dɑ̃ɑ ye sɑ ko n dɑ kɑ nɛ wɔ̃ɔ bɑɑgere yɑ̃kunun sɔ̃ Gusunɔ bɛsɛn Yinnin sɑ̃ɑ yerɔ yen sɑɑ yɑ̀ n tunumɑ. Dɑ̃ɑ yerɑ bɑ ko n dɑ kɑ yɑ̃ku dɔ̃ɔ sɔ̃re yɑ̃ku yeru wɔllɔ nge mɛ bɑ geruɑ woodɑn tireru sɔɔ. 36 Mɛyɑ sɑ Gusunɔ nɔɔ mwɛɛru kuɑ sɑ nɛɛ, sɑ ko n dɑ kɑ bɛsɛn gberun dĩɑ gbiikinu kɑ bɛsɛn dɑ̃ɑ mɑrum gbiikum be bɑ sɔmburu mɔ̀ yɑ̃ku yerɔ nɑɑwɛ Yinni Gusunɔn sɑ̃ɑ yerɔ 37 kɑ bɛsɛn bii gbiikobu kɑ sere mɑɑ bɛsɛn yɑɑ sɑbenun bii gbiikinu nge mɛ bɑ yoruɑ woodɑn tireru sɔɔ. 38 Mɛyɑ sɑ ko mɑɑ kɑ bu bɛsɛn som kpɑm kɑ bɛsɛn dɑ̃ɑ mɑrum gbiikum kɑ bɛsɛn tɑm kpɑm kɑ bɛsɛn gum kpɑm nɑɑwɑ. Sɑ mɑɑ nɔɔ mwɛɛru kuɑ sɑ nɛɛ, sɑ ko wɔkuru bɑɑteren wɔllɔ tiɑ wɛ̃ bɛsɛn gbeɑn dĩɑnu sɔɔ. Lefibɑn tiiwɑ bɑ koo ye mwɛɛri wusu kpuron di tem mɛ̀ sɔɔ sɑ gbeɑ mɔ. 39 Yɑ̃ku kowo wi u sɑ̃ɑ Aronin bweseru wiyɑ u koo Lefibɑ yɔ̃siri sɑnɑm mɛ bɑ koo wɔkuru bɑɑteren wɔllɔn tiɑ tiɑ ye mwɑ. Kpɑ Lefi ben tii bu mɑɑ kɑ ye bɑ mwɑ min wɔkuru bɑɑteren wɔllɔn tiɑ tiɑ nɑ Gusunɔ ben Yinnin sɑ̃ɑ yerɔ diru mi bɑ rɑ ɑrumɑni bere. 40 Isirelibɑ kɑ Lefibɑ bɑ koo kɑ ben kɛ̃nu nɑwɑ mi bɑ rɑ yɑ̃kunun dendi yɑ̃nu bere Yinni Gusunɔn sɑ̃ɑ yerɔ kɑ sere mi yɑ̃ku kowobu kɑ sɑ̃ɑ yerun kɔ̃sobu kɑ wom kowobu bɑ rɑ sɔmburu ko. Kɛ̃ɛ niyɑ ɑlikɑmɑ kɑ tɑm kpɑm kɑ gum.
Nge mɛyɑ sɑ ǹ mɑɑ kɑ Yinni Gusunɔn sɑ̃ɑ yeru derimɔ.