<<    <   Nɛɛmi 7   >    >> 
Nge mɛ bɑ koo kɑ Yerusɑlɛmu
kɔ̃su
7
1 Sɑnɑm mɛ sɑ gbɑ̃rɑ te bɑnɑ sɑ kpɑ sɑ ten gɑmbobɑ doke, yerɑ sɑ be bɑ rɑ kɔnnɔsu kɔ̃su doke ben sɔmɑ sɔɔ kɑ sere mɑɑ wom kowobu kɑ Lefi be bɑ tie. 2 Mɑ nɑ nɛn mɔɔ Hɑnɑni woodɑ wɛ̃ u Yerusɑlɛmu kpɑrɑ, wi kɑ Hɑnɑniɑ, wi u sɑ̃ɑ Yerusɑlɛmun gbɑ̃rɑ kɔ̃sobun wirugii. Durɔ wi, u tɔn be bɑ tie kere. Domi u sɑ̃ɑ nɑɑnɛgii mɑ u Gusunɔ nɑsie. 3 Nɑ bu sɔ̃ɔwɑ nɑ nɛɛ, bɑ ǹ Yerusɑlɛmun kɔnnɔsu kɛniɑmɔ mɑ n kun mɔ sɔ̃ɔ u yɑrɑ. Yokɑ bɑ koo su kɛnɛwɑ kɔnnɔ kɔ̃sobu bu sere doonɑ. Yen biru, bɑ koo Yerusɑlɛmugibu bikiɑ bu wuu kɔ̃su, ben bɑɑwure u n yɔ̃ win dii kɔnnɔwɔ.
Yuu be bɑ wurɑ ben temɔ
4 Bɑɑ mɛ Yerusɑlɛmu yɑ kpɑ̃, yɑ mɑɑ yɑsu, yen tɔmbu bɑ ǹ dɑbi, bɑ ǹ mɑɑ diɑ bɑnɛ. 5 Yerɑ Yinni Gusunɔ u doke nɛn gɔ̃ruɔ n bukurobu mɛnnɑ kɑ siri kowobu kɑ wuun tɔmbu n kɑ bu gɑri gɑri. Mɑ nɑ tireru gɑru wɑ tè sɔɔ bɑ tɔmbun yĩsɑ yoruɑ nge mɛ ben bɑɑwuren bweserun tɔ̃kɑ sɑ̃ɑ. Berɑ be bɑ gbiɑ bɑ wurɑmɑ Bɑbilonin di. Ye nɑ wɑ bɑ yoruɑ wee.
6 Tɔn be Bɑbilonin sinɑ boko Nɛbukɑnɛsɑɑ u yoru mwɛɛrɑ u kɑ dɑ win mi, ben dɑbiru tɑ wurɑmɑ Yerusɑlɛmuɔ Yudɑn temɔ. Mɑ ben bɑɑwure u dɑ win wuuɔ. 7 Wee be bɑ tɔn be kpɑrɑmɑ. Berɑ Sorobɑbɛli kɑ Yosue kɑ Nɛɛmi kɑ Asɑriɑ kɑ Rɑmiɑ kɑ Nɑkɑmɑni kɑ Mɑɑdose kɑ Bilisɑni kɑ Misipɑɑ kɑ Bigifɑi kɑ Nɛhumu kɑ Bɑɑnɑ. Tɔn ben geeru kɑ ben bwese kɛrin yĩsɑ wee. 8 Pɑreɔsin bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ wunɔbu kɑ wɑtɑ kɑ wɔkurɑ yiru (2.172). 9 Sefɑtiɑn bweseru sɔɔ, bɑ sɑ̃ɑwɑ tɔmbu goobɑ wunɔbu kɑ wɑtɑ kɑ wɔkurɑ yiru (372). 10 Arɑn bweseru sɔɔ bɑ sɑ̃ɑwɑ tɔmbu nɑtɑ kɑ weerɑɑkuru kɑ yiru (652). 11 Pɑkɑti Mɔɑbun bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ nɛnɛ kɑ wɔkurɑ nɔɔbu kɑ itɑ (2.818). Bɑ sɑ̃ɑwɑ Yosue kɑ Yoɑbun sikɑdominu. 12 Elɑmun bweseru sɔɔ, bɑ sɑ̃ɑwɑ tɔmbu nɔrɔbu kɑ goobu kɑ weerɑɑkuru kɑ nnɛ (1.254). 13 Sɑtun bweseru sɔɔ bɑ sɑ̃ɑwɑ tɔmbu nɛnɛ kɑ weeru kɑ nɔɔbu (845). 14 Sɑkɑin bweseru sɔɔ, bɑ sɑ̃ɑwɑ tɔmbu nɑtɑ kɑ wunɔbu kɑ wɑtɑ (760). 15 Binuin bweseru sɔɔ, bɑ sɑ̃ɑwɑ tɔmbu nɑtɑ kɑ weeru kɑ nɔɔbɑ itɑ (648). 16 Bebɑin bweseru sɔɔ, bɑ sɑ̃ɑwɑ tɔmbu nɑtɑ kɑ yɛndɑ nɔɔbu kɑ itɑ (628). 17 Asigɑdin bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ goobɑ wunɔbu kɑ yɛndɑ yiru (2.322). 18 Adonikɑmun bweseru sɔɔ, bɑ sɑ̃ɑwɑ tɔmbu nɑtɑ kɑ wɑtɑ kɑ nɔɔbɑ yiru (667). 19 Bigifɑin bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ wɑtɑ kɑ nɔɔbɑ yiru (2.067). 20 Adinin bweseru sɔɔ, bɑ sɑ̃ɑwɑ tɔmbu nɑtɑ kɑ weerɑɑkuru kɑ nɔɔbu (655). 21 Atɛɛn bweseru sɔɔ, be bɑ sɑ̃ɑ Esekiɑsin yɛnugibu bɑ sɑ̃ɑwɑ tɔmbu wunɔbu yiru sɑri. 22 Hɑsumun bweseru sɔɔ, bɑ sɑ̃ɑwɑ tɔmbu goobɑ wunɔbu kɑ yɛndɑ nɔɔbu kɑ itɑ (328). 23 Bɛsɑin bweseru sɔɔ, bɑ sɑ̃ɑwɑ tɔmbu goobɑ wunɔbu kɑ yɛndɑ nnɛ (324). 24 Hɑrifun bweseru sɔɔ, bɑ sɑ̃ɑwɑ tɔmbu wunɔbu kɑ wɔkurɑ yiru (112). 25 Gɑbɑonigibu bɑ sɑ̃ɑwɑ tɔmbu wɛnɛ kɑ wɔkurɑ nɔɔbu (95). 26 Bɛtelehɛmugibu kɑ Nɛtofɑgibu bɑ sɑ̃ɑwɑ tɔmbu wunɑɑ wɛnɛ kɑ nɔɔbɑ itɑ (188). 27 Anɑtɔtugibu bɑ sɑ̃ɑwɑ tɔmbu wunɑɑ teeru kɑ nɔɔbɑ itɑ (128). 28 Bɛti Asimɑfɛtigibu bɑ sɑ̃ɑwɑ tɔmbu weeru kɑ yiru (42). 29 Kiriɑti Yɑrimu kɑ Kefirɑgibu kɑ Beerɔtugibu bɑ sɑ̃ɑwɑ tɔmbu nɑtɑ kɑ wunɑɑ weeru kɑ itɑ (743). 30 Rɑmɑgibu kɑ Gebɑgibu bɑ sɑ̃ɑ tɔmbu nɑtɑ kɑ yɛndɑ tiɑ (621). 31 Mikimɑsigibu bɑ sɑ̃ɑwɑ tɔmbu wunɑɑ teeru kɑ yiru (122). 32 Betɛligibu kɑ Ayigibu bɑ kuɑ tɔmbu wunɑɑ teeru kɑ itɑ (123). 33 Nɛbo yeɔnɔgibu bɑ sɑ̃ɑwɑ tɔmbu weerɑɑkuru kɑ yiru (52). 34 Elɑmu wiɔnɔn yɛnugibu bɑ sɑ̃ɑwɑ tɔmbu nɔrɔbu kɑ goobu kɑ weerɑɑkuru kɑ nnɛ (1.254). 35 Hɑrimun yɛnugibu bɑ sɑ̃ɑwɑ tɔmbu goobɑ wunɔbu kɑ yɛndu (320). 36 Yerikogibu bɑ sɑ̃ɑwɑ tɔmbu goobɑ wunɔbu kɑ weeru kɑ nɔɔbu (345). 37 Lodugibu kɑ Hɑdidigibu kɑ Onɔɔgibu bɑ sɑ̃ɑwɑ tɔmbu nɑtɑ kɑ wunɑɑ teeru kɑ tiɑ (721). 38 Senɑɑgibu bɑ sɑ̃ɑwɑ tɔmbu nɔrɔbun subɑ itɑ kɑ nɛnɛ kɑ wunɑɑ teeru kɑ wɔkuru (3.930). 39 Wee tɔn be bɑ wɑ̃ɑ yɑ̃ku kowobun bweseru sɔɔ. Yosuen bweseru sɔɔ, Yedɑyɑn yɛnugibu bɑ sɑ̃ɑwɑ nɛnɛ kɑ wunɑɑ wɑtɑ kɑ wɔkurɑ itɑ (973) 40 Imɛrin yɛnugibu bɑ sɑ̃ɑwɑ tɔmbu nɔrɔbu kɑ weerɑɑkuru kɑ yiru (1.052). 41 Pɑsurin yɛnugibu bɑ sɑ̃ɑwɑ tɔmbu nɔrɔbu kɑ goobu kɑ weeru kɑ nɔɔbɑ yiru (1.247). 42 Hɑrimun yɛnugibu bɑ sɑ̃ɑwɑ tɔmbu nɔrɔbu kɑ wɔkurɑ nɔɔbu kɑ yiru (1.017). 43 Lefibɑn wuuru sɔɔ, be bɑ sɑ̃ɑ Yosue kɑ Kɑdimiɛlin bweseru, Hodifɑn sikɑdominu, bɑ sɑ̃ɑwɑ tɔmbu wɑtɑ kɑ wɔkurɑ nnɛ (74). 44 Asɑfun yɛnugii be bɑ rɑ womu ko sɑ̃ɑ yerɔ, bɑ sɑ̃ɑwɑ tɔmbu wunɑɑ weeru kɑ nɔɔbɑ itɑ (148). 45 Be bɑ sɑ̃ɑ gbɑ̃rɑrun kɔnnɔ kɔ̃sobu bɑ kɑ sɑ̃ɑ Sɑlumun yɛnugibu kɑ Atɛɛbɑ kɑ Tɑlumɔɔbɑ kɑ Akububɑ kɑ Hɑtitɑbɑ kɑ sere Sobɑibɑ bɑ sɑ̃ɑwɑ tɔmbu wunɑɑ weeru yiru sɑri (138). 46 Nɛtinibɑn bweseru sɔɔ, be bɑ rɑ sɑ̃ɑ yerun sɔmburu ko ben sikɑdobɑrɑ Sihɑ kɑ Hɑsufɑ kɑ Tɑbɑɔtu 47 kɑ Kɛrɔsi kɑ Siɑ kɑ Pɑdoni 48 kɑ Lebɑnɑ kɑ Hɑgɑbɑ kɑ Sɑlumɑi 49 kɑ Hɑnɑnu kɑ Gidɛli kɑ Gɑsɑɑri 50 kɑ Reɑyɑ kɑ Resini kɑ Nɛkodɑ 51 kɑ Gɑsɑmu kɑ Usɑ kɑ Pɑseɑki 52 kɑ Besɑi kɑ Mɛhunimu kɑ Nɛfisimu 53 kɑ Bɑkibuki kɑ Hɑkufɑ kɑ Hɑɑhuru 54 kɑ Bɑsiliti kɑ Mɛhidɑ kɑ Hɑɑsɑ 55 kɑ Bɑɑkɔsi kɑ Siserɑ kɑ Tɑmɑki 56 kɑ Nɛtisɑ kɑ Hɑtifɑ. 57 Be bɑ sɑ̃ɑ Sɑlomɔɔn sɔm kowobun bibun sikɑdobɑ, berɑ Sotɑi kɑ Soferɛti kɑ Peridɑ 58 kɑ Yɑɑlɑ kɑ Dɑɑkoni kɑ Gidɛli 59 kɑ Sefɑtiɑ kɑ Hɑtili kɑ Pokerɛti Hɑsebɑimu kɑ Amɔɔ. 60 Nɛtini be, kɑ Sɑlomɔɔn sɔm kowobun bii be, be kpuro bɑ kuɑwɑ mi tɔmbu goobɑ wunɔbu kɑ wɛnɛ kɑ wɔkurɑ yiru (392).
61 Be bɑ yoru wɔmɑ sɑɑ Tɛli Mɛlɑkin di kɑ Tɛli Hɑsɑɑn di kɑ Kerubu Adonin di kɑ Imɛrin di bɑ ǹ kpĩɑ bɑ ben tundon yɛnu gie, bɑ ǹ mɑɑ kpĩɑ bɑ ben bweserun tɔ̃kɑ wunɑnɛ bu kɑ sɔ̃ɔsi mɑ ben tii bɑ sɑ̃ɑwɑ Isirelibɑ. 62 Ben wirugibɑ Delɑyɑ kɑ Tobiyɑ kɑ Nɛkodɑ. Be kpuro bɑ sɑ̃ɑwɑ tɔmbu nɑtɑ kɑ weeru kɑ yiru (642).
63 Yɑ̃ku kowobu sɔɔ, gɑbɑ mɑɑ wɑ̃ɑ be bɑ ǹ kpĩɑ bɑ ben bweserun tɔ̃kɑ wunɑnɛ. Berɑ Hobɑyɑn bibun bweseru kɑ Hɑkɔtugiru kɑ Bɑɑsilɑigiru. Bɑ bwese te sokɑ Bɑɑsilɑi yèn sɔ̃ ben sikɑdo u Bɑɑsilɑi Gɑlɑdigiin bii wɔndiɑ suɑ kurɔ. 64 Berɑ bɑ ben bweserun tɔ̃kɑ kɑsu bɑ biɑ. Mɑ bɑ bu yɑrɑ yɑ̃ku sɔmburun di. 65 Mɑ tem mɛn kpɑro u bu sɔ̃ɔwɑ u nɛɛ, mɑ n kun mɔ yɑ̃ku kowo goo u kpĩɑ u bikiɑru kuɑ kɑ urimu kɑ tumimu ben goo kun yɑ̃ku dĩɑnu dimɔ.
66 Tɔn be kpuron geeru tɑ sɑ̃ɑwɑ tɔmbu nɔrɔbun subɑ weeru kɑ yiru kɑ goobɑ wunɔbu kɑ wɑtɑ (42.360) 67 ben sɔm kowobu bɑɑsi. Ben sɔm kowo ben geeru wee, tɔmbu nɔrɔbun subɑ nɔɔbɑ yiru kɑ goobɑ wunɔbu kɑ tɛnɑ kɑ nɔɔbɑ yiru (7.337). Be sɔɔ, wom kowobu goobu kɑ weeru kɑ nɔɔbu (245) bɑ wɑ̃ɑ tɔn durɔbu kɑ tɔn kurɔbu. Ben dumin geerɑ sɑ̃ɑwɑ nɑtɑ kɑ wunɑɑ teeru kɑ wɔkurɑ nɔɔbu kɑ tiɑ (736) kɑ sere birɑkɔsu goobu kɑ weeru kɑ nɔɔbu (245)\f |b7:67 (245)|d - Ɛsidɑrɑsin tireru sɔɔ, 2:66, bɑ nɛɛ, bɑ dumi 736 kɑ birɑkɔsu 245 mɔ. Adɑmɑ Nɛɛmin tireru sɔɔ, bɑ ǹ ye yoruɑ.\F 68 kɑ yooyoosu nɛɛru kɑ tɛnɑ kɑ nɔɔbu (435) kɑ sere kɛtɛkunu nɔrɔbun subɑ nɔɔbɑ tiɑ kɑ nɑtɑ kɑ wunɑɑ teeru (6.720). 69 Yɛnu yɛ̃robu dɑbinɑ bɑ kɛ̃nu kuɑ bɑnɑ yen sɔ̃. Wee ye tem mɛn kpɑro u mɑɑ wɛ̃ bɑnɑ yen sɔ̃. U wurɑn gobi nɔrɔbu (1.000) wɛ̃ kɑ gbɛ̃ɛnu weerɑɑkuru ni bɑ koo kɑ yɑɑ yɛm yɛ̃kɑ kɑ yɑ̃ku kowobun tɑkobɑ nɛɛrɑ wunɔbu kɑ tɛnɑ (530). 70 Yɛnu yɛ̃ro ben kɛ̃ɛ ni bɑ kuɑ nu sɑ̃ɑwɑ wurɑn gobi nɔrɔbun subɑ yɛndu (20.000) kɑ sii geesu kilo nɔrɔbu kɑ wunɔbu (1.100). 71 Tɔn be bɑ tie bɑ mɑɑ wurɑn gobi nɔrɔbun subɑ yɛndu (20.000) wɛ̃ kɑ sii geesu kilo nɔrɔbu (1.000) kɑ sere yɑ̃ku kowobun tɑkobɑ wɑtɑ kɑ nɔɔbɑ yiru.
72 Yɑ̃ku kowobu kɑ Lefibɑ kɑ gbɑ̃rɑ kɔnnɔ kɔ̃sobu kɑ wom kowobu kɑ Nɛtinibɑ kɑ sere Isireli be bɑ tie ben bɑɑwure u wurɑwɑ win wuuɔ.
Ɛsidɑrɑsi u woodɑn tireru gɑrɑ
bɑtumɑ sɔɔ
Wɔ̃ɔn suru nɔɔbɑ yirusen tɔ̃ɔ gbiikiru sɔɔ, Isirelibɑ kpuro bɑ wɑ̃ɑ ben wusɔ.