NƐƐMI
Sɑ ko kpĩ su Nɛɛmin tirerun gɑri bɔnu ko itɑ.
Gbiikɑɑ, Yerusɑlɛmun gbɑ̃rɑrun bɑnɑ. Bɑbilonin sinɑ bokowɑ u Nɛɛmi gɔrɑ u kɑ sɔmbu te kpɑrɑ. U mɑɑ gɑ̃ɑ dɑbinu sɔnwɑ sɑ̃ɑrun swɑɑ sɔɔ kɑ mɑɑ ben tiin wɑ̃ɑsinɑɑn swɑɑ sɔɔ.
Yiruse, Ɛsidɑrɑsi u tɔmbu Yinni Gusunɔn woodɑ gɑriɑ, mɑ tɔn be kpuro bɑ ben torɑnu wɑ, mɑ bɑ nin suuru bikiɑ bɑ kɑ Gusunɔ ɑrukɑwɑni kpɑɑ bɔkuɑ.
Itɑse, yɑ sun sɔ̃ɔmɔ mɑ Nɛɛmi u sɑ̃ɑ kpɑro Yudɑbɑ sɔɔ. Ye yɑ sɑ̃ɑ gɑ̃ɑ girinu win wɑ̃ɑru sɔɔ, yerɑ u tii Gusunɔ wɛ̃ mɑm mɑm. Wiyɑ u rɑ Gusunɔ kɑnɛ sɑɑ kpuro.
Tire ten kpunɑɑ
1. Bɑ Yerusɑlɛmun gbɑ̃rɑru bɑnɑ, wiru 1n di sere wiru 7.
2. Bɑ Yinni Gusunɔn woodɑbɑ gɑrɑ mɑ bɑ kɑ nùn ɑrukɑwɑni kpɑɑ bɔkuɑ, wiru 8n di sere wiru 10.
3. Ye Nɛɛmi u kuɑn sukum, wiru 11n di sere wiru 13.