30
1 Yeniwɑ Mɔwisi u Isirelibɑ kpuro sɔ̃ɔwɑ nge mɛ Yinni Gusunɔ u nùn yiire.
Woodɑ ye bɑ yi
nɔɔ mwɛɛnun sɔ̃
2 Mɔwisi u Isirelibɑn bwese kɛrin wirugibu sɔ̃ɔwɑ u nɛɛ, wee woodɑ ye Yinni Gusunɔ u wɛ̃.
3 U nɛɛ, goo ù n nɔɔ mwɛɛru kuɑ mɑ u koo nùn kɛ̃ru wɛ̃, ǹ kun mɛ ù n bɔ̃ruɑ u nɛɛ, u koo tii nɛnɛ gɑ̃ɑnu gɑnun sɔ̃, u#ǹ win gɑri yi kɔbiɑmɔ. U koo win nɔɔ mwɛɛ te yibiɑwɑ.
4 Bii wɔndiɑ ù n Yinni Gusunɔ nɔɔ mwɛɛru kuɑ, ǹ kun mɛ, ù n bɔ̃ruɑ sɑnɑm mɛ u ginɑ wɑ̃ɑ win tundon nɔmɑ sɔɔ, 5 mɑ tundo wi, u#ǹ nùn ye yinɑri sɑnɑm mɛ u yen gɑri nuɑ, sɑɑ ye sɔɔ, wɔndiɑ wi, u koo win nɔɔ mwɛɛ te yibiɑwɑ. 6 Adɑmɑ win tundo ù n nùn ye yinɑri sɑnɑm mɛ u yen gɑri nuɑ, sɑɑ ye sɔɔ, wɔndiɑ wi, u#ǹ mɑɑ nɔɔ mwɛɛ te yibiɑmɔ. Yinni Gusunɔ u koo nùn yen suuru kuɑ, domi win tundowɑ u nùn ye yinɑri.
7 Wɔndiɑ goo ù n nɔɔ mwɛɛru kuɑ, ǹ kun mɛ ù n bɔ̃ruɑ n deemɑ u#ǹ bwisikɑ sɑɑ ye u bɔ̃ri yi mɔ̀, yen biru mɑ u durɔ suɑ, 8 mɑ win durɔ kun nùn ye yinɑri sɑnɑm mɛ u yen gɑri nuɑ, u koo win nɔɔ mwɛɛ te yibiɑwɑ. 9 Adɑmɑ win durɔ ù n ye yinɑ sɑnɑm mɛ u yen gɑri nuɑ, u#ǹ mɑɑ nɔɔ mwɛɛ te yibiɑmɔ te u kuɑ. Yinni Gusunɔ u koo mɑɑ nùn suuru kuɑ.
10 Tɔn kurɔ wìn durɔ gu, ǹ kun mɛ wi kɑ durɔ bɑ yinɑnɑ, ù n nɔɔ mwɛɛru kuɑ, u koo tu yibiɑwɑ.
11 Kurɔ mɔro goo ù n nɔɔ mwɛɛru kuɑ, ǹ kun mɛ ù n bɔ̃ruɑ, 12 mɑ win durɔ kun nùn ye yinɑri sɑnɑm mɛ u yen gɑri nuɑ, kurɔ wi, u koo win nɔɔ mwɛɛ te yibiɑwɑ. 13 Adɑmɑ win durɔ ù n nùn ye yinɑri sɑnɑm mɛ̀ sɔɔ u yen gɑri nuɑ, kurɔ wi, u#ǹ mɑɑ nɔɔ mwɛɛ te yibiɑmɔ. Yinni Gusunɔ u koo nùn suuru kuɑ domi win durɔwɑ u nùn ye yinɑri. 14 Kurɔ mɔro ù n nɔɔ mwɛɛru kuɑ, ǹ kun mɛ ù n bɔ̃ruɑ u nɛɛ, u koo tii nɛnɛ gɑ̃ɑnu gɑnun sɔ̃, win durɔwɑ u koo de nɔɔ mwɛɛ te, tu koorɑ, ǹ kun mɛ tu wɔrumɑ. 15 Sɑnɑm mɛ durɔ wi, u gɑri yi nuɑ, ù kun ye yinɛ, u yi wurɑwɑ. Kurɔ wi, u koo nɔɔ mwɛɛ te yibiɑwɑ. 16 Adɑmɑ durɔ wi, ù n derɑ n tɛ u sere nùn ye yinɑri, durɔ wiyɑ u koo yen tɑɑrɛ wɑ.
17 Woodɑ yeniwɑ Yinni Gusunɔ u Mɔwisi wɛ̃ wɔndiɑ kɑ win tundon sɔ̃, kɑ sere mɑɑ kurɔ mɔro kɑ win durɔn sɔ̃.