अ़ऩङ्वा यरुसलेम
२१
खोन्किना अ़ङ्का अ़ऩङ्वा निनाम्मा खोन्कि अ़ऩङ्वा हेन्खामा खाङ।
बुयाओ निनाम्मा खोन्कि बुयाओ हेन्खामा माखारा।
धियाङ्वामाछाङ मात्द़ङ्याङ।
२ खोन्कि निनाम्मादुङ्का सेङाङाओ सहरा अ़ऩङ्वा यरुसलेम निनाम्हाङ्आ अ़धान्ताङाओ अ़ङ्का खाङ।
मो सायाकाकाम्मा अ़सायाकाकाम्पा तुप्मा निम्पाङ चोङ्सान्चिन्कि चुम्सान्चिन्ओवा मुवाङा।
३ हाङ्युङ्खादाङ्का ओवात्नि य़ङाओ अ़क्तात अ़धिवा य़ङ अ़ङ्का एनुङ,
“हान,
निनाम्हाङ्ओ अ़चुयुङ्खा म़नाचिएनान लिसायुङ्सा।
खोक्को मोचिएदा म़युङ,
खोन्कि मोचि खोक्कोसोओ अ़चुम़नाचि म़लि।
खोन्कि निनाम्हाङ आप्पि मोचिएनान म़युङ,
खोन्कि खोक्को मोचिओ अ़चुनिनाम्हाङ म़लि।
४ खोक्कोसाआ मोचिओ अ़चुम़क्दाओ अ़चुम़क्वा झारा म़त़क्तुप़चि।
मोदा स़माङा मात्द़ङ,
खोन्कि सोखा,
खाप्मा खोन्कि योक्माछाङ अ़लिनिन।
देकिनालो बुयाओ य़ङ्चि म़खाराचिआ।”
५ खोन्किना हाङ्युङ्खादा कायुङ्आ अ़ङ्का अ़लोवाङ,
“खा,
अ़ङ्का झारा अ़ऩङ्वा मुङ्च़ङ।”
खोक्कोसाआ ओवात्निछाङ ऩलोवाङ,
“ओ छाप्तु,
देकिनालो ओ य़ङ्चि सोम्कुवा मुमा खान्तुओ खोन्कि अ़छ़ङ म़मुयाङ।”
६ खोक्कोसाआ अ़ङ्का ऩलोवाङ,
“हान चिआ।
अ़ङ्का अल्फा खोन्कि ओमेगा ओ,
अ़पुङ्चिपुक खोन्कि अ़लुक्मा अ़ङ्काङा ओ।
वामित्मा कास़चि ह़ङ्म़ङ्ओ चाक्वा लित्खादाङ्का अ़ङ्का मोहाङा ओ प़ङ्च़ङ।
७ साङ्चि म़छो मोचिआ अ़ङ्काएदाङ्का ओ पाङ्यि अ़तोक,
खोन्कि अ़ङ्का मोचिओ अ़चुनिनाम्हाङ लिङा,
खोन्कि मोचि अ़ङ्छाचि म़लि।
८ मेन अ़चुक़मा काकात्चि,
साकोङ्छ़ङ मान्मुकादाचि,
चिप्माकात्तुओचि,
म़ना कासेत्चि,
पोप्कामुचि,
म़क्फेङ कामुचि,
सेम्पोक काब़क्चि खोन्कि म़ना काम़प्चि झारा मो म़नाचिओ अ़चुपाङ्यि लेत्याङ्ओ गन्दक्ओ मिराक्दा लि।
ओ ह्वादुओदु स़मा ओ।”
९ मो सात्कातात देङ्दाओ अ़चाअ़त्माआ म़भेप्ताओ सात्काखुङ कातोक सात्कापाङ निनाम्हाङ काफाचिदा अ़क्छा बानाकि अ़ङ्का ओवात्नि अ़लोवाङ,
“बाना,
अ़ङ्का खाना थुबाछाओ अ़चुसायाकाकाम्मा खोक्कोसोओ अ़चुखिम्हाङ्मा,
खाङ्मेत्नाने।”
१० खोन्किना सेङ्लावाआ अ़ङ्का अ़क़म्ताङ,
खोन्कि अ़क्तात अ़धिवा झोन्ताङाओ भ़ऱदु अ़खात्ताङ।
निनाम्हाङ्आ निनाम्मादुङ्का ह्युत्नि अ़धान्ताङाओ सेङाङाओ सहरा यरुसलेम खोसाआ अ़ङ्का खाङ्अ़मेत्ताङ।
११ मो सहरा निनाम्हाङ्ओ अ़चुसाम्आ भेप्तायुङ्सा,
खोन्कि मोसोओ अ़लेत्मा अ़लुङ छ़ओ वाचेत्लुङ्वा काराङा,
बिल्लौर फत्किरिवाको छोक्छोक्छोक्वाओ मुवाङा।
१२ मोसोओ अ़ऱङ्कोप्नि अ़धिवा झोन्ताङाओ कुदारि याआङा,
खोन्कि मोदा बारकातात लाप्तिखोप्चि म़याआङा।
लाप्तिखोप्दा बारकापाङ निनाम्हाङ काफाचि म़याआङा।
मो लाप्तिखोप्चिदा इस्राएलि म़नाचिओ बारकाभुङ्ओ अ़चुऩङ छाप्ताङा।
१३ बुसुहोन्दा सुम्कातात लाप्तिखोप्चि देङ्सुहोन्दा सुम्कातात,
धाउहोन्दु सुम्कातात खोन्कि ह्युहोन्यु सुम्कातात म़याआङा।
१४ सहरादाओ कुदारिओ अ़छ़ङ्चि बारकातात म़याआङा।
मो झारा दुङ्दा थुबाछाओ बारकापाङ छाम्माय़ङ म़नाचिओ अ़चुऩङ छाप्ताङा।
१५ अ़ङ्काएनान काचेप निनाम्हाङ काफाएदा सहरा,
मोसोओ अ़लाप्तिखोप्चि खोन्कि अ़कुदारि हाक्खा अ़क्तात हाराक्वाओ वारेम्फ़क याआङा।
१६ मो सहरा चारकालिप्पा अ़क्निवा मुवाङा।
मोसोओ अ़दाप,
खोन्कि अ़मेत अ़क्निवा मुवाङा।
निनाम्हाङ काफाआ मो अ़हाक्खा अ़वारेम्फ़क्आ मो सहरा हाक्तुहिदा ह्वा हजारा चार सये किलोमितरा याआङा।
मोसोओ अ़मेत,
अ़झोन खोन्कि अ़दाप अ़क्निवा याआङा।
१७ निनाम्हाङ काफाआ मोसोओ अ़कुदारिछाङ हाक्तु,
खोन्कि म़नाआ याङुङुओ हाक्मावा मो अ़क सये चवालिस्कारोङ झोन्ताङा।
१८ मो कुदारि बिलौरआ मुवायुङ्सा,
खोन्कि सहरा अ़च़क़ल़क हाराक्वाआ मुवायुङ्सा खोन्कि मो सेङाङाओ सिसावा लेराङा।
१९ कुदारिओ अ़छ़ङ्चि अ़पारा-अ़पाराओ ब़द्धे अ़लुङ्छुक्ओ रत्नचिआ म़चोङ्सायुङ्सा।
बुयाओ अ़छ़ङ बिल्लौरआ,
देङ्दाओ निरआ,
सुम्कातात्ओतात हरित्आ चारकाताओतात पन्नाआ,
२० पाच्कातात्ओतात आनिक्स्आ,
छकातात्ओतात लालमनिआ,
सात्कातात्ओतात पितमनिआ,
आथ्कातात्ओतात बेरुज्आ,
नौकातात्ओतात पुस्पराज्आ,
दस्कातात्ओतात लसुनेआ,
एघारकातात्ओतात निलमनिआ बारकातात्ओतात कतेलाआ म़चोङ्सायुङ्सा।
२१ मो बार लाप्तिखोप्चि बारकावाचेत्लुङ्ओचि म़याआङा।
झारा लाप्तिखोप अ़-अ़क्तात वाचेत्लुङ्आ मुवायुङ्सा।
मो सहराओ मुलो लाम छोक्छोक्छोक्वा सिसावाको अ़च़क़ल़क हाराक्वाओ याआङा।
२२ अ़ङ्का मो सहरादा खाक्कोछाङ निनाम्हाङ ब़क्खाखिम मान्खाङ्ङा,
देकिनालो झारा सावाकातोक हाङ्पा निनाम्हाङ खोन्कि थुबाछाङा मोदाओ निनाम्हाङ ब़क्खाखिम म़युङ्याङ।
२३ मो सहरा उप्मा निम्पाङ नाम खोन्कि लादिप्मा मान्दोत्याङ देकिनालो निनाम्हाङ्ओ अ़चुसाम्आङा मो सहरा अ़उप खोन्कि थुबाछाङा मो सहराओ अ़कुपि ओ।
२४ रावा-रावाचि खोक्कोसोओ अ़चुसाम्दा म़कोन।
हेन्खामादाओ हाङ्चिआ अ़लुङ छ़ओ सामाचि मोदा अ़तात।
२५ अ़खोलेन मोसोओ अ़लाप्तिखोप्चि देम्खाछाङ ऩखोप्निन,
देकिनालो मोदा देम्खाछाङ खाअ़खुत्निन।
२६ रावा-रावाचिओ साऩङ्वा खान्नुओ अ़लुङ छ़ओ सामाचि मो सहराहुत्दा अ़तात।
२७ थुबाछाओ ह़ङ्म़ङ्ओ छाप्लाखादा अ़चुऩङ म़छाप्ताओचि मोदा वाङ्मा म़ऱ,
मेन म़पोप्ताओचि,
चिप्माकात्तुओचि खोन्कि सोज्जे काचेप्चि मोदा वाङ्मा ऱमाइऩऱनिन।