पत्रुस्ओ बुयाओ अ़छाप्लावा
छाप्लाखाओ अ़सिन्खा
ओ छाप्लावा पत्रुस्आ एसिया माइनरओ धाउहोन खाहुप्दु कायुङ झारा ख्रिस्तदा साकोङ्छ़ङ कामुचिओ निकि छाप्तुओ। मोचि “निनाम्हाङ्आ म़छेन्तुचिओ म़नाचि”नि म़लोयुङ्सुचि। ओ छाप्लावाओ अ़मित्चिऩङ काखिप्चिओ अ़चुराक पोन्मा निकिना ओ। देकिनालो मोचि ख्रिस्तदा साकोङ्छ़ङ म़मुवाओसा दुखा खोन्कि चाअ़त्मादा म़छुक्ता। ओवात्नि मोचिओ अ़चुराक पोइसुप़ङुचिहिदा पत्रुस्आ येसु ख्रिस्तओ अ़चुनुय़ङ्खान खोक्को म़सुवाओ खोक्को म़खोन्तालोन्ता खोन्किना खोक्को म़लाताओ हिप्माय़ङ मित्मेत्याङ्सा खाम़एत्तुचि। दुखा खोन्कि अ़चाअ़त्मा ना मोचिओ अ़छ़ङ अ़चुचिन्माखाङ्मा ओ, खोन्कि ख्रिस्त म़लातायाङ्ओ लेन्दा सिरिफा म़प़ निकिना अ़छ़ङ मुयाङ्सा मो दुखा खोन्कि अ़चाअ़त्मा मोचिआ आङ्मादोत। ओ छाप्लावा काखिप्चिआ दुखाओ ग़रिदा पत्रुस्आ राक प़चि खोन्कि ख्रिस्तओ अ़चुकाखेङ्पाचिवात्नि ह़ङानिन्नि मोचि म़लोचि।
थुत्मेत्लो अ़तुक्वा ऩङ
अ़सिन्खा १:१-२
निनाम्हाङ्ओ अ़चुलेन्माओ मित्मा १:३-१२
सेङ्याङ्ओ ह़ङ्म़ङ ह़ङ्मायु यायोक १:१३–२:१०
दुखाओ ग़रिदा ख्रिस्तएदा साकोङ्छ़ङ कामुचिओ अ़चुपाङ २:११–४:१९
ख्रिस्तियान सिम्मान्चिन खोन्कि फामुमा ५:१-११
अ़चिन्मा ५:१२-१४