हिब्रुचिओ निम्पाङ छाप्माय़ङ छाप्लावा
छाप्लाखाओ अ़सिन्खा
ओ हिब्रुचिओ छाप्लावा अ़क रुहुप ख्रिस्तियान्चिओ निम्पाङ छाप्ताओ। पोयाङाओ तिम्माय़ङ तेम्मादोराङाओसाआ मोचिआ येसुएदा अ़मुवाओ साकोङ्छ़ङ अ़छित हे निकिना क़मादोराङा। ओ छाप्लावा काछाप्आ निनाम्हाङ देत्नि म़मुयाङ, येसुछाङ मोवात्निङा म़मुयाङ निकिना राक प़ङुचि। ओवात्नि च़मा खोसाआ सुम्कातात अ़छ़ङ य़ङ्चि खाङ्मुसुचि:
बुयाओतात, येसु निनाम्हाङ्ओ अ़धुन्ओ अ़चुछा म़युङ्याङ, खोक्कोसाआ अ़आङ्ताओ दुखालाम्पा देत्नि अ़चुपापाओ अ़चुलोमाय़ङ अ़नुछ्या मुमादोत ओ, मो म़चिन्तान्चिन। येसु निनाम्हाङ्ओ अ़चुछाओसा बुयाओ य़ङ्हुप्ओ निनाम्हाङ्य़ङ खाकालुचि, निनाम्हाङ काफाचि खोन्कि मोसादाङ्काछाङ तोक्पो म़मुयाङ।
ह्वातात्ओतात, निनाम्हाङ्आ येसु बुयाओ य़ङ्हुप्दाओ काब़क्पाचिदाङ्काछाङ अ़धुन युङ्युङ्ओ मुलो काब़क्पा म़युङ्याङ निकिना खाअ़लुसायुङ्सा।
सुम्कातात्ओतात, खोक्कोएदा साकोङ्छ़ङ कामु म़ना येसुलाम्पा हेवा, क़मा खोन्कि स़मादाङ्का लेन। मोवात्निङा खो अ़धिवा काब़क्पा म़मुयाङ्ओसाआ खोक्कोसाआ अ़नुछ्या म़लेन। ओ अ़छ़ङ लेन्मा यहुदि साम्योक्ओ च़माथाङ्मा खोन्कि साक्स़ङ्ओ हेन्खोक्वा लावाछामित्वा खालुसायुङ्सा।
एघार अ़धाङ्दा काछाप्आ ओ छाप्लावा काखिप्चि इस्राएल्ओ साम्कालिन्दा अ़चुऩङ ऱङाओ म़नाचिआ अ़मुवाओ साकोङ्छ़ङ्ओ अ़मात्ऩङ प़सा साकोङ्छ़ङ मुमायुङ्मादोत्नि लोङुचि। बार अ़धाङ्दा, खोसाआ मोचि येसु खाङ्सा आदेङ्तारि खोक्कोएदा साकोङ्छ़ङ मुमायुङ्मा खोन्कि दियाको दुखा खोन्कि तिम्माय़ङ तानुछाङ मो झारा आङ्मादोत निकिना राक प़ङुचि। ओ छाप्लावा यायोक खोन्कि चाप्चेत्माओ य़ङ्चिदा सेत्तायुङ्सा।
थुत्मेत्लो अ़तुक्वा ऩङ
अ़सिन्खा: ख्रिस्त निनाम्हाङ्ओ अ़नुछ्याओ अ़चुकात्मा १:१-३
निनाम्हाङ काफाचिदाङ्का ख्रिस्त तोक्पो म़मुयाङ १:४–२:१८
मोसा खोन्कि यहोसुदाङ्का ख्रिस्त तोक्पो म़मुयाङ ३:१–४:१३
ख्रिस्तओ अ़चुब़क्मापाओ अ़चुतोक्पो ४:१४–७:२८
ख्रिस्तओ अ़चुहिप्माय़ङ्ओ अ़चुतोक्पो ८:१–९:२२
ख्रिस्तओ अ़चुहेन्खोक्वाओ अ़चुतोक्पो ९:२३–१०:३९
साकोङ्छ़ङ्ओ अ़मुलो ११:१-४०
निनाम्हाङ्ओ अ़चुऩङानुमा १३:१-१९
आदेङ्ओ यामात्मा १३:२०-२१
आदेङ्ओ य़ङ्चि १३:२२-२५