तितस्ओ निकि पावल्आ छाप्तुओ छाप्लावा
छाप्लाखाओ अ़सिन्खा
ओ पावल्आ तितस्ओ निकि छाप्तुओ छाप्लावा ओ। तितस निरावाचिदाङ्का ख्रिस्तियान लिसाओ, खोन्कि खो पावल नुय़ङ्खान खाएत्मा काचिदा काफा सावाछा म़ना मुवाङा। पावल्आ मो साम्भुङ्दाओ काचिचि खाङ्सि क्रेतदा छिरुदोओ ओ। ओक्को छाप्लावाआ सुम्कातात मुलो य़ङ्चि खाङ्मुसु।
बुयाओ, अ़नुछ्या ब़द्धे क्रेतदा कायुङ्चि अ़त्लो म़चुवाओसा पावल्आ तितस साम्भुङ्दाओ बुसुवाचिदा खाउपाराओ च़माथाङ्मा लिमादोत, मोसोओ अ़तुक्वादा मित्मेत्तुचि। ह्वातात्ओतात, खोसाआ तितस साम्भुङ्दा म़याआङाओ रुहुप्चि, खोक्पाचि खोन्कि खोक्मा मेत्छामाचि, सावाछा म़नाचि खोन्कि हारुक्चि चिन्माय़ङ्चिओ यायोक म़प़चि। आदेङ्माङ, पावल्आ तितस कासिम्नान्चिन खोन्कि कातोङ लिमादोत्ओ ख्रिस्तियान च़माथाङ्मा काच़, मेन ङेङ्कामु, खिमामुमा खोन्कि साम्भुङ्दा लिओ फेक्मादाङ्का अ़थाया युङ्मा यायोक प़युङ्सु।
थुत्मेत्लो अ़तुक्वा ऩङ
अ़सिन्खा १:१-४
साम्भुङ्दाओ पाङ्यिचि १:५-१६
साम्भुङ्दाओ अ़पारा-पाराओ रुहुप्चिदाओ पाङ्खुन २:१-१५
यायोक खोन्कि चाप्चेत्मा ३:१-११
अ़चिन्मा ३:१२-१५