तिमोथिओ निम्पाङ पावल्आ छाप्तुओ बुयाओ छाप्लावा
छाप्लाखाओ अ़सिन्खा
तिमोथि एसिया माइनरदाओ अ़क्छा सावाछा ख्रिस्तियान याआङा। मोसोओ अ़मा यहुदि खोन्कि मोसोओ अ़पा ग्रिक ओ। नुय़ङ्खान खालुमा काचिदा मो पावल्एनान अ़क्नि-अ़क्नि कोलाचिकि खो काफा म़ना लिसा। ओ बुयाओ छाप्लावा पावल्आ मो मुलो य़ङ मित्तुकि खोसोओ निकि छाप्तुयुङ्सु।
ओ छाप्लावा झारादाङ्का बुया साम्भुङ्दा लिसाओ सोज्जेओ तायाओ अ़देङ्सालाप्पादा चाप्चेत्माय़ङ ओ। ओवाको सोज्जेओ ताया यहुदि मिन्मा खोन्कि निरावाचिओ मित्मा होलाकि लिसाओ सोज्जेओ साकोङ्छ़ङ्दा नालाओ ताया ओ। मो सोज्जेओ ताया ओवात्नि मुयाङ: ओ हेन्खामा हेवाआ भेप्तुयुङ्सु। म़नाआ देम्खातारि अ़नुछ्याओ सुकुलाताया अ़तोक्तुन, देम चामायुचिदा ऩछेक्तुन, सायाकाम्मा ऩछिरुन, खोन्तारि मोसाआ लेन्मा अ़तोक्तुन।
ओ छाप्लावादा देत्नि साम्भुङ्दा हाङ्काचि मुमादोत, देत्नि सेवा मुमादोत, मोसोओ अ़बुसुवाचि खोन्कि मोचि काफाचिएदा दियाको च़माथाङ्मा याक्मादोत, मो झारा यायोक्चि म़याक्याङ। आदेङ तिमोथि साकोङ्छ़ङ कामु रुहुप्चिओ निकि खोसोओ अ़पाङ्खुन्ओ अ़तुक्वादा खोन्कि देत्नि येसु ख्रिस्तओ अ़नुवाक अ़चुकाचि कामु लिमादोत निकिना यायोक अ़पुवायुङ्सा।
थुत्मेत्लो अ़तुक्वा ऩङ
अ़सिन्खा १:१-२
साम्भुङ्ओ अ़तुक्वादा खोन्कि मोहा प़माओ अ़तुक्वादा यायोक्चि १:३–३:१६
तिमोथिओ अ़काचिओ अ़तुक्वादा यायोक्चि ४:१–६:२१