कोरिन्थिचि पावल्आ छाप्तुओ ह्वातात्ओतात छाप्लावा
छाप्लाखाओ अ़सिन्खा
ओ पावल्आ कोरिन्थिदा पुङ्सुओ साम्भुङ्चिओ निम्पाङ छाप्तुओ ह्वातात्ओतात छाप्लावा ओ। साम्भुङ्एनान खो मान्तोङ्दाङाओ ग़रि छाप्तुओ ओ छाप्लावा ओ। खोन्ग़रि खो खोन्कि साम्भुङ्एनान नुलोक मान्तोङ्याङ। साम्भुङ्दाओ खा-खाक्को पाङ्यिचिआ खो अ़न्नुनु अ़त्लो अ़मुवायुङ्सा। खोन्नुछाङ, खोसाआ मोचिएनान तोङ्मानिङा मिनाङा, खोन्कि मो अ़मिन्मा तालानालो खोसोओ अ़न्नुनु अ़ऩङानु।
ओ छाप्लावाओ बुया छाप्याङ्ओसाआ पावल खोन्कि कोरिन्थिदाओ साम्भुङ्चिओ अ़चुरादा लिसाओ अ़तुक्वादा खाम़एत। खोन्नुछाङ, खोसाआ साम्भुङ्चिआ अ़त्लो अ़मुवाओ खोन्कि फित्चि अ़मुवाओसोओ य़ङ चाअ़त्लो म़लासुप़चि। खोन्कि ओवाको लामाय़ङ्आ साम्भुङ्दा हेवादाङ्का लामा खोन्कि तोङ्मादा खो अ़ऩङानुवा। खोन्किना पावल्आ साम्भुङ्दा यहुदियादा म़युङाङाओ मान्तोक्कादा ख्रिस्तियान्चिओ निम्पाङ तोक्पो मिन्माआ फाम़मेत्तुचि। आदेङ्ओ अ़धाङ्चिदा पावल्आ खो अ़क्छा अ़नुवाक छाम्माय़ङ्ओनि लोनान्चिन। देकिनालो कोरिन्थिदा नि म़नाचिछाङ अ़नुवाक छाम्माय़ङ्नि म़लोवान्यान्चिन। मेन पावल सोज्जेओ छाम्माय़ङ म़नानि अ़लोवाङा।
थुत्मेत्लो अ़तुक्वा ऩङ
अ़सिन्खा १:१-११
पावल खोन्कि कोरिन्थिदाओ साम्भुङ १:१२–७:१६
यहुदियादा म़युङाङाओ ख्रिस्तियान्चिओ निम्पाङ फामा ८:१–९:१५
पावल्आ खो छाम्माय़ङ्नि लोवान्चिन्ओ १०:१–१३:१०
अ़चिन्मा १३:११-१३