युहन्ना प़माय़ङ खाङ्मुमा
छाप्लाखाओ अ़सिन्खा
युहन्नाआ तोक्तुओ साम ओवाको ग़रि छाप्ताओ, मोन्ग़रि ख्रिस्तियान्चि चात्लो दुखा खोन्कि ल़क्मादा म़छुक्तायुङ्सा, देकिनालो मोचिआ येसु ख्रिस्त आन्काओ हाङ्पा निकिना खोक्कोएदा साकोङ्छ़ङ म़मुवायुङ्सा। काछाप्आ अ़छाप्लाखा काखिप्चि तोक्मामिन्मा खोन्कि राक प़माचि खोन्कि मोचि दुखा खोन्कि ल़क्माओ ग़रिदा सोम्कुवादा युङ्मायुङ्मा यायोक प़ङुचि।
ओ छाप्लाखाओ ब़द्धेकातेप्दा साम्चि खोन्कि सेन्चिचिओ देम्कातात काचिचि बुन्चिओ य़ङ्दा खाङ्म़मुसायुङ्सा। मोवाको बुन्चि मोन्ग़रिओ ख्रिस्तियान्चिआ तुप्मा अ़रुवाङा, मेन निचिआ तुप्मा मान्ऱअ़दाङा। ओ छाप्लाखाओ अ़तुक्वा य़ङ्ओ अ़य़चिवा अ़खाला-अ़खालाओ सेन्चिचिओ काचिचिलाम्पा नि-नि पाराआ अ़दु-अ़दु लासाखालुसायुङ्सा। मेन ब़द्धेसाआ ओ छाप्लाखाओ अ़कोङ्दुम नि पाराआ खाअ़लु, खोन्नुछाङ मुलो अ़तुक्वा छेङ्छेङ्छेङ्वा मुयाङ। मो हाङ्पा ख्रिस्तलाम्पा निनाम्हाङ्आ सैताना खोन्किना येसुओ झारा अ़चुङेङ्चि अ़धुन्ओ निम्पाङ हाराम़चात्तुचि खोन्कि देम्खा ओ छोमा ताला, मोन्ग़रि खोक्कोसाआ खोक्कोएदा साकोङ्छ़ङ कामु म़नाचि अ़ऩङ्वा निनाम्मा खोन्कि अ़ऩङ्वा हेन्खामा आसिखाओ सिरिफा म़प़चि।
थुत्मेत्लो अ़तुक्वा ऩङ
अ़सिन्खा १:१-८
बुयाओ सेन्चि खोन्कि सात्कातात साम्भुङ्चि छाप्लाखा छाप्माय़ङ १:९–३:२२
सात्कातात सेप्खाचि खोन्कि छाप्लाखा भोङ्चि ४:१–८:१
सात्कातात थुथुरिचि ८:२–११:१९
अ़धिवाङ प़ खोन्कि ह्वातात सायाम्पोक्चि १२:१–१३:१८
अ़पारा-अ़पाराओ सेन्चिचि १४:१–१५:८
निनाम्हाङ्ओ अ़चुमाइसुङ्ओ सात्कातात खुङ्चि १६:१-२१
बेबिलोन्ओ अ़लुक्मा, सायाम्पोक्ओ अ़मान्छोदामा, सोज्जेओ य़ङ्काचेप खोन्कि सैताना १७:१–२०:१०
देङ्दाओ छ़ङ्छेन्मा २०:११-१५
अ़ऩङ्वा निनाम्मा, अ़ऩङ्वा हेन्खामा खोन्कि अ़ऩङ्वा यरुसलेम २१:१–२२:५
अ़चिन्मा २२:६-२१