तिमोथिओ निम्पाङ पावल्आ छाप्तुओ ह्वातात्ओतात छाप्लावा
छाप्लाखाओ अ़सिन्खा
ओ ह्वातात्ओतात छाप्लावा पावल्आ खाएत्मा काचिदा खोएदाङ्का निछा तिमोथिओ निम्पाङ छाप्तुओ अ़यायोक ओ। ओ छाप्लावाओ मुलो अ़तुक्वा “आङ्मा” ओ। ओदा तिमोथिआ ख्रिस्त येसु सायामेत्याङ्सा सालुम्स़ङ प़मादोत, खोन्कि खोक्कोसोओ अ़चुऩङानुमाओ य़ङ्खान खालुमादोत्नि छाप्तुयुङ्सु। खोन्कि बुयाओ छाप्लावादा अ़नुछ्याओ तायादा युङ्मायुङ्मा, दुखा खोन्कि फित्चि ताहिदा काचिन्पा खोन्कि खाकालुओ काचि मुमायुङ्मा यायोक प़युङ्सु।
तिमोथिओ निम्पाङ ओ छाप्लावादा हेन्खामादाओ खामान्सिन य़ङ्चिदाङ्का रात्मान्चिन चाप्चेत्तुयुङ्सु। ओवाको खामान्सिन दुम्छ़न्मा काएन्चि नुलोक अ़मुन्चिन, मेन ओसाआ लुक्तुचि।
ओ झारासो अ़तुक्वादा पावल्आ तिमोथि खोसोओ अ़ह़ङ्म़ङ खोन्कि अ़मित्चिऩङ्ओ अ़मात्ऩङ खोसोओ अ़साकोङ्छ़ङ, अ़आङ्मा, अ़सोमातुक्मा खोन्कि दुखा प़माय़ङ मित्म़मेत।
थुत्मेत्लो अ़तुक्वा ऩङ
अ़सिन्खा १:१-२
चोन्मा खोन्कि छुक फाङ्मा १:३–२:१३
यायोक खोन्कि चाप्चेत्मा २:१४–४:५
पावल्ओ अ़लिमाओ खालुमाय़ङ ४:६-१८
अ़चिन्मा ४:१९-२२