कलस्सिचि पावल्आ छाप्तुओ छाप्लावा
छाप्लाखाओ अ़सिन्खा
पावल्आ ओ छाप्लावा कलस्सिदाओ साकोङ्छ़ङ कामुचिओ निम्पाङ छाप्तुओ। कलस्सि रोमि धिहाङ्होन्दाओ एसिया धिखाहुप्दा छुक्ओ अ़क्तात सहरा याआङा। मो सहरा एफिसस्ओ बुसुहोन्लिप्पा छुक। पावल्लाम्पा मोदाओ साम्भुङ पुङ्साओ ना माआङ, मेन मोदाओ पाङ्खुन पावल आप्पिनि मित्तान्यान्चिन, देकिनालो पावल्आ एफिसस्दाङ्का काफापाचि कलस्सिदाओ साम्भुङ्दा छुत्तुखाइसुचि। कलस्सिदाओ साकोङ्छ़ङ कामुचिआ निनाम्हाङ सिन्माकि खोक्कोएदाङ्का लेन्मा तोक्मानि “लावाओ हाङ्कामु खोन्कि सावाचि” ब़क्माचिदोत निकिना सोज्जेओ काचिन्पाचिआ राकाङ्थेत्नि म़मुङुचि। ओ य़ङ पावल्आछाङ सिन्तुङु। ओ काचिन्पाचिआ अ़सिप्मायाम्बुन पाक्मादोत, चामायु खोन्कि नि य़ङ्चिदाछाङ अ़खाला-अ़खालाओ थाप्स़ङ्वा च़मादोत्नि य़ङ्सा म़चिन्तुङुचि।
सोज्जेओ चिन्माय़ङ्ओ फित्चिदा अ़छ़ङ ख्रिस्तियान तायालाम्पा मुवानिन्नि य़ङ्सा पावल्आ कलस्सिचि छाप्लावा छाप्तु। खोसाआ लासुओ य़ङ ओवात्नि मुयाङ: येसु ख्रिस्तआ ओन्ङा लेन्मा म़ऱ, खोन्कि दित्छाङ निय़ङ्चि अ़दोत्निन। सोज्जेओ काचिन्पाचिओ अ़चुथाप्स़ङ्चिआ म़ना निनाम्हाङ्दाङ्का अ़थाया म़खात। निनाम्हाङ्आ हेन्खामा ख्रिस्तलाम्पा अ़मुया, खोन्कि खोक्कोलाम्पाङा हेन्खामा खोक्कोसाआ आप्पिएदा अ़तात। ख्रिस्तएदाङ्का ओन्ङा हेन्खामाआ लेन्मा तोक्तु। पावल्आ साकोङ्छ़ङ कामुचिओ अ़चुह़ङ्म़ङ्दा ओ तोक्पो चिन्माय़ङ्वात्नि देत्नि ह़ङ्म़ङ्दा च़मादोत निकिना खालुसु।
थुत्मेत्लो अ़तुक्वा ऩङ
अ़सिन्खा १:१-८
ख्रिस्तओ अ़चुकात्मा खोन्कि अ़चुकाचि १:९–२:१९
ख्रिस्तएदा याक्याङ्ओ अ़ऩङ्वा ह़ङ्म़ङ २:२०–४:६
अ़चिन्मा ४:७-१८