गलातिचि पावल्आ छाप्तुओ छाप्लावा
छाप्लाखाओ अ़सिन्खा
येसुओ अ़तुक्वादा नुय़ङ्खान खालुमा पुङ्सादाङ्का ओ नुय़ङ्खान्दा मान्यहुदि म़नाचि साकोङ्छ़ङ म़मुवा। खोन्किना अ़छ़ङ ख्रिस्तियान लिमाओ निम्पाङ निनाम्हाङ्य़ङ खाकालु मोसाओ अ़य़ङ्हुप्वात्नि च़मादोत हे अ़दोत्निन निकिना सेन्माय़ङ लोन्ता। पावल्आ मोवात्नि च़मा अ़दोत्निन्नि य़ङ्सा दुम्छ़रा। देकिनालो ख्रिस्तएदा तोक्तुम्ओ ह़ङ्म़ङ्ओ अ़छ़ङ साकोङ्छ़ङ ओन्ङा ओ। साकोङ्छ़ङ्लाम्पा झारा म़नाचि निनाम्हाङ्ओ अ़चुबुदा साम्योक्मि म़कान। मेन एसिया माइनरदाओ गलातिनि लोयाङ्ओ रोमि धिखाहुप्दाओ साम्भुङ्चिदा देम म़नाचि म़तायुङ्सा। मोचिआ पावल्ओ अ़य़ङ क़प्याङ्सा निनाम्हाङ्य़ङ खाकालु मोसाओ अ़य़ङ्हुप्वात्नि मान्च़माङ ना साङ्छाङ निनाम्हाङ्ओ अ़चुबुदा साम्योक अ़कान्निन्नि म़य़ङा।
पावल्आ ओ छाप्लावा सोज्जेओ नुय़ङ्खान खालुमाआ म़थेमाङाओ गलातिचि अ़छ़ङ साकोङ्छ़ङ्दा लामाचि निम्पाङ छाप्तुओ। खोसाआ ओ छाप्लावादा ख्रिस्तआ अ़छेन्ताङ्ओ अ़ङ्का छाम्माय़ङ्ओ निकिना अ़छाम्माय़ङ पाङ नुलोक खाङ्मुसुयुङ्सु। खोन्किना खो छाम्माय़ङ लिमाओ निम्पाङ निनाम्हाङ पापाआ अ़बुत्ताओ। खाक्कोछाङ हेन्खामादाओ पाङ्यिदाङ्का माआङ, खोन्कि खोसाआ खालुसुओ नुय़ङ्खान मान्यहुदिचिओ निम्पाङ्ओनि खो य़ङ। खोन्कि साकोङ्छ़ङ्लाम्पा ओन्ङा म़नाचि निनाम्हाङ्ओ अ़चुबुदा साम्योक्मि म़कान्नि य़ङ्सा खोसाआ दुम्छ़रु। देङ्दाओ अ़धाङ्चिदा पावल्आ ख्रिस्तियान च़माथाङ्मा ख्रिस्तदाओ साकोङ्छ़ङ्दाङ्का पुक्तुओ सोम्तुक्मालाम्पा आप्पिदात्नि खाङ्मुसु।
थुत्मेत्लो अ़तुक्वाचि
अ़सिन्खा १:१-१०
पावल्ओ अ़छेन्माय़ङ पाङ १:११–२:२१
निनाम्हाङ सोम्तुक्माओ नुय़ङ्खान ३:१–४:३१
ख्रिस्तियान फोङ्मा खोन्कि पाङ ५:१–६:१०
अ़चिन्माय़ङ ६:११-१८