कोरिन्थिचि पावल्आ छाप्तुओ बुयाओ अ़छाप्लावा
छाप्लाखाओ अ़सिन्खा
ओ पावल्आ कोरिन्थिचिओ निम्पाङ छाप्तुओ बुयाओ अ़छाप्लावा ओ। कोरिन्थिदा खोसाआ अ़क्तात साम्भुङ पुङ्सु। ख्रिस्तियान ह़ङ्म़ङ्दा अ़चाअ़त्माचि खोन्कि साकोङ्छ़ङ्दा साम्भुङ्दा म़लोन्ताओ य़ङ्चिओ अ़चुतुक्वादा चिन्माचि निम्पाङ पावल्आ ओ छाप्लावा छाप्तुओ। मोन्ग़रि कोरिन्थि झारा हेन्कोप्चिएनान तोङाओ अ़क्तात ग्रिक सहरा युङाङा। मो सहरा रोमि धिहेन्कोप्दा छुक्ओ अखैया हेन्कोप्ओ हाङ्तेन मुवाङा। मोसोओ इन्माअ़खित्मा काचि अ़न्नुनु नुवाङा खोन्कि रिदुम्पादुम्छाङ ब़द्धे पोयायुङ्सा। झारादात्निङ्का अ़त्लो लिसाओ अ़अ़त्पा अ़च़माथाङ्मा खोन्कि अ़खाला-अ़खालाओ साम्योक्ओ निम्पाङ मोसोओ अ़ऩङ ऱङायुङ्सा।
झारादाङ्का च़लोक पावल ओ य़ङ्चिदा मिन्राक मुवाङा: साम्भुङ्दा लिओ फेक्मा खोन्कि अ़त्लो च़माथाङ्माचि, सायाकाम्माओ अ़तुक्वादाओ सेन्माय़ङ्चि, छेन्खाताया, साम्भुङ्दाओ य़ङ्हुप, सेङ्लावाओ अ़आसिखा, स़मादामाकि लामाखोन्मालोन्मा य़ङ। निनाम्हाङ्एदाङ्का तोक्तुओ अ़खारुलाम्पा ओ छाप्लावादाओ ओ सेन्माय़ङ्चिओ अ़तुक्वादा नुलोक खालु।
तेरकाअ़धाङ्दा निनाम्हाङ्आ अ़चुम़नाचि म़प़चिओ झारादाङ्का अ़नुवाक आसिखा सोम्तुक्मा ओ निकिना खालुसायुङ्सा, खोन्कि ओ छाप्लावादा झारादाङ्का अ़ऩङ्ऱङाओ अ़धाङ ओक्कोङा ओ।
थुत्मेत्लो अ़तुक्वाचि
अ़सिन्खा १:१-९
साकोङ्छ़ङ कामुचिदा फेक्मा १:१०–४:२१
दुवाछा मेत्छाछा तोङ्मा खोन्कि ह़ङ्मा ५:१–७:४०
ख्रिस्तियान्चि खोन्कि सेम्पोक काब़क्पाचि ८:१–११:१
येसु साकोङ्छ़ङ कामुचिओ अ़चुह़ङ्म़ङ खोन्कि यावायोक ११:२–१४:४०
ख्रिस्त खोन्कि येसु साकोङ्छ़ङ कामुचिओ अ़चुखोन्मालोन्मा १५:१-५८
यहुदियादाओ ख्रिस्तियान्चि फामाय़ङ १६:१-४
आप्पिओ य़ङ्चि खोन्कि अ़चिन्माय़ङ १६:५-२४