Titah 3: Welas Asih ring Sasama
(Lukas 10:25-37)
Ring rahina anu Hyang Yesus kasarengin olih para sisian Idane mamargi ka Yerusalem. Ritatkala punika Ida ngajahin ipun makasami.
3
25 Ring dina anu,
wenten guru agama Yahudine jagi mintonin Hyang Yesus.
Ipun ngadeg mangda sida ngraos ring Hyang Yesus,
“Guru,
napike sane patut tiang laksanayang mangdane tiang polih urip salamin-laminne ring swarga?”
26 Hyang Yesus nyaurin sapuniki,
“Napi sane katulis ring ukum agama iragane?
Napike sane jerone wacen irika?”
27 Pasaur anake punika,
“‘Tresnain ja Sang Hyang Pengardi,
Sasembahan Tunggala kitane baan saluirin manah,
idep,
bayu lan budi,’
tur ‘Tresnain ja nyaman kitane buka nresnain dewek kitane padidi.’”
28 Hyang Yesus ngandika sekadi puniki,
“Pasaur jerone patut;
malaksana ja sekadi punika,
mangdane jero maurip salamin-laminne ring swarga.”
29 Nanging krana anake punika meled kacingak deweknyane patut,
raris ipun mataken kapining Hyang Yesus,
“Sirake nyaman tiange punika?”
30 Raris Hyang Yesus masaur nganggen pengumpamian,
“Wenten adiri anak lanang tedun saking Kota Yerusalemb nuju Kota Yeriko.c
Ring tengahin margi ipun kabegal lan kajagurin kantos niwang.
Saluirin barang-barangnyane telas kaambil tur anake punika kakutang nyeleketek ring margine.
31 Sasampune kenten,
kabenengan wenten rsi sedek ngliwat ring margine punika.
Ritatkala rsine punika nyingakin anake sane niwang punika,
ida nyamping laut ngliwat.
32 Kenten pada wenten anak Yahudi soroh Lewid ngliwat irika.
Ritatkala ipun nampekin tur nlektekin anake sane niwang punika,
raris ipun nyamping tur ngliwat.
33 Nanging wenten pada anak Samariae ngliwat irika.
Ritatkala ipun nlektekin anake sane niwang punika,
makleteg ring manah ipune medalem.
34 Ipun nampekin laut mersihin tatunnyane nganggen anggur lan ngubadin nganggen lengis,
raris medbed tatunnyane.
Tur sasampune kenten,
anake kabegal punika kapenekin ring jarane kabakta ka penginepan tur kaprateka.
35 Benjang semengane,
anak Samariane punika naur prabea upah makarya duang dinaf kapining anake sane nuenang penginepane saha negesin sapuniki,
‘Prateka ja anake niki.
Yening wenten prabea sane patut taur tiang malih,
tiang jagi naur tatkala tiang mawali mriki.’”
36 Raris Hyang Yesus muputin pengumpamian Idane saha mataken sapuniki,
“Yening manut sekadi jerone,
sirake sane dados nyaman anake sane keni begal punika?”
37 Anak sane wikan indik ukum agama Yahudine punika masaur,
“Anake sane sampun malaksana welas asih kapining anake kabegal punika.”
Raris Hyang Yesus ngandika sapuniki,
“Luas ja tur malaksana ja sekadi anake punika.”