Paplajahan 4: Indik Manah sane Nerima Kapatutan
(Lukas 8:4-15)
Manah Manusane Kaumpamiang Sekadi Tanahe
Kaceritayang, Hyang Yesus lunga ka kota-kota lan desa-desa jagi ngortiang Orti Rahayu indik Sang Prabu sane kajanjiang olih Sang Hyang Pengardi jagi gelis mamrentah ring jagate. Irika Hyang Yesus akeh nyegerin anak sane nandahang sekancan penyakit. Duk punika Ida kasarengin antuk makaroras diri para utusan Idane.
4
4 Ring dina anu,
wenten anak akeh saking kota-kotane ring Galilea rauh ring Hyang Yesus.
Duk punika Hyang Yesus raris nyeritayang pengumpamian sekadi puniki:
5 “Wenten anak sane nyambehang bibit ring tegale.
Tatkala ipun nyambehang bibit,
wenten bibite sane ulung ring pundukane.
Bibite punika raris kajekjek olih anake sane ngliwat irika,
turmaning amaha teken paksi-paksine kantos telas.
6 Wenten pada bibite sane ulung ring tanahe sane mabatu-batu.
Tatkala bibite punika mentik,
raris entikane punika layu krana nenten polih toya.
7 Wenten pada bibite sane ulung ring bet-bete sane madui.
Tatkala bibite punika mentik sinarengan bet-bete irika,
entikan bibite punika mati krana majepit.
8 Kenten pada wenten bibite sane ulung ring tanahe sane landuh;
tatkala mabuah ngasilang kantos ping satus lipet.”
Sasampune Hyang Yesus nyeritayang pengumpamian punika,
raris Ida ngandika sapuniki,
“Yening makuping,
resepang ja pengajahan Tiange.”
9 Raris para sisian Hyang Yesuse nakenin artin pengumpamiane punika.
10 Tur Hyang Yesus nyaurin sapuniki,
“Ragane suba kicen wara nugraha.
Ento mawinan,
ragane suba nawang paundukan ane silib unduk kenken carane Sang Hyang Pengardi mamrentah dados Raja di jagate.
Nanging tekening ane tusing ja murid Tiange,
Tiang ngajahin nganggon pengumpamaan,
apanga
Yadiapin ia ningalin,
nanging ia tusing ja seken-seken ningalin;
Yadiapin ja ia ningeh,
ia tusing ja ngerti. .
11 “Kene artin pengumpamaane ento:
bibite ento satmaka pengajahan uling Sang Hyang Pengardi.
12 Bibite ane ulung di pundukane ento kadi anake ane ningehang pengajahan uling Sang Hyang Pengardi.
Laut ada ratun para setan ngamaling pengajahane ento uling kenehne.
Keto mawinan ia tusing pracaya pengajahane ento kanti tusing kaslametang uling ukuman krana dosa.
13 Bibit ane ulung di tanahe ane mabatu-batu kadi anake ane ningehang pengajahane baan keneh demen.
Sakewala pengajahane ento tusing makah.
Ia pracaya akejep dogen.
Tatkala katiben gagodan,
kapracayaannyane ilang.
14 Bibit ane ulung di bet-bete ane madui kadi anake ane ningehang pengajahan uling Sang Hyang Pengardi.
Nanging salanturnyane kasengsayan,
kasugihan,
lan idup ane liang ngapit kapracayaannyane kanti ia tusing ngasilang buah ane tasak.
15 Bibite ane ulung di tanahe ane landuh ento kadi anake ane ningehang pengajahan uling Sang Hyang Pengardi.
Ia nyimpen pengajahane ento di kenehne ane melah,
samaliha pageh kanti ngasilang buah.”