Pengede Etiopia Sane Kalukat
295 Wenten cerita sujati saking Cakepan Sucine,
indik pengede karajaan Etiopiane sane kalukat.
296 Ritatkala Roh Sang Hyang Tunggal tedun ring para sisian Sang Hyang Yesuse,
saking sisiane punika wenten adiri sane mapesengan Pilipus.
297 Kacerita mangkin,
dane Pilipus sedek nyeritayang Orti Rahayu ring anake akeh.
Duk punika wenten malekat Sang Hyang Tunggal ngrauhin dane.
Dane kapituduhin mangda lunga nglodang.
Ritatkala ring tengahin margi,
irika wenten pengede karajaan Etiopiane sedek budal saking Yerusalem wusan mabakti ring Sang Hyang Tunggal.
Dane budal nganggen kreta.
298 Ritatkala punika dane Pilipus mirengin pengede punika sedek ngwacen trawangan dane Yesaya.
Daging trawangane punika nenten tios parekan sane nyerahang raga.
Tatkala nyerahang raga,
parekane punika meneng sekadi panak biri-biri sane jagi katampah.
Lan parekane punika kapademang sinarengan anak sane madosa yadiastun ipun nenten malaksana dosa.
Raris dane Pilipus mataken sapuniki,
299 “Napike jerone prasida ngresepang Cakepan Sucine punika?”
300 Raris pengedene punika masaur,
301 “Tiang nenten prasida ngresepang,
sawireh nenten wenten anak sane nuntun tiang.”
Irika raris pengedene punika ngundang dane Pilipus mangda munggah saha malinggih ring kretane.
Raris pengede punika mataken,
302 “Sirake sujatine anake sane katuek ring Cakepan Sucine puniki?”
Irika raris dane Pilipus nyeritayang Orti Rahayune indik pengampuran dosa malantaran Sang Hyang Yesus.
303 Nah kacerita mangkin,
ritatkala rauh ring genahe sane wenten toya,
irika pengede Etiopiane mataken,
304 “Dadoske tiang kalukat?”
307 Raris pengedene punika mabaos,
308 “Tiang pracaya Sang Hyang Yesus punika Putran Sang Hyang Tunggal.”
Raris dane Pilipus nglukat pengede Etiopiane punika.
309 Risampune kalukat,
pengedene punika nglanturang pamargin ipune budal antuk manah sane masukarena.