<<    <     Sang Prabu Sane Ngrahayuang     20     >    >> 
Hyang Yesus Kaadilin
249 Wenten cerita sujati saking Cakepan Sucine,
indik Hyang Yesus kaadilin.
250 Risampune Hyang Yesus wusan ngajahin para sisian Idane,
raris Hyang Yesus lan para sisiane mrika ka taman Getsemani jagi mabakti.
Malih jebosne rauh para utusan pemimpin agama Ibranine ka tamane punika ngejuk Hyang Yesus.
251 Ritatkala Hyang Yesus kaejuk,
para sisiane malaib ngalain Ida.
252 Ring wengine punika Hyang Yesus kaadilin olih para pemimpin agama Ibranine.
Ring pengadilane punika,
para pemimpine punika nuduh Hyang Yesus degag kapining Sang Hyang Tunggal.
Punika mawinan ipun pada adung mangda Hyang Yesus kaukum padem.
253 Nah kacerita mangkin,
benjang semengane Hyang Yesus kabakta ka arepan gubernure mangda kaukum padem.
Gubernure punika anak saking bangsa Roma sane nyajah bangsa Ibranine.
Ring arepan gubernure,
para pemimpine punika nuduh Hyang Yesus sane tidong-tidong.
Nanging Hyang Yesus meneng kamanten,
nenten masaur napi-napi.
254 Irika gubernure mataken ring Hyang Yesus sapuniki,
255 “Yaktike ragane rajan anak Ibrani?”
256 Hyang Yesus nyaurin,
257 “Karajaan Tiange nenten ja maasal saking jagate puniki.
Tiang rauh ka jagate mangda dados raja sane ngedengang kapatutan.”
258 Irika gubernure ngrauhin anake akeh lan para pemimpine saha mabaos sapuniki,
259 “Tiang nenten manggihin kaiwangan ring anake puniki.”
260 Nanging wenten saking anake akeh punika masaur sapuniki,
261 “Yening jero mebasang Yesus,
artine jero nenten maswitra sareng raja Roma.
Sira ja sane nganggep deweknyane raja,
ia nungkasin raja Roma.”
262 Irika gubernure mataken ring anake akeh,
263 “Jagi punapiangke mangkin rajan ragane niki?”
264 Raris anake akeh punika pada masuryak,
265 “Matiang ja Yesus!
Matiang ja Yesus!
Salibang ja Yesus!”
266 Nah nyingak paindikan sane uyut punika,
raris gubernure nyerahang Hyang Yesus ring tentara Romawi mangda kaukum padem.
Penuntun mabligbagan ring pasamuan:
1. Ngaturang penyuksma.
“Ngiring ja iraga ngaturang suksma mangkin. Semeton jagi ngaturang suksma indik napi?”
2. Ceritayang ja pakeweh semetone suang-suang raris iraga saling tunas icayang.
“Napike semeton wenten pakeweh mangkin?”
3. Ngwacen utawi mirengin paplajahane puniki.
4. Saurin ja pitakenne puniki:
“Napi sane plajahin iraga indik Sang Hyang Tunggal ring ceritane puniki?”
“Napi sane plajahin iraga indik manusa saking ceritane puniki?”
“Sekadi napike sapatutne iraga nyalanang idup manut pengajahane puniki?”
“Kapining sirake sapatutne iraga nyeritayang malih ceritane puniki?”