<<    <     Sang Prabu Sane Ngrahayuang     16     >    >> 
Hyang Yesus Neduhang Angin Linus
199 Wenten cerita sujati saking Cakepan Sucine,
indik Hyang Yesus neduhang angin linus ring tengah danune.
200 Risampune Hyang Yesus ngajahin pengumpamian ring anake akeh,
kacerita Ida ngamanggil makaroras sisiane raris ngandika sekadi puniki,
201 “Lan ja jani nyebrang danu Galileane.”
Raris sisiane nyarengin Hyang Yesus nyeberang danune punika sane linggahnyane sawetara solas kilo.
202 Kacerita mangkin,
sampun ring tengah danune.
Ring tengah danune punika,
Hyang Yesus sirep aris.
Ritatkala Hyang Yesus sirep aris,
jeg saget wenten angin linus dados ombak ageng pisan.
Toyan danune nglencok das ngebekin praune.
Irika raris para sisian Hyang Yesuse pada jejeh raris majeritan,
nangiang Hyang Yesus,
203 “Guru!
Guru!
Iraga das kelem!”
204 Irika raris,
Hyang Yesus matangi raris namprat ombak lan angin linuse punika.
Nah,
ombak lan angin linuse punika dados meneng.
Irika raris Hyang Yesus ngandika sekadi puniki,
205 “Ngudiang ja ragane tusing pracaya teken Tiang?”
206 Irika raris para sisiane punika angob lan jejeh nyaksiang paindikane punika,
raris mabaos,
207 “Sirake sujatine anake puniki?
Ombak lan angin,
tinut kapining Sang Guru.”
Penuntun mabligbagan ring pasamuan:
1. Ngaturang penyuksma.
“Ngiring ja iraga ngaturang suksma mangkin. Semeton jagi ngaturang suksma indik napi?”
2. Ceritayang ja pakeweh semetone suang-suang raris iraga saling tunas icayang.
“Napike semeton wenten pakeweh mangkin?”
3. Ngwacen utawi mirengin paplajahane puniki.
4. Saurin ja pitakenne puniki:
“Napi sane plajahin iraga indik Sang Hyang Tunggal ring ceritane puniki?”
“Napi sane plajahin iraga indik manusa saking ceritane puniki?”
“Sekadi napike sapatutne iraga nyalanang idup manut pengajahane puniki?”
“Kapining sirake sapatutne iraga nyeritayang malih ceritane puniki?”