Sang Prabu Sane Ngrahayuang 15

Pengumpamian indik Padi Gaga lan Ambengan

187 Wenten cerita sujati saking , indik pengumpamian padi gaga lan ambengan.

188 Risampune Hyang Yesus nyegerin anak sane sungkan lumpuh, irika raris anake akeh setata nyarengin Ida. Saking anake akeh punika, Hyang Yesus ngamilih roras diri kadadosang sisian Idane sane setata nyarengin Ida.

189 Ring dina anu, Hyang Yesus nyeritayang pengumpamian ring anake akeh indik padi gaga lan ambengan sekadi puniki, 190 “ di jagate buka petani nyambehang bibit ane melah di tegalne. Nah disubane petanine ento sirep di dina peteng, ada musuh ane nyambehang bibit ambengan di tegale ento.

191 “Disubane mekelo, tepukina tekening para buruh tanine, ada ambengan mentik pada di tegalane ento. Tur buruh tanine matakon kene, ‘Jero, ngudake ambengan mentik ring tegal jerone? Boyake bibit melah sane jero sambehang?’

192 “Laut petanine ento masaut kene, ‘Ada musuh ane nyambehang bibit ambengan.’

193 “Laut buruh tanine ento matakon kene, ‘Dadoske tiang sami mutbut ambengane punika?’

194 “Petanine ento masaut kene, ‘Depang ja kanti masan manyine teka. Ditu ambengane ento bakal kabutbut, kapesel laut katunjel. Sakewala padi gagane kapempen di krumpune.’” Kenten Hyang Yesus nyeritayang pengumpamiane punika.

195 Nah risampune budal, irika raris sisian Hyang Yesuse mataken sapuniki, 196 “Napike artin pengumpamian indik bibit padi gaga lan ambengane punika?”

197 Raris Hyang Yesus nyaurin sapuniki, 198 “Petanine ento tuah Tiang, ane kapilih apanga ngrajain manusane. Tegale ento tuah jagate ene. Lan padi gagane ento tuah anake ane pracaya lan tinut kapining Tiang. Tur musuhe ento tuah . Ambengane ento tusing ada len anake ane tusing pracaya tekening Tiang samaliha tinut kapining ratun para setane. Nah masan manyine ento tuah dina jagate ene bakal kalebur. Buruh tanine ento tusing ada len Sang Hyang Tunggal. Patuh cara ambengane ento ane katunjel, keto masih anake ane tusing pracaya kapining Tiang lan ngadakang anake len tusing pracaya kapining Tiang, ia bakal kakutang di . Sakewala anake ane pracaya lan tinut kapining Tiang, ia bakal kaagungang di karajaan Sang Hyang Tunggal.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”