Hyang Yesus Kagoda
163 Wenten cerita sujati saking Cakepan Sucine,
indik Hyang Yesus kagoda olih ratun para setane.
164 Risampune Hyang Yesus kalukat,
Hyang Yesus mamargi saking Tukad Yordane.
Roh Sang Hyang Tunggal sane nguasain Ida nuntun Ida ka karang embang sane tuh gersang tur adoh kapining desa.
Ring genahe punika,
Hyang Yesus kagoda olih ratun para setane petang dasa dina suennyane.
Duk irika,
Ida nenten ngajeng napi-napi,
raris Hyang Yesus meled pisan ngajeng.
165 Rika raris ratun para setane matur ring Hyang Yesus sekadi puniki, “Yening saja Ragane Putra Tunggal Sang Hyang Tunggal, tunden ja batune ene apang dadi ajengan!”
167 Nanging Hyang Yesus ngandika sekadi puniki,
168 “Tusing patut buka keto,
krana ada sabda uli Cakepan Sucine,
‘Manusane tusing ja idup ulian ajengan dogen,
nanging uli sekancan sabdan Sang Hyang Tunggale.’”
169 Raris ratun para setane ngajak Hyang Yesus ka puncak gununge sane duur.
Ring puncak gununge punika,
ratun para setane ngedengin sekancan karajaan gumine,
lan matur sekadi puniki,
170 “Saluirin kaagungan jagi serahang tiang kapining Ragane,
yening Ragane nyembah tiang.”
171 Nanging Hyang Yesus ngandika,
172 “Tusing patut buka keto,
krana ada sabda uli Cakepan Sucine,
‘Cening patut nyembah Sang Hyang Tunggal dogenan.’”
173 Raris ratun para setane ngajak Hyang Yesus ring genah agung bangsa Ibranine mabakti ring Sang Hyang Tunggal.
Ring duur enebe,
ratun para setane matur malih ring Hyang Yesus sekadi puniki,
174 “Yening saja Ragane Putra Tunggal Sang Hyang Tunggal,
macebur ja uli duur enebe ene,
krana ada sabda di Cakepan Sucine,
‘Malekate jagi nulungin ragane mangda nenten sengkala.’”
175 Nanging Hyang Yesus ngandika sekadi puniki,
176 “Tusing patut buka keto,
krana ada sabda uli Cakepan Sucine,
‘Eda ja cening mintonin Sang Hyang Tunggal sasembahan ceninge.’”
177 Nah irika raris,
ratun para setane magedi saking arepan Hyang Yesus.
Nanging ipun ngrereh galah sane becik jagi malih ngoda Hyang Yesus.