Dasa Prentah
106 Wenten cerita sujati saking Cakepan Sucine,
indik Sang Hyang Tunggal nedunang dasa prentah.
107 Kacerita,
sentanan dane Abrahame ngakehang lan dados bangsa sane ageng.
Nah bangsane punika kasambat bangsa Ibrani.
Saking bangsa Ibranine punika,
Sang Hyang Tunggal ngamilih adiri anak lanang sane mapesengan Musa,
dados sinoman Idane.
Raris saking tresnan Sang Hyang Tunggale ring bangsa Ibranine punika,
Ida nedunang dasa prentah,
mangdane bangsane punika tresna lan satya ring Ida.
108 Sang Hyang Tunggal masabda ring dane Musa nedunang dasa prentahe punika sapuniki:
109 Eda ja cening nyembah sasembahan lianan,
lianan kapining Nira.
110 Eda ja cening ngae togog ane dadiang cening sembahan.
111 Eda ja cening ngawag-ngawag nyambat parab Nirane.
112 Lan ingetang ja rarainan anggon cening mareren sebilang ngapitung dina,
sawireh Nira nyuciang dinane ento.
113 Tresna bakti ja cening kapining raraman ceninge apanga lantang tuuh ceninge.
114 Eda ja cening ngamatiang anak.
115 Eda ja cening mamitra.
116 Eda ja cening ngamaling.
117 Eda ja cening dadi saksi bobab.
118 Lan eda ja ngedotin gelah anak lenan luire:
umah,
somah lan arta brana anake lenan.
119 Ritatkala punika,
wenten kerug ageng ring langite.
Lan wenten pada suaran sompret sane ageng pisan dados tanda kaagungan Sang Hyang Tunggale tedun.
120 Nah kacerita mangkin,
Sang Hyang Tunggal pada masabda ring dane Musa sapuniki,
121 “Nyen ja ane nglanggar prentah-prentahe ento,
ia patut ngaturang beburon marupa biri-biri ane tusing cacad.
Lan getihne ento kaaba ka tugune,
dadi pangapus dosa.”
Lan akeh pada prentah-prentah lianan sane Sang Hyang Tunggal picayang ring bangsane punika.
Nah raris bangsane punika masemaya jagi satya ring Sang Hyang Tunggal.