Dane Abraham Nerima Janjin Sang Hyang Tunggal
73 Wenten cerita sujati saking Cakepan Sucine,
indik Sang Hyang Tunggal masemaya ngamertanin dane Abraham.
74 Risampune I Kain ngadohang raga saking Sang Hyang Tunggal,
manusane ngancan ngakehang ring jagate.
Saking anake akeh punika,
wenten adiri sane mapesengan “Abraham.”
Ritatkala dane Abraham mayusa pitung dasa lima tiban,
irika raris Sang Hyang Tunggal masabda ring dane Abraham sapuniki,
75 “Luas ja cening ka negara ane bakal Nira tujuhin.
Nira bakal nadiang cening bangsa ane gede.
Adan ceninge bakal kasub.
Turmaning uling cening,
Nira bakal ngamaang wara nugraha sid saluirin bangsa di jagate.”
Raris dane Abraham sareng rabin danene mamargi ka negara sane kapitujuhin olih Sang Hyang Tunggal.
76 Nah kacerita mangkin,
dane Abraham sampun sue ring negara sane kapitujuhin olih Sang Hyang Tunggal.
Irika dane sampun akeh madue arta brana,
nanging dereng madue oka.
Yadiastun kenten,
dane tetep pracaya ring Sang Hyang Tunggal jagi ngicen oka.
Nika mawinan Sang Hyang Tunggal nerima kapracayaan dane Abrahame,
saha Sang Hyang Tunggal nadosang dane Abraham anak sane patut.
77 Risampune dane Abraham mayusa sia dasa sia tiban,
wenten tamiu sane ngrauhin dane,
saha mataken,
78 “Dijake kurenan ceninge?”
81 Malih tamiune punika mabaos,
82 “Buin atiban,
kurenan ceninge Sara bakal nglekadang pianak muani.”
83 Mirengin paindikane punika,
Sara kedek saha ngraos ring angennyane,
84 “Sajake tiang bakal nglekadang pianak?
Sawireh tiang suba mayusa sia dasa tiban tur suba layu;
keto masih kurenan tiange suba tua.”
85 Sujatine tamiune punika nenten tios Sang Hyang Tunggal.
Lan Ida raris masabda,
86 “Ngudake kurenan ceninge kedek?
Sujatine tusing ja ada ane keweh baan Nira.”
87 Nah kacerita mangkin,
risampune atiban,
Sara nglekadang oka lanang sekadi janjin Sang Hyang Tunggale.
Lan dane Abraham ngwastanin okan danene “I Isak.”