Manusane Nglanggar Prentah Sang Hyang Tunggal
26 Wenten cerita sujati saking Cakepan Sucine,
indik manusane nglanggar prentah Sang Hyang Tunggal.
27 Risampune manusane punika kagenahang ring taman Eden,
irika wenten lelipi ngrauhin manusane.
Lelipine punika beburon sane ririh pisan,
ririhan kapining beburon sane lianan.
Irika raris lelipi punika ngomong kapining anake istri sane ring tamane punika,
28 “Yaktike Sang Hyang Tunggal nombang ragane ngajeng saluirin woh-wohan sane wenten driki?”
29 Raris anake istri puniki nyaurin I lelipi,
30 “Saluirin wohan sane wenten ring tamane puniki,
dados tiang ngajeng.
Nanging wohan sane wenten ring tengah-tengah tamane puniki,
sane ngicen mangda uning paindikan patut lan iwang,
Sang Hyang Tunggal masabda nenten dados tiang ngajeng.
Yening tiang ngajeng,
pastika tiang lakar mati.
Da ja tiang ngajeng,
ngusud tiang nenten ja dados.”
31 Raris I lelipi ngutsahayang mangda anake istri punika ngalap lan ngajeng wohane punika.
Irika I lelipi ngomong kene,
32 “Yening ragane ngajeng wohan sane di tengah-tengah tamane punika,
ragane tusingja lakar mati.
Nanging yening ragane ngajeng wohane punika,
Sang Hyang Tunggal uning ragane jagi sekadi Ida,
uning indik patut lan iwang.”
33 Irika raris anake istri punika ngalap wohan sane katombang punika,
tur ngajeng lan kaedum ngajak I Adam sane sareng drika.
Ritatkala ipun makakalih ngajeng wohane punika,
irika raris ipun tangeh deweknyane malalung.
Raris ipun nyait don-donan nganggen semat kadadosang pengangge,
kaanggen nekepin awaknyane.
34 Nah keto pengawitne manusane nglanggar prentah Sang Hyang Tunggal.
Punika mawinan kantos ka mangkin manusane madosa ring Sang Hyang Tunggal.
Manusane Nglanggar Titah Sang Hyang Tunggal