Ibrani 6

Sane mangkin ngiring ja iraga nglanturang paplajahan iragane kantos jangkep. Sampunang ja setata mabalik ring pengajahan dasar indik Sang Hyang . Pengajahan dasar punika nenten tios:

indik sane tanpa guna,

indik kapracayaan ring ,

2 indik makudang tata cara ,

indik ngenahang tangan ring anak lianan buat nunas icayang ipun,

indik maurip malih saking anake padem,

lan indik ukuman salamin-laminne.

3 Sane mangkin, yening Sang Hyang Pengardi ngicen, iraga jagi nglanturang paplajahan sane tegehan.

4-6 Sekadi napike penadosne anake sane ngutang kapracayaannyane ring Sang Hyang Kristus? Ipun nenten sida katuntun malih. Krana idumun ipun sampun wenten ring galang Sang Hyang Pengardine lan sampun nerima adiah saking swarga, tur sampun polih duman . Samaliha idumun ipun sampun ngrasayang sabdan Sang Hyang Pengardine punika becik tur sampun nerima pica rohani sane madue kuasa ring jamane sane jagi rauh. Sasampune ipun ngrasayang sekancan paindikane punika, raris ipun ngutang kapracayaannyane. Ipun nenten mresidayang katuntun malih mangda masalin saking urip sane madosa. Krana parilaksanan ipune sekadi punika pateh sekadi ipun nyalibang malih Putran Sang Hyang Pengardine lan nganistayang Ida ring arepan anake akeh.

7 Nah sane mangkin, wenten anak sane kaumpamiang sekadi tanah. Tanahe punika ngisep toyan sabeh raris ngasilang entik-entikan sane maguna buat petanine. Tanahe punika kamertanin olih Sang Hyang Pengardi. 8 Nanging yening tanahe punika ngasilang ambengan lan bet-bet sane madui, pastika nenten wenten gunane. Pamuputne tanahe punika kapastu olih Sang Hyang Pengardi tur sami sane tumbuh irika katunjel.

9 Duh para semeton sane tresnain tiang sareng sami! Yadiastun tiang sami keras nuturin sekadi punika, tiang pracaya pisan wenten paindikan sane lebih becik buat ragane. Paindikane punika jagi mamargi krana ragane sampun . 10 Sang Hyang Pengardi punika adil. Ida nenten ja lali kapining sekancan pakaryan sane sampun laksanayang ragane krana tresnan ragane kapining Ida. Tresnan ragane punika kabuktiang krana ragane nulungin krama sucine sane lianan ngawit saking idumun kantos mangkin. 11 Tiang meled ragane sami setata satya kantos pamuput. Malantaran paindikane punika, napi sane antosang ragane prasida katerima. 12 Tiang nenten meled ragane dados anak males, nanging dados sekadi anak sane nerima janji sane dados warisan saking Sang Hyang Pengardi. Anake punika pracaya tur sabar nyantosang janjine punika.

Janjin Sang Hyang Pengardi Nenten Prasida Kaubah

13 Ritatkala Sang Hyang Pengardi majanji kapining dane , Ida masumpah nganggen parab Idane praragan indik Ida jagi nglaksanayang janjin Idane punika. Lan nenten wenten sane agengan kapining Ida. 14 Sang Hyang Pengardi ngandika sekadi puniki,

“Sujatine bakal ngamertanin cening lan ngranayang sentanan ceninge liu.” Purwakaning Dadi 22:17

15 Dane Abraham sabar nyantosang janjin Sang Hyang Pengardine. Punika mawinan, dane nerima napi sane kajanjiang punika.

16 Ritatkala anake masumpah, ipun musti nganggen pesengan anak lianan sane lebih kaajiang, mangdane nenten wenten anak sane mresidayang nungkasin ipun. 17 Sang Hyang Pengardi mapikayun mangda nyekenin janjin Idane kapining anake sane nerima janjine punika. Turmaning mangdane anake sami uning rencanan Idane nenten kaubah, Ida ngicen janji antuk masumpah. 18 Sang Hyang Pengardi ngicen kalih paindikan, inggih punika janji lan sumpah. Makakalih paindikane puniki nenten sida kaubah krana Sang Hyang Pengardi nenten sida dusta. Punika mawinan iraga sane nunas mangda kajaga olih Ida, prasida yakti-yakti pracaya ring janjin Idane indik riwekasan. 19 Janji kaslametan sane kajantosang punika sekadi jangkar kapale sane nanceb dalem pisan, tur dados pagisian sane kukuh lan ngranayang jiwatman iragane dame. Ulian janji kaslametan punika, iraga mresidayang ngliwatin langse nuju Rong Maha Sucine ring swarga. 20 Sang Hyang Yesus sane sampun ngicen margi buat iraga. Ida sane dados Penglingsir Agung salamin-laminne sekadi Rsi Melkisedek.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”