Ibrani 5

Iraga uning sebilang Penglingsir Agung idumun, ngawit saking dane Harun kapilih olih Sang Hyang Pengardi saking para kramane mangda dados wakil manusane ring ajeng . Rsine punika musti ngaturang sekancan aturan buat nunas . 2 Dane welas asih kapining anake sane nenten uning napi-napi tur inguh paling, krana dane punika wantah manusa biasa sane nenten sempurna. 3 Punika mawinan rsine punika musti ngaturang aturan krana dosan-dosannyane praragan. Kenten pada dane ngaturang aturan krana dosan-dosan para kramane.

4 Anake sane dados rsi penglingsir agung kaajiang. Adiri ja nenten wenten anak sane ngangkat deweknyane praragan mangda dados rsi penglingsir agung. Krana Sang Hyang Pengardi sane ngangkat anak mangda kadadosang rsi, pateh sekadi rsi penglingsir Harun ring jamane idumun. 5 Kenten pada Sang Hyang . Ida nenten ngangkat anggan Idane praragan mangda dados Rsi Penglingsir Agung, nanging Sang Hyang Pengardi sane ngangkat Ida. Sang Hyang Pengardi masabda sapuniki,

“Cening mula Putran !

Dinane jani Nira suba dadi Ajin Ceninge.” Kidung 2:7.

6 Wenten malih katulis ring sapuniki,

“Cening ene Rsi kanti salamin-laminne

patuh buka Rsi Melkisedek ipidan.” Kidung 110:4

7 Ritatkala Sang Hyang Yesus maurip ring jagate puniki, Ida sering nunas ica tur majeritan sambilanga nangis ring Sang Hyang Pengardi. Ida malaksana sekadi punika krana Sang Hyang Pengardi sane sida Ida saking padem. Krana Ida satinut tur ngagungang Sang Hyang Pengardi, pinunas Idane kalugrahin olih Sang Hyang Pengardi. 8 Yadiastun Sang Hyang Yesus puniki Putran Sang Hyang Pengardi, Ida misadya nerima sengsara, tur ngrasayang napi artine satya kapining Sang Hyang Pengardi. 9 Sasampune Ida kadadosang Penylamet sane sempurna, Ida dados sumber kaslametan kantos salamin-laminne buat anake sane satinut kapining Ida. 10 Tur Sang Hyang Pengardi sane ngangkat Ida mangda dados Rsi Penglingsir Agung sekadi Rsi Melkisedek.

Piteket indik Urip sane Patut

11 Sujatine kari akeh paindikan sane perlu kanikayang buat ragane indik Sang Hyang Yesus lan Rsi Melkisedek. Nanging keweh tiang sami nerangang krana ragane males mautsaha ngertiang paindikane punika. 12 Sapatutne ragane sampun pantes dados guru, nanging jeg kantos mangkin ragane kari kaajahin olih anak lianan. Samaliha, ragane kari perlu melajah pengajahan sane dasar indik sabdan Sang Hyang Pengardine. Ragane sekadi anak alit sane ngamerluang susu lan nenten mresidayang ngajeng ajengan anak kelih. 13 Sira ja sane kari nginum susu kamanten sujatine kari alit. Anak sane sekadi punika akidik ngerti pengajahan idup sane patut. 14 Nanging sira ja sane sampun kelih, ngajeng ajengan anak kelih. Punika artine ipun sampun malajahin raga kantos prasida minayang indik sane patut wiadin iwang.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”