Para Utusan 2

Para Utusane Midartayang Orti Rahayu ring Kota Yerusalem

2:1—8:3

Tedunne Roh Sang Hyang Pengardi

Risedek rarainan Pentakosta, anake makasami sane pracaya ring Sang Hyang Yesus mapunduh ring salah tunggal umah. 2 Jeg saget ipun sami mirengin suara keras saking langite sekadi suaran angin sane ageng ngebekin umahe punika. 3 Raris ipun nyingakin sekadi muncuk-muncuk api maideh-idehan tur ngencegin ipun suang-suang. 4 Irika raris anake sane pracaya punika kaebekin olih Sang Hyang Pengardi. Tur Ida nglugrahin ipun sami mangda ngawitin mawicara nganggen basa sane malian-lianan sane nenten taen ipun uningin.

5 Duk punika ring Kota Yerusalem akeh meneng anak sane rauh saking negeri-negeri lianan ring jagate. Ipun makasami satya mabakti ring . 6 Ritatkala mirengin suara sane keras punika, anake akeh raris nampekin umahe punika. Raris ipun sami makesiab krana ipun mirengin sisiane punika mawicara nganggen basan ipune suang-suang. 7 Anake akeh punika angob saha mabaos sapuniki, “Boyake anake sami punika anak saking Wawidangan Galilea? 8 Napike mawinan anake puniki prasida mawicara nganggen basan iragane suang-suang? 9 Iraga wenten sane saking Partia, Media, Elam, saking Mesopotamia, Yudea lan Kapadokia, saking Pontus lan Asia Alit, 10 saking Prigia lan Pampilia, saking Mesir lan Wawidangan Libia sane nampek Kirene. Wenten pada anak saking Roma 11 sane asli Yahudi. Tur wenten anak saking Roma sane nenten Yahudi nanging sampun magama Yahudi. Wenten pada sane rauh saking Kreta lan Arab. Iraga sami mirengin ipun nyeritayang paindikan angob sane sampun kalaksanayang olih Sang Hyang Pengardi nganggen basan iragane suang-suang!” 12 Duaning ipun angob tur bengong, raris ipun saling mataken sapuniki, “Apake artine unduke ene?” 13 Nanging wenten sane ngedekin ipun saha mabaos sapuniki, “Anake ene tuah sedek punyah.”

Pidarta Dane Petrus ring Anake Akeh

14 Raris dane Petrus ngadeg kasarengin olih solas lianan. Irika dane masuara keras ring anake akeh sekadi puniki, “Duh para semeton titiang Bangsa Yahudi tur semeton sami sane meneng ring Kota Yerusalem. Pirengin ja melah-melah, mangda semeton uning paindikan puniki. 15 Sujatine ipun sami nenten ja punyah sekadi sane kaden semeton. Krana mangkin kari jam sia semengan, tur budayane iriki nenten taen anake punyah kali mangkin. 16 Nanging paindikane puniki sampun kanikayang olih Sang Hyang Pengardi malantaran cakepan sane katulis idumun olih Idane sane mapesengan dane Yoel. Dane sampun nulis sekadi puniki:

17 Sang Hyang Pengardi masabda sekadi puniki, ‘Duk makire panyuud jamane,

bakal nedunang Nirane sid manusane makejang.

Ento mawinan soroh sentanan ceninge luh wiadin muani bakal ngortiang pabesen saking Sang Hyang Pengardi.

Truna-trunine bakal ningalin pelawatan ane edengang Nira.

Tur malantaran ipian, Nira jagi ngedengang paundukan ane beneh tekening anake ane suba tua.

18 Keto masih di dinane ento, Nira bakal nedunang Roh Nirane

sid parekan Nirane, muani wiadin luh.

Tur ia makejang bakal ngortiang pabesen saking Nira.

19 Buina Nira bakal ngardi paundukan ane ngangobin di langite

lan praciri di gumine ene,

tur bakal ada getih lan api, saha andus malepug.

20 Satonden Nira, nenten tios Sang Hyang Pengardi, sane ngadilin manusane di dinane agung bakal teka ento,

suryane bakal dadi peteng lan bulane dadi barak buka getih.

21 Di dinane ento, anake ane ngamanggil-manggil Sang Hyang Tunggal jagi salamin-laminne.’” Yoel 2:28-32.

22 Raris dane Petrus nglanturang mabaos sapuniki, “Duh para semeton anak ! Pirengin ja atur titiange puniki! Sang Hyang Yesus saking Nasaret punika nenten tios utusan Sang Hyang Pengardi buat para semeton sami. Indike punika sampun kabuktiang krana Sang Hyang Yesus makarya paindikan sane ngangobin ring tengah-tengah semeton sami. 23 Sang Hyang Yesus puniki kaserahang olih Sang Hyang Pengardi manut rencanan Idane, tur semeton ngamademang lan Sang Hyang Yesus malantaran anake sane dursila. 24 Nanging Sang Hyang Pengardi nguripin Ida saha mebasang Ida saking kasengsaran pademe. Krana kuasan pademe nenten prasida sue nguasain Ida. 25 Idumun, raja Daud sampun nrawang indik Sang Hyang Yesus mawicara ring Sang Hyang Pengardi sekadi puniki:

Titiang setata nyingak Iratu Sang Hyang Pengardi di arepan Titiange,

Iratu setata nyarengin Titiang mangda Titiang nenten sengsaya.

26 Punika mawinan manah Titiange masukarena,

cangkem Titiange ngaturang kidung pamuji

samaliha awak Titiange marasa dame ritatkala nyantosang Iratu.

27 Duaning Iratu nenten ja manggiang jiwatman Titiange ring genah anake padem.

Iratu nenten manggiang parekan sane satya puniki kantos berek ring .

28 Iratu sampun nguningayang ring Titiang margi sane nuju urip sujati.

Rasa liang Titiange maliah-liah duaning Iratu nyarengin Titiang.” Kidung 16:8-11.

29 Malih dane Petrus nglanturang mabaos sapuniki, “Duh para semeton Bangsa Israel! Tiang jagi seken-seken nyeritayang ring para semeton sinamian: raja Daud leluhur iragane sampun padem tur sampun kapendem, samaliha kuburan idane kari kantos mangkin. 30 Kenten pada Sang Hyang Pengardi sampun majanji antuk sumpah ring raja Daud indik asiki saking soroh sentanan idane jagi kalinggihang dados Prabu olih Sang Hyang Pengardi. Raja Daud punika nenten tios sinoman Sang Hyang Pengardi. Punika mawinan ida sampun uning indik janjine punika. 31 Samaliha ida sampun uning napi sane jagi kalaksanayang olih Sang Hyang Pengardi. Raja Daud sampun nrawang indik sane kajanjiang olih Sang Hyang Pengardi jagi maurip malih sekadi jati mula. Trawangane punika sekadi puniki:

Sang Prabune punika nenten banggianga ring genah anake padem.

Anggan Idane nenten ja benyah lan telas.”

32 Raris dane Petrus nglanturang malih mabaos sapuniki, “Titiang sareng para sisian Sang Hyang Yesuse puniki sampun nyaksiang indik Ida sampun kauripang malih sekadi jati mula olih Sang Hyang Pengardi. 33 Ida kaunggahang ring genah sane agung, inggih punika kalinggihang ring kenawan Sang Hyang Pengardi. Tur Ida pada nerima Roh Sang Hyang Pengardi sane sampun kajanjiang olih . Sane mangkin, jerone sami mirengin lan nyaksiang Roh Sang Hyang Pengardine punika katedunang ring titiang sami. 34 Raja Daud praragan nenten munggah ka , nanging ida ngamaosang indik Sang Prabu sane kajanjiang olih Sang Hyang Pengardi sekadi puniki:

ngandika ring Sang Ratu Agung titiange sekadi puniki,

35 ‘Negak ja di kenawan Nirane,

kanti musuh-musuh Ceninge jang Nira di batis Ceninge!’” Kidung 110:1.

36 Raris dane Petrus nglanturang malih mabaos sapuniki, “Sane mangkin makasami anak musti uning indik Sang Hyang Yesus sane saligang semeton punika. Sang Hyang Pengardi sampun ngranayang Ida dados Sang Ratu Agung taler dados Sang Prabu sane sampun kajanjiang.”

37 Ritatkala anake akeh punika mirengin baos dane Petrus, manah ipune sami kalintang sungsut, saha mataken ring dane Petrus sareng para utusan sane lianan sapuniki, “Semeton para pengiring Sang Hyang Yesuse, napike sapatutne sane laksanayang tiang sami?”

38 Irika raris dane Petrus masaur sapuniki, “ ja saking urip sane madosa tur semeton sapatutne dados tanda semeton ngiring Sang Hyang Yesus Kristus. Mangda semetone tur semeton nerima Roh Sang Hyang Pengardi. 39 Krana Sang Hyang Pengardi jagi nglaksanayang janjin Idane ring para anake sane sampun kapanggil, nenten tios ngawit saking semeton tur soroh sentanan semetone turmaning anake akeh sane adoh saking iriki.”

40 Sasampune mabaos sapunika, dane Petrus akeh mababaosan lianan sane nuturin mangda ipun sami malasang dewek saking soroh anake sane jaat puniki duaning anake jaat jagi kaukum olih Sang Hyang Pengardi.

41 Sasampune anake akeh punika mirengin baos dane Petruse, akeh anake irika dados pracaya raris kalukat. Akeh anake pracaya dinane punika kantos wenten tigang tali (3.000) diri.

Budaya Pengiring Sang Hyang Yesus

42 Anake sane pracaya punika seleg mirengin pengajahan para utusan Sang Hyang Yesuse tur sering mapunduh nyikiang manah. Kenten pada ipun mabakti miwah ngajeng sareng-sareng. 43 Samaliha para utusan Sang Hyang Yesuse nglaksanayang akeh paindikan sane ngangobin sane mawinan anake akeh dados angob tur jejeh. 44 Anake sane sampun pracaya ring Sang Hyang Yesus punika sering mapunduh. Tur sekancan druen ipune suang-suang dados druen semeton sareng sami. 45 Wenten pada saking ipun sane ngadol barang-barangnyane tur jinahne kaedum-edumang manut kaperluan ipune suang-suang. 46 Sebilang dina ipun sami seleg mapunduh ring Mabakti kapining Sang Hyang Pengardi. Kenten pada ipun sami ngajeng sareng-sareng magilir ring umah ipune sami, saha masukarena antuk las manah. 47 Ipun sami setata ngagungang Sang Hyang Pengardi tur wargane irika seneng kapining ipun. Samaliha sebilang dina ngakehang anake sane katuntun olih Sang Hyang Yesus mangda kaslametang lan kapunduhang ring pasamuan anake pracaya.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”