Yohanes 9

Hyang Yesus Nyegerin Anak sane Sungkan Buta saking Lekad

Kaceritayang risedek Hyang Yesus mamargi, Ida nyingakin anak sane buta saking lekad. 2 Irika raris para sisian Idane mataken sapuniki, “Guru, sirake sane malaksana kantos anake puniki lekad buta? Napike anake puniki utawi reramannyane?”

3 Hyang Yesus raris ngandika sapuniki, “Anake ento buta tusing ja ulian dosannyane padidi utawi dosan reramannyane. Nanging, apanga anake liu nyidang ningalin pakaryan malantaran anake ento. 4 Ritatkala Tiang enu di gumine ene, Tiang galang gumi. Ane jani saenune lemah, iraga musti mragatang pakaryan sane kapicayang olih Ida sane ngutus Tiang. Krana bakal teka petenge; ditu tusing ada anak ane nyidang magae. 5 Mungpung Tiang enu di gumine ene, Tiang ene galang gumi.”

6 Sasampune ngandika sekadi punika, Ida raris makecuh ka tanahe tur ngadukin paes Idane sareng tanahe. Raris Ida ngolesin endute ring peningalan anake buta punika 7 tur ngandika sapuniki, “Luas ja mrika ka Telaga Siloame tur masugi ja irika!” “Siloam” maarti, ‘Sane kautus.’ Raris anake punika luas tur masugi ring telagane punika. Ritatkala ipun mawali, ipun sampun mresidayang nyingakin.

8 Para pisagannyane lan anake akeh sane taen nyingakin anake punika idih-idih, pada mabaos sapuniki, “Boyake ene anak ane biasane negak idih-idih?”

9 Wenten pada anak sane lianan mabaos sapuniki, “Saja, ene suba anake ento.”

Nanging wenten pada sane mabaos sapuniki, “Tusing, ia tuah mesib ajak anake ento.”

Nanging anake sane wawu seger punika mabaos sapuniki, “Yakti, tiang anake punika.”

10 Raris anake akeh mataken sapuniki, “Punapike carane ragane mresidayang nyingakin?”

11 Anake sane wawu kasegerin punika masaur sapuniki, “Anak sane mapesengan Yesus makarya endut akidik saha ngolesin ring peningalan tiange. Tur Ida ngandika sapuniki, ‘Luas ja mrika ka Telaga Siloam tur masugi ja irika!’ Raris tiang luas mrika. Tatkala tiang masugi, tiang mresidayang nyingakin.”

12 Anake akeh mataken malih sapuniki, “Ring dija ke mangkin anake punika?”

Anake sane wawu kasegerin punika masaur sapuniki, “Tiang nenten uning.”

Anak Parisine Mreksa Anak Buta sane Kasegerin olih Hyang Yesus

13-14 Duk punika rahina dugas Hyang Yesuse makarya endut tur nyegerin peningalan anake buta. Punika mawinan anake akeh makta ipun ring para anak . 15 Para anak Parisine raris mataken punapike carane ipun mresidayang nyingakin. Ipun raris masaur sapuniki, “Ida ngolesin endut ring peningalan tiange. Raris tiang luas masugi lan tiang mresidayang nyingakin.”

16 Irika raris makudang anak Parisine punika mabaos sapuniki, “Anake punika nenten ja kautus olih Sang Hyang Pengardi, krana Ipun nenten ninutin awig-awig rahina Sabat.”

Nanging sane lianan mabaos sapuniki, “Yening Anake punika anak sane , pastika Ipun nenten mresidayang makarya paindikan sane ngangobin sekadi punika.” Irika raris ipun sami saling matungkasan. 17 Raris para anak Parisine mataken malih kapining anake sane kasegerin punika sapuniki, “Kenken manut ragane unduk Anake ento? Krana peningalan ragane suba kasegerin.”

Ipun raris masaur sapuniki, “Anake punika nenten tios .”

18 Nanging para pemimpin Yahudine nenten kayun pracaya indik anak sane kasegerin punika taen buta tur mangkin mresidayang nyingakin. Punika mawinan ipun sami ngamanggil reraman anake punika. 19 Irika raris para pemimpine punika mataken sapuniki, “Sajake ene pianak ragane ane raosang ragane mula buta uli lekad? Kenkenke carane ia nyidang ningalin jani?”

20 Raris reraman anake punika masaur sapuniki, “Yakti pisan niki pianak titiange. Lan ipun buta saking lekad. 21 Nanging titiang nenten uning punapike carane ipun mresidayang nyingakin sekadi mangkin. Tur titiang pada nenten uning sirake sane ngranayang ipun mresidayang nyingakin. Takenang kamanten kapining ipun duaning ipun sampun kelih tur prasida mabaos buat deweknyane padidi.” 22 Reraman anake punika matur sekadi punika krana jejeh kapining para pemimpin Yahudine. Duaning para pemimpine sampun adung sapa sira ja sane ngaku yening Hyang Yesus punika , anake punika nenten dados ngranjing ring . 23 Punika mawinan reraman anake punika mabaos sapuniki, “Takenang kamanten kapining ipun duaning ipun sampun kelih.”

24 Raris para pemimpin Yahudine ngamanggil malih anak buta sane kasegerin punika tur mabaos sapuniki, “Masumpah ja ring ajeng Sang Hyang Pengardi, yening ragane bakal ngorahang ane saja. Tiang makejang nawang Anake ento anak madosa.”

25 Anake sane kasegerin punika masaur sapuniki, “Titiang nenten uning napike Anake punika madosa utawi nenten. Wantah puniki sane uningin titiang: idumun titiang buta, nanging mangkin titiang mresidayang nyingakin.”

26 Raris para pemimpine punika mataken malih sapuniki, “Apake ane laksanayanga teken ragane? Kenken carane ragane bisa ningalin?”

27 Anake sane kasegerin punika masaur sapuniki, “Titiang sampun nyeritayang kapining jerone sami nanging jero nenten seneng mirengang. Napi mawinan jerone meled mirengin malih? Pastika jerone nenten ja meled dados sisian Idane!”

28 Raris para pemimpine punika nganistayang ipun saha mabaos sapuniki, “Awake suba ane dadi murid Iane! Tiang ajak makejang murid dane , leluhur iragane. 29 Tiang ajak makejang nawang Sang Hyang Pengardi sampun masabda kapining dane Musa. Nanging unduk asal Anake ento, tiang tusing nawang.”

30 Raris anake sane kasegerin punika masaur sapuniki, “Tawah sajan yening jerone nenten uning asal Idane, yadiastun Ida sampun nyegerin peningalan titiange! 31 Iraga uning yening Sang Hyang Pengardi nenten mirengin pinunas anak madosa, nanging mirengin pinunas anake sane subakti kapining Ida tur nglaksanayang pikayunan Idane. 32 Saking idumun kantos mangkin, nenten taen kapirengang indik anak sane mresidayang nyegerin anak buta saking lekad. 33 Tur yening Anake punika nenten maasal saking Sang Hyang Pengardi, pastika Anake punika nenten mresidayang malaksana napi-napi.”

34 Raris para pemimpin punika masaur malih sapuniki, “Uli lekad awake suba kaebekin dosa, lan awake ngajahin icang ajak makejang!” Saking paindikane punika, anake sane kasegerin punika nenten kicen ngranjing ring bale wantilan agama Yahudine.

Anake sane Manahnyane Buta

35 Hyang Yesus mirengin indik para pemimpin Yahudine nenten ngicen anake sane kasegerin punika ngranjing ring bale wantilan agama Yahudine. Ida raris ngrereh ipun tur ngandika sapuniki, “Apake ragane pracaya kapining ?”

36 Anake punika matur sapuniki, “Jero, sirake Ida punika? Nikain ja titiang mangda titiang pracaya kapining Ida.”

37 Hyang Yesus masaur sapuniki, “Ragane suba ningalin Ida. Tur Ida sedek mawicara ajak ragane.”

38 Anake punika matur sapuniki, “Ratu, titiang pracaya.” Irika raris ipun matimpuh saha nyembah Hyang Yesus.

39 Hyang Yesus malih ngandika sapuniki, “Tiang teka ka gumine buat ngakimin: apanga anake ane kaucap buta ulian tusing nawang Sang Hyang Pengardi nyidang ningalin. Tur apanga anake ane ngaku nawang Sang Hyang Pengardi dadi buta.”

40 Makudang anak Parisi sane wenten irika mirengin Hyang Yesus ngandika sekadi punika tur mabaos kapining Ida sapuniki, “Adi ragane ngaden tiang makejang buta?”

41 Raris Hyang Yesus masaur sapuniki, “Umpamane, yening jerone ngaku buta, jerone nenten madue dosa. Nanging krana jerone mabaos, ‘Tiang nyingak,’ jerone kari madue dosa.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”