Lukas 24

Sang Hyang Yesus Maurip sekadi Jati Mula

Ring rahina Redite, semengan pisan anak istri-istrine mrika ka kuburan guane makta raracikan sane sampun kasadyayang mangda kaanggen ngaminyakin layon Hyang Yesuse. 2 Sasampune rauh ring kuburan guane, ipun sami napetang batu panekep guane punika sampun maglibegan. 3 Raris ipun sami ngranjing ka tengah kuburane punika nanging nenten manggihin layon Sang Hyang Yesuse. 4 Ritatkala ring tengah kuburane punika, ipun sami bingung minehang paindikane punika. Jeg kacingak kalih malekat sane mapengangge sarwa makenyah ngadeg nampek ring ipune sami.

Gambar: Sang Hyang Yesus nenten kari Wenten ring Kuburan Idane (24:4)

5 Irika ipun jejeh pisan, raris nguntulang sirah macihna bakti. Makakalih malekate punika mabaos ring ipun sami sapuniki, “Nguda ragane ngalih anak urip di tongos anak mati?6 Ida nenten wenten iriki. Ida sampun maurip malih sekadi jati mula! Ingetang ja Ida sampun ngandika tekening ragane tatkala Ida ring Wawidangan Galilea,7 wantah Ida, Sang Putraning Manusa, musti kaserahang sid anake tur . Raris malih puane Ida jagi maurip sekadi jati mula.”8 Raris anak istri-istri punika eling ring pengandikan Sang Hyang Yesuse.9-10 Anake istri-istri punika nenten tios, Ni Maria saking Kota Magdala, Ni Yohana, Ni Maria ibun I Yakobuse, sareng anak istri-istri lianan sane nyarengin ipun sami.

Sasampune ipun sami mawali saking kuburan guane, ipun nyeritayang makasami paindikane punika ring makasolas diri para sareng para pengiring sane lianan. 11 Nanging para utusane nganggep anak istri-istrine punika nyeritayang paindikan sane tidong-tidong. Tur ipun nenten pracaya ring tutur anak istri-istrine punika. 12 Nanging I Petrus matangi raris malaib mrika ka kuburane. Sasampune rauh irika, ipun mungkutang raga, nengok ka tengah kuburan guane. Irika ipun nyingakin kasa kamanten. Raris I Petrus angob pisan tur budal saha mapineh-pineh ring angennyane krana paindikane punika.

Sang Hyang Yesus Ngedengang Raga ring Kalih Pengiring Idane

13 Kenten pada ring dinane punika, wenten kalih pengiring Sang Hyang Yesus sedek mamargi ka Desa Emaus sane adohnyane solas kilo (11 km) saking Kota Yerusalem. Asiki pengiringe punika mapesengan I Kleopas. 14 Duk punika ipun sareng kalih mabligbagan paindikan sane sampun mamargi. 15 Risedek ipun iteh mabligbagan lan matimbang wirasa, Sang Hyang Yesus rauh tur mamargi nyarengin ipun. 16 Makakalih pengiring Sang Hyang Yesuse punika nyingakin Ida, nanging wenten pialang sane ngranayang ipun nenten nguningayang Ida.

17 Raris Sang Hyang Yesus ngandika sapuniki, “Napike sane bligbagang ragane sareng kalih tatkala ragane mamargi?”

Raris ipun meneng masemu sebet, tur 18 I Kleopas mataken ring Sang Hyang Yesus sapuniki, “Napike wantah jerone praragan tamiu Yerusalem sane nenten uning sekancan paindikan sane wawu mamargi irika?”

19 Sang Hyang Yesus malih mataken sapuniki, “Indik napike nika?”

Ipun makakalih masaur sapuniki, “Indik Ida Yesus saking Nasaret punika. Ida nenten tios Sang Hyang Pengardi. Pengandikan lan pakaryan Idane kalintang mawisesa ring arepan miwah bangsan iragane. 20 Nanging para pemimpin lan para pemimpin bangsan tiange nyerahang Ida kapining pemimpin Romawine mangda kaukum padem tur kasalibang! 21 Yadiastun tiang makasami nyagerang Ida jagi mebasang Bangsa Israele saking penjajahan Romawine, nanging Ida sampun padem dugas ipuan. 22 Samaliha tiang sami tengkejut krana orti saking anak istri-istri sekan tiange. Ipun sami semengan pisan ka kuburane, 23 nanging layon Ida Yesuse nenten kapanggihin irika. Raris ipun sami mawali tur nyeritayang indik ipun nyingakin malekat, sane ngamaosang indik Ida Yesus sampun maurip malih. 24 Samaliha wenten pada saking sekan tiange mrika ka kuburan guane, tur irika ipun manggihin sekadi sane kaceritayang olih anake istri-istri. Nanging ipun nenten manggihin Ida Yesus.”

25 Raris Sang Hyang Yesus ngandika ring ipun makakalih sapuniki, “Wih jero anak belog! Meweh pisan jerone pracaya saluirin sane kanikayang olih para sinoman Sang Hyang Pengardine idumun! 26 Boyake sane Kajanjiang olih Sang Hyang Pengardi musti nandang sengsara? Sasampune kenten, Ida ngamolihang kaagungan Idane.” 27 Raris Sang Hyang Yesus mligbagang indik trawangan ngawit saking Cakepan Suci dane kantos cakepan para sinoman Sang Hyang Pengardine. Ida nerangang paindikan Idane sane katulis irika.

28 Ritatkala sampun nampek ring Desa Emaus, raris Sang Hyang Yesus malaksana sekadi jagi nglanturang pamargin Idane. 29 Nanging makakalih anake punika mapinunas ping banget ring Sang Hyang Yesus sapuniki, “Ngiring ja nginep sareng-sareng titiang iriki, duaning dinane sampun nyaluk peteng tur sampun ngawitin wengi.” Raris Sang Hyang Yesus ngranjing mrika jagi nginep.

30 Ritatkala malinggih ngajeng sareng-sareng, raris Sang Hyang Yesus ngambil roti tur ngaturang penyuksma ring Sang Hyang Pengardi. Sasampune ngompes-ngompes rotine punika nganggen tangan, Ida ngicenin rotine punika ring ipun makakalih. 31 Irika ipun makakalih eling Anake punika nenten tios Sang Hyang Yesus. Wusan punika, jeg saget Ida ical saking arepan ipune makakalih.

32 Raris ipun sareng kalih saling ngraos sapuniki, “Sujatine keneh iraga ajak dadua bagia sajan ritatkala Sang Hyang Yesus ngandikayang lan nerangang artin dugase iraga nu di jalan.”

33 Raris ipun sareng kalih ngadeg tur malih mamargi nuju Yerusalem. Irika ipun kacunduk sareng makasolas para utusan Sang Hyang Yesuse sane sedek mapunduh sareng pengiring sane lianan. 34 Duk punika para sisian Idane ngamaosang sapuniki, “Mula saja, Ida sampun maurip malih sekadi jati mula! Ida sampun ngedengang angga tekening I Simon Petrus!”

35 Raris makakalih pengiring Sang Hyang Yesuse sane wawu rauh irika nyeritayang paindikan ipune ring margine, tur ipun eling ring Sang Hyang Yesus tatkala Ida ngompes-ngompes roti.

Sang Hyang Yesus Ngedengang Raga ring Para Sisian Idane

36 Duk para sisiane mabligbagan paindikane punika, jeg saget Sang Hyang Yesus ngadeg irika sareng-sareng ipun saha ngandika, “Rahayu ja cening makejang!” 37 Para sisiane makasiab tur jejeh krana ngaden deweknyane nyingakin gamang.

38 Nanging Sang Hyang Yesus ngandika sapuniki, “Eda ja cening jejeh. Apa ane ngranayang cening bimbang? 39 Tingalin ja tangan lan cokor Nirane! Ene suba ragan Nirane! tusing ja gamang. Usudin ja Nira! Krana gamang tusing ja ngelah isi lan tulang buka ragan Nirane.”

Gambar: Sang Hyang Yesus maurip malih sekadi jati mula (24:39)

40 Duk Sang Hyang Yesus ngandika sapunika, Ida ngedengang tangan miwah cokor Idane ring para sisiane. 41 Nanging para sisiane dereng pracaya santukan kalintang liang lan angob. Punika mawinan Ida ngandika ring para sisiane sapuniki, “Apake cening ngelah dadaaran dini?” 42 Raris ipun ngaturin Ida ulam panggang atebih. 43 Ida raris ngambil ulame tur ngajeng ring arepan para sisian Idane.

Orti indik Sang Hyang Yesus Musti Kaortiang

44 Kaceritayang mangkin Sang Hyang Yesus ngandika sapuniki, “Ingetang ja! Cerita unduk Nira suba katulis imalu di Cakepan Sucine, sing ada len ane katulis olih dane Musa lan olih para sinoman Sang Hyang Pengardi tur ane katulis di Cakepan Kidung. Makejang unduke ento musti kalaksanayang buka ane suba orahang Nira tatkala Nira bareng-bareng ajak cening.”

45 Raris Sang Hyang Yesus nyunarin papineh ipune sami mangda prasida ngresepang daging Cakepan Sucine. 46 Samaliha Ida ngandika sapuniki, “Di Cakepan Sucine ada katulis Sang Prabu sane Kajanjiang musti kalara-lara tur seda, raris malih puane maurip sekadi jati mula. 47 Ane jani orti indik Sang Prabu punika buka kene: Nyen ja ane uli idup ane madosa bakal olih Sang Hyang Pengardi. Ortine ento bakal kaortiang uli Kota Yerusalem ka sekancan bangsa-bangsane. 48 Cening makejang dadi saksi unduke ento. 49 Lan Nira bakal ngutus sid ceninge. Rohe punika sampun kajanjiang olih Nirane. Sakewala cening makejang musti nyantosang janjine punika di Kota Yerusalem kanti cening nerima kuasa saking Sang Hyang Pengardi.”

Sang Hyang Yesus Munggah ka Swarga

50 Sane mangkin, Sang Hyang Yesus nuntun ipun sami medal saking Kota Yerusalem kantos nampek ring Desa Betania. Irika Ida ngangkat tangan Idane ngamertanin ipun makasami. 51 Duk Ida ngamertanin ipun makasami, Ida kaunggahang ka palas saking para sisiane sami.

Gambar: Sang Hyang Yesus munggah ka swarga (24:51)

52 Para sisiane makasami matimpuh nyembah Sang Hyang Yesus laut mawali ka Yerusalem antuk manah sane girang.53 Raris ipun sami sadina-dina ngagungang Sang Hyang Pengardi ring Genah Agung Mabakti kapining Sang Hyang Pengardi.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”