Lukas 18

Seleg Mapinunas ring Sang Hyang Pengardi

Raris Hyang Yesus nyeritayang pengumpamian puniki kapining para sisian Idane mangda ipun sami seleg lan nenten ja med-med mapinunas. 2 Irika Hyang Yesus nyeritayang pengumpamian sapuniki, “Di kota anu ada akim ane tusing jejeh ring , tur tusing pati rungu tekening nyen-nyen. 3 Di kotane ento ada masih anak janda. Ia sesai-sai tangkil kemu sid akime tur nunas apanga ngilonin prakaran iane. Ia matur kene, ‘Ilonin ja titiang nglawan musuh titiange!’

4-5 “Tur kanti mekelo akime ento tusing nyak ngilonin prakaran anak jandane ento. Sakewala pemuputne akime ento mapineh-pineh kene, ‘Anak jandane ene setata ngugul tiang. Yadiastun tiang tusing jejeh tekening Sang Hyang Pengardi, lan tusing pati rungu tekening nyen-nyen, luungan tiang ngilonin prakaran iane. Yening tusing keto, ia bakal setata teka lan ngaenang tiang pakeweh.’”

6 Raris Hyang Yesus ngandika kapining sisian Idane sapuniki, “Resepang ja apa ane raosanga teken akim ane tusing adil ento. 7 Tusingke Sang Hyang Pengardi ngilonin prakaran panjak sane pilih Ida ane setata mapinunas lemah peteng? Apake Ida nenten pramangkin nulungin panjak sane pilih Ida? 8 Tiang mapiteges tekening ragane, Ida jagi pramangkin ngilonin prakaran ragane. Sakewala ritatkala Tiang, Sang Putraning Manusa, jagi rauh malih ka gumine ene, apake Tiang manggihin anak ane pracaya tekening Tiang?”

Sira ja Matilesang Raga jagi Kaagungang

9 Hyang Yesus nuturang pengumpamian sekadi puniki tatujone mituturin anake sane nganistayang anak lianan lan ngaden deweknyane patut.

10 “Ada anak ajaka dadua ka bakal mabakti; ane abesik anak Parisi, ane buin besik anak tukang nuduk pipis pajeg. 11 Anak Parisine ento majujuk laut ngaturang bakti unduk dewekne kene, ‘Ratu Sang Hyang Pengardi, titiang ngaturang penyuksma ring Iratu duaning titiang nenten sekadi anake lianan sane loba, daya, mamitra taler nenten sekadi anak tukang nuduk jinah pajege punika. 12 Nanging titiang maturan (1/10) saking saluirin asil titiange lan ping kalih awuku titiang mapuasa.’

13 “Nanging tukang nuduk pipis pajege majujuk ngejoh-ngejoh, turmaning tusing bani nyengenget ka langite saha nigtig dewekne lan ngaturang bakti kene, ‘Duh Sang Hyang Pengardi, olasin ja titiang puniki jadma .’

14 “Tiang ngorahin ragane: Ritatkala anake makadua ento mulih ka umahnyane, tukang nuduk pipis pajege ento ane katerima olih Sang Hyang Pengardi, tusing ja anak Parisine ento. Krana nyen ja ane ngajumang raga bakal kanistayang. Lan nyen ja ane matilesang raga bakal kaagungang.”

Hyang Yesus Ngamertanin Anak Alit-alit

15 Risedek dina anu, wenten akeh anak sane makta alit-alitnyane ring arepan Hyang Yesus, mangda Ida ngusud lan ngamertanin alit-alite punika. Ritatkala para sisian Hyang Yesuse nyingakin paindikane punika, ipun sami nguelin anake sane makta anake alit-alit punika. 16 Nanging Hyang Yesus ngamanggil anake alit-alit punika. Ida ngandika kapining para sisian Idane sapuniki, “Depang ja anak cerik-cerike ento teka sid Tiange; eda ja nambakin ia! Krana anake ane polos buka anak cerik, anake ento suba nerima Sang Hyang Pengardi dadi Rajan iane. 17 Raos Tiange ene saja! Sujatine nyen ja tusing nerima Sang Hyang Pengardi dados Rajannyane buka anake cerik ene, anake ento tusing lakar dadi krama ring Idane.”

Anak Sugih Keweh Ngiring Hyang Yesus

18 Kaceritayang, wenten adiri pemimpin Yahudi mataken ring Hyang Yesus sapuniki, “Duh guru sane dharma, napike sapatutne laksanayang titiang mangdane titiang nerima urip salamin-laminne ring swarga?”

19 Raris Hyang Yesus ngandika sapuniki, “Napi mawinan jerone ngamaosang Tiang anak dharma? Nenten ja wenten sane dharma lianan kapining Sang Hyang Pengardi kamanten. 20 Pastika jerone uning prentah-prentah Sang Hyang Pengardine, minakadi: ‘Sampunang ja mamitra, sampunang ja ngamademang anak, sampunang ja ngamaling, sampunang ja dados saksi palsu, tur bakti ja ring reraman ragane.’”

21 Irika raris pemimpin Yahudi punika matur malih sapuniki, “Makasami prentahe punika sampun margiang titiang ngawit titiang kari nguda.”

22 Mirengin pasaure punika, irika raris Hyang Yesus ngandika sekadi puniki, “Wenten malih asiki paindikan sane musti laksanayang jerone: adol ja sekancan pagelahan jerone, tur pakidihang ja jinahne ring anake tiwas. Punika mawinan jerone jagi polih arta ring . Sasampune kenten, mriki ja ngiring Tiang.”

23 Mirengin pengandikan Hyang Yesuse sapunika, irika raris pemimpin Yahudine punika kalintang sebet krana ipun anak sugih pisan. 24 Ritatkala Hyang Yesus nyingakin anake punika sebet, Ida raris ngandika sapuniki, “Amatke sukehne anake sane sugih nerima Sang Hyang Pengardi dados Rajan ipune! 25 Sujatine aluhan beburon onta macelep sid song jaume bandingang kapining anake sugih nerima Sang Hyang Pengardi dados Rajan ipune.”

26 Anake sane mirengin pengandikan Hyang Yesuse sekadi punika raris mataken sapuniki, “Yening kenten, napike wenten anak sane jagi saking ukuman krana dosannyane?”

27 Irika raris Hyang Yesus ngandika sapuniki, “Napi sane nenten prasida kalaksanayang olih manusane, prasida kalaksanayang olih Sang Hyang Pengardi!”

28 Irika raris I Petrus matur sapuniki, “Titiang makasami sampun ngutang sekancan pagelahan titiange mangda ngiring Guru.”

29 Raris Hyang Yesus ngandika sapuniki, “Tiang ngandikayang sane patut, sujatine anake sane ngutang umahnyane, rabinnyane, para semetonnyane, reramannyane, utawi okannyane krana ngayahin Sang Hyang Pengardi dados Rajan ipune, 30 ipun jagi nerima upah sane agengan saking Sang Hyang Pengardi ring jagate puniki. Turmaning ipun jagi nerima urip sane sujati salamin-laminne ring swarga.”

Hyang Yesus Nyambatang Malih Indik Ida Jagi Kapademang

31 Raris Hyang Yesus munduhang makaroras diri sisian Idane saha ngandika sapuniki, “Padingehang ja! Jani iraga makejang nuju Kota Yerusalem. Lan makejang ane katulis olih para Sang Hyang Pengardi unduk Tiang, Sang Putraning Manusa, bakal kalaksanayang. 32 Krana Tiang bakal kaserahang sid . Nah ditu Tiang bakal kaendahang, kanistayang muah kakecuhin. 33 Tur Tiang bakal kapecutin lan kamatiang, nanging buin puane Tiang bakal idup buka jati mula.”

34 Nanging para sisiane nenten ngresep neng akidik pengandikan Hyang Yesuse punika. Artin pengandikan Idane punika mengkeb kantos ipun sami nenten uning artinyane.

Hyang Yesus Nyegerin Anak Buta

35 Ritatkala Hyang Yesus nampek ring Kota Yeriko, wenten anak buta malinggih ring sisin margane idih-idih. 36 Irika ipun mirengin anake akeh sedek ngliwat raris ipun mataken, “Wenten napike iriki?”

37 Wenten sane nyaurin sapuniki, “Sang guru Yesus saking Kota Nasaret sedek ngliwat.”

38 Anake buta punika majeritan sapuniki, “Duh Ratu, Sang Prabu saking soroh sentanan Raja Daud, sane kajanjiang olih Sang Hyang Pengardi! Olasin ja titiang!”

39 Anake sane mamargi paling arep nunden ipun meneng. Nanging ipun ngancan nyangetang majeritan, “Duh ratu, sentanan Raja Daud! Olasin ja titiang!”

40 Hyang Yesus mandeg tur nikain mangdane anake buta punika katuntun ka arepan Idane. Ritatkala anake punika rauh, Hyang Yesus mataken sapuniki, 41 “Napi sane tunas cening mangda laksanayang tiang?”

Anake punika raris matur sapuniki, “Ratu, titiang nunas mangda titiang sida nyingakin.”

42 Raris Hyang Yesus ngandika sapuniki, “Yening kenten, kedat ja! Sane mangkin, ragane sampun kenak krana ragane pracaya kapining Tiang.” 43 Jeg pramangkin ipun mresidayang nyingakin, raris ngiring Hyang Yesus saha ngagungang Sang Hyang Pengardi. Ritatkala anake akeh nyingakin paindikane punika, ipun sami sareng-sareng ngagungang Sang Hyang Pengardi.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”