Lukas 10

Hyang Yesus Ngutus Pitung Dasa Diri Sisian Idane

Sasampune punika, Hyang Yesus malih milih sisia lianan pitung dasa (70) diri. Raris ipun kautus sareng kalih - sareng kalih ngamalunin Hyang Yesus ring sekancan kota lan genah sane jagi rauhin Ida. 2 Ida ngandika ring para sisiane punika sapuniki, “Pagaen ragane nuntun anake ane siaga nerima pengajahan Tiange, kaumpamiang anake manyi gandum. Liu gandume suba siaga kaanyi, sakewala buruh manyine tuah abedik. Ento mawinan, nunas ja kapining Sang Hyang Pengardi sane nuenang tegale apanga ngutus para buruh lakar manyi gandume ento. 3 Ane jani luas ja! Tiang ngutus ragane buka panak biri-biri di tengah-tengah cicing alase. 4 Eda ja ngaba dompet, tas muah sandal, tur eda ja makelo-kelo mararaosan ajak anak len duk majalan.

5 “Ritatkala ragane luas tur macelep ka umah anake irika, ngraos ja buka kene malu, ‘Dumogi ja Sang Hyang Pengardi mapaica dame ring kaluargan jerone.’ 6 Yening ditu ada anak ane demen dame, salam dame ragane bakal tetep di kaluargane ento. Nanging yening salam dame ragane tusing katerima ditu, salame ento mabalik buin sid ragane. 7 Nongos ja sid umah anake ane nerima ragane ento. Daar lan inem ja apa ane baanga ditu, krana anake ane magae pantes maan upah. Tur, eda ja makisid-kisid ka umah ane lenan.

8 “Tur yening ragane teked ka salah tunggal kota lan ragane katerima di kotane ento, daar ja apa ane sagianga buat ragane ditu. 9 Lan segerin ja anake ane sakit di kotane ento, tur orahang ja kene, ‘ ring jagate.’ 10 Nanging yening ragane teked ka salah tunggal kota lan ragane tusing katerima ditu, pesu ja ka jalan-jalan di kotane ento tur orahang ja kene, 11 ‘Buk kotane sane neket ring tapak cokor tiange sami, ketebang tiang mangda dados tanda jagi ngukum ragane. Nanging pirengin ja: Sang Hyang Pengardi jagi gelis mamrentah dados Raja ring jagate.’ 12 Raos Tiange ene saja! Tatkala dinane pamuput, kota-kota ane tusing nerima ragane bakal kaukum lebih baat tekening ukuman dugas imalu Kota Sodom ane kaenyagang lan katunjel olih Sang Hyang Pengardi.

13 “Keto masih, sengkala ja ragane anak ane nongos di Kota Korasim! Lan sengkala ja ragane anak Yahudi ane nongos di Kota Betsaida! Krana ragane tusing masalin uli idup ane madosa yadiastun suba nyaksiang Tiang makarya paundukan-paundukan ane ngangobin. Yen umpamane anake di Kota Tirus lan Kota Sidon ane boya ja anak Yahudi nyaksiang paundukane ento, pastika ia makejang suba seken-seken masalin uli idup ane madosa. 14 Keto mawinan, duk dinane pamuput, ukuman buat warga Tirus lan Sidon, bakal inganan bandingang ukuman ane bakal katerima warga Korasim lan Betsaida. 15 Wih anak Yahudi ane nongos di Kota Kapernaum! Apake ragane ngaden ragane bakal kaangkat ke ? Tusing! Ragane bakal kakutang ka .”

16 Raris Hyang Yesus ngandika ring para sisian Idane sekadi puniki, “Anake ane ningehang ragane, ia patuh buka ningehang Tiang. Tur anake ane nulak ragane, ia patuh buka nulak Tiang. Keto masih anake ane nulak Tiang, ia patuh buka nulak Sang Hyang Pengardi sane ngutus Tiang.”

Pitung Dasa Sisiane Mawali ring Hyang Yesus

17 Nenten sue sasampune punika, pitung dasa (70) sisiane punika mawali. Ipun sami masukarena saha matur ring Hyang Yesus sapuniki, “Ratu, para pada magedi tatkala katundung nganggen parab Iratune.”

18 Irika raris Hyang Yesus ngandika sekadi puniki, “Tiang nyingakin para setane ulung uli langite buka kilat. 19 Tolih ja! Tiang suba maang kuasa buat nyekjek lelipi lan teledu apanga ragane tusing kenapa-napa, lan kuasa buat ngalahang kawisesan musuh ragane. Tusing ada ane nyidang nyengkalen ragane. 20 Yadiastun buka keto, eda ja masukarena krana para buta kalane magedi tatkala katundung. Nanging masukarena ja krana adan ragane kacatet dadi krama di swarga.”

Hyang Yesus Masukarena

21 Duk punika, ngebekin Hyang Yesus sane ngawinang Ida masukarena. Hyang Yesus mabakti sekadi puniki, “Duh , Sang Hyang Pengardi sane nguasain langit miwah jagat! Titiang ngaturang suksma ring Iratu, krana anak sane wicaksana lan wikan nenten kicen ngresepang kuasa lan kapatutan Iratune. Nanging anak sane belog kicen ngresepang kuasa lan kapatutan Iratune. Duh Aji, indike punika sane pikayunin Iratu.”

22 Raris Hyang Yesus ngandika ring anake akeh sapuniki, “Makasamine sampun kaserahang olih Sang Hyang Aji ring Tiang. Nenten wenten anak sane yakti uning Sang Putra; wantah Sang Hyang Aji sane yakti uning Sang Putra. Kenten pada nenten wenten anake sane yakti uning Sang Hyang Aji; wantah Sang Putra miwah anake sane sampun kanikain olih Sang Putra sane yakti uning Sang Hyang Aji.”

23 Irika raris Hyang Yesus makipekan nyingakin para sisian Idane saha ngandika sekadi puniki, “Bagia ja ragane krana suba ningalin makejang paundukan ngangobin ane karyanin Tiang jani. 24 Raos Tiange ene saja! Para Sang Hyang Pengardi lan para rajane imalu dot ningalin apa ane tingalin ragane jani, nanging dugase ento ia tusing nyidang ningalin. Tur ia makejang pada dot ningehang apa ane dingehang ragane jani, nanging dugase ento ia tusing nyidang ningehang.”

Welas Asih ring Sasama

25 Ring dina anu, wenten agama Yahudine jagi mintonin Hyang Yesus. Ipun ngadeg mangda sida ngraos ring Hyang Yesus, “Guru, napike sane patut tiang laksanayang mangdane tiang polih urip salamin-laminne ring swarga?”

26 Hyang Yesus nyaurin sapuniki, “Napi sane katulis ring agama iragane? Napike sane jerone wacen irika?”

27 Pasaur anake punika, “‘Tresnain ja Sang Hyang Pengardi, Sasembahan Tunggal baan saluirin manah, idep, bayu lan budi,’ tur ‘Tresnain ja nyaman kitane buka nresnain dewek kitane padidi.’” Pengeling-eling 6:5; Upacara 19:18

28 Hyang Yesus ngandika sekadi puniki, “Pasaur jerone patut; malaksana ja sekadi punika, mangdane jero maurip salamin-laminne ring swarga.”

29 Nanging krana anake punika meled kacingak deweknyane patut, raris ipun mataken kapining Hyang Yesus, “Sirake nyaman tiange punika?”

30 Raris Hyang Yesus masaur nganggen pengumpamian, “Wenten adiri anak lanang tedun saking Kota Yerusalem nuju Kota Yeriko. Ring tengahin margi ipun kabegal lan kajagurin kantos niwang. Saluirin barang-barangnyane telas kaambil tur anake punika kakutang nyeleketek ring margine. 31 Sasampune kenten, kabenengan wenten sedek ngliwat ring margine punika. Ritatkala rsine punika nyingakin anake sane niwang punika, ida nyamping laut ngliwat. 32 Kenten pada wenten anak Yahudi soroh Lewi ngliwat irika. Ritatkala ipun nampekin tur nlektekin anake sane niwang punika, raris ipun nyamping tur ngliwat. 33 Nanging wenten pada anak Samaria ngliwat irika. Ritatkala ipun nlektekin anake sane niwang punika, makleteg ring manah ipune medalem. 34 Ipun nampekin laut mersihin tatunnyane nganggen anggur lan ngubadin nganggen lengis, raris medbed tatunnyane. Tur sasampune kenten, anake kabegal punika kapenekin ring jarane kabakta ka penginepan tur kaprateka. 35 Benjang semengane, anak Samariane punika naur prabea upah makarya duang dina kapining anake sane nuenang penginepane saha negesin sapuniki, ‘Prateka ja anake niki. Yening wenten prabea sane patut taur tiang malih, tiang jagi naur tatkala tiang mawali mriki.’”

36 Raris Hyang Yesus muputin pengumpamian Idane saha mataken sapuniki, “Yening manut sekadi jerone, sirake sane dados nyaman anake sane keni begal punika?”

37 Anak sane wikan indik ukum agama Yahudine punika masaur, “Anake sane sampun malaksana kapining anake kabegal punika.”

Raris Hyang Yesus ngandika sapuniki, “Luas ja tur malaksana ja sekadi anake punika.”

Ni Marta lan Ni Maria

38 Sasampune punika, Hyang Yesus kasarengin para sisian Idane nglanturang mamargi, raris rauh ring Desa Betania. Irika wenten anak istri sane mapesengan Ni Marta. Ipun ngundang Hyang Yesus ka umahnyane. 39 Ni Marta madue adi sane mapesengan Ni Maria. Ni Maria puniki malinggih nampek ring Hyang Yesus mirengin pengajah-ajahan Idane. 40 Nanging Ni Marta bincuh pisan magarapan ring paone. Punika mawinan Ni Marta nampekin Hyang Yesus saha matur, “Ratu, nentenke Iratu nyingakin adin titiange las pisan manggiang titiang magarapan praragan? Tunden ja ipun nulungin titiang.”

41 Nanging Hyang Yesus punika nyaurin sapuniki, “Marta, Marta, ngudake ragane sengsaya lan bincuh minehang paundukan ane liu ento? 42 Sujatine tuah abesik ane utama, tusing ada len ningehang pengajahan Tiange. Ni Maria milih ane paling utama, ane tusing nyidang kajuang teken anak lenan.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”