Lukas 7

Pengayah Prawira sane Sungkan

Sasampune Hyang Yesus wusan ngajahin anake akeh, raris Ida mamargi ka Kota Kapernaum. 2 Irika wenten prawira Romawi madue pengayah sane kasayangang. Pengayahe punika sedek sungkan das padem. 3 Ritatkala punika, prawira Romawine mirengin indik Hyang Yesus. Punika mawinan ipun ngutus para penglingsir Yahudine tangkil ring Hyang Yesus nunas mangdane Ida nyegerin pengayah ipune. 4 Sasampune kacunduk sareng Hyang Yesus, para penglingsir Yahudine punika nunas tulung ping banget sapuniki, “Prawirane punika pantes tulungin Iratu. 5 Krana ipun bangsan iragane tur ngwangun iragane.” 6 Raris Hyang Yesus lunga sareng ipun sami.

Ritatkala ipun sami sampun nampek ring jeron pemimpin tentarane, irika pemimpine ngutus timpal-timpalnyane ring Hyang Yesus mangda mabesen sapuniki, “Sampunang ja Iratu repot ka umah titiange. Sawireh titiang nenten pantes nerima Iratu ring umah titiange. 7 Punika mawinan titiang kimud tangkil ring Iratu. Nanging baosang ja prentah abuku; pastika pengayah titiange kenak. 8 Krana titiang tinut ring prentah anak sane mapangkat tegehan, lan wenten pada anak pangkatnyane betenan kapining titiang. Yening titiang nunden salah tunggal ipun, ‘Kemu ja,’ pastika ipun jagi luas kemu. Taler kapining sane lianan, yening titiang nunden, ‘Mai ja,’ pastika ipun jagi rauh nekain titiang. Yening titiang mrentahang ring pengayah titiange, ‘Laksanayang ja ene,’ ipun jagi nglaksanayang.”

9 Sasampune Hyang Yesus mirengin pabesen anake punika, Ida angob. Raris Ida nyingakin anake akeh sane nyarengin Ida tur ngandika, “Tiang negesin kapining ragane makasami: Tiang angob pisan nyingakin anak Romawine punika madue kapracayaan ageng, agengan kapining anak saking bangsan Tiange.” 10 Irika raris anake sane kanikain punika budal ka jeron prawirane, kapanggihin pengayahe irika sampun kenak.

Hyang Yesus Nguripin Putra Tunggal Anak Janda

11 Wusan punika, Hyang Yesus lunga ka Kota Nain. Sisian-sisian Idane lan anake akeh nyarengin Ida. 12 Ritatkala Hyang Yesus nampek ring pamedal kotane punika, wenten akeh anak sane sedek negen watangan medal saking kotane punika. Watangane punika anak truna, pianak tunggal saking ibu sane sampun janda. Akeh warga kotane sane nyarengin anake janda punika.

13 Ritatkala Hyang Yesus nyingakin anake janda punika, Ida tur ngandika, “Eda ja ragane ngeling!” 14 Raris Hyang Yesus nampekin tur ngusud penegenan watangane. Tur anake sane negen watangane punika raris meneng. Hyang Yesus ngandika, “Wih anak truna! Tiang nunden ragane, bangun ja!” 15 Anake truna sane sampun padem punika raris negak lan ngawitin ngraos. Raris Hyang Yesus nyerahang anake truna punika ring ibunnyane.

Gambar: Hyang Yesus nguripin putra tunggal anak janda (7:15)

16 Saluirin anake sane wenten irika pada jejeh saha ngagungang . Ipun ngamaosang, “ sane ageng sampun kautus olih Sang Hyang Pengardi ring iraga sami!” Lan sane lianan pada ngamaosang, “Sang Hyang Pengardi sampun rauh nyuryanin panjak Idane!” 17 Raris orti indik pakaryan Hyang Yesuse punika kasub ring saluirin Wawidangan Yudea lan wawidangan sane lianan.

Hyang Yesus lan Dane Yohanes Sang Penglukat

18-19 Kaceritayang mangkin, para pengiring dane Yohanes Sang nyeritayang sekancan paindikan sane sampun kakaryanin olih Hyang Yesus. Raris dane ngamanggil kalih diri pengiring danene. Salanturnyane, dane Yohanes ngutus makakalih pengiring danene punika mangda mataken ring Hyang Yesus sekadi puniki, “Napike Iratu sane Kajanjiang olih Sang Hyang Pengardi idumun? Utawi napike tiang sami musti nyantosang sane lianan?”

20 Ritatkala makakalih pengiringe punika rauh ring Hyang Yesus, raris ipun matur ring Ida sapuniki, “Dane Yohanes Sang Penglukat nunden titiang mataken ring Iratu sapuniki, ‘Napike Iratu Sang Prabu sane Kajanjiang olih Sang Hyang Pengardi idumun? Utawi napike tiang sami musti nyantosang sane lianan?’”

21 Duk punika, Hyang Yesus nyegerin anake akeh saking sekancan penyakit lan ngusir roh-roh kalane. Tur Ida nadosang akeh anake sane buta prasida nyingak. 22 Irika raris Hyang Yesus nyaurin ipun sapuniki, “Mawali ja kapining dane Yohanes tur ceritayang napi sane cingakin lan pirengin ragane: anak buta prasida nyingak, anak lumpuh prasida mamargi, anak kusta prasida kenak, anak bongol prasida mireng, anak sane sampun padem prasida maurip malih. Lan saking Sang Hyang Pengardi kaortiang ring anake tiwas. 23 Turmaning baosang ja kapining dane Yohanes sapuniki, ‘Bagia ja anake sane nenten bimbang manahnyane nanging pracaya kapining Tiang.’”

24 Sasampune makakalih utusan dane Yohanese budal, Hyang Yesus raris ngawitin ngandika ring anake akeh indik dane Yohanes sekadi puniki, “Napike tatujon ragane luas ka genah sane bengang linggah? Pastika ragane nenten mrika buat nyingakin ambengan sane kaoyogang angin. 25 Napike tatujon ragane luas mrika? Pastika ragane nenten mrika buat nyingakin anak sane mapengangge sarwa bungah. Ragane nenten prasida manggihin irika krana anake sane mapengangge sarwa bungah tur sane uripnyane luih meneng ring puri. 26 Yening kenten, napike tatujon ragane mrika? Napike buat nyingakin sinoman Sang Hyang Pengardi? Yakti patut, samaliha dane Yohanes agengan kapining sinoman sane lianan. 27 Ring Cakepan Sucine, wenten trawangan sane katulis indik dane Yohanes, inggih punika utusan Sang Hyang Pengardine, sapuniki:

‘Tolih ja, nunden utusan Nirane ngamalunin Sang Prabu sane Kajanjiang,

mangda dane nyiapang margi ring manah anake buat sapengrauh Sang Prabu punika.’ Maleaki 3:1.

28 “Tiang ngamaosang kapining ragane: ring jagate puniki, nenten wenten anak sane agengan kapining dane Yohanes Sang Penglukat. Nanging anake sane paling alit sane sampun nerima ipune, anake punika agengan kapining dane Yohanes.”

29 Saluirin anake akeh sane mirengin pengandikan Hyang Yesuse, taler para tukang nuduk jinah pajeg, ngakuin Sang Hyang Pengardi yakti patut. Paindikane punika kabuktiang tatkala ipun sami olih dane Yohanes. 30 Nanging para anak sareng para agama Yahudine nenten nerima pikayunan Sang Hyang Pengardi buat deweknyane. Indike punika kabuktiang tatkala ipun sami nenten kayun kalukat olih dane Yohanes.

31 Raris Hyang Yesus ngandika malih sekadi puniki, “Sekadi napike Tiang ngumpamiang anake akeh sane nulak utusan-utusan Sang Hyang Pengardine ring jamane mangkin? 32 Anake akeh punika sekadi anak alit-alit sane malinggih matempek-tempekan ring pasar saha ngraos saling sautin,

‘Icang menyuling gendingan ane liang buat cai,

sakewala cai tusing ja ngigel!

Icang ngendingang gendingan ane sebet,

sakewala cai tusing ja ngeling!’

33 “Krana dane Yohanes Sang Penglukat rauh sekadi anake sane sebet; dane mapuasa roti lan nenten nginum inuman sane munyahin. Punika mawinan ragane ngamaosang indik dane Yohanes sapuniki, ‘Ia kakuasain .’ 34 Sasampune punika, Tiang, Sang Putraning Manusa, rauh sekadi anak sane girang. Tiang ngajeng lan nginum. Punika mawinan ragane ngamaosang indik Tiange sekadi puniki, ‘Tolih ja anake ene! Ia loba teken dadaaran, demen mamunyah, matimpal ajak tukang nuduk jinah pajege tur anak .’ 35 Yadiastun sekadi punika, kawicaksanaan Sang Hyang Pengardi kabuktiang olih anake sami sane maurip manut kawicaksanaane punika.”

Hyang Yesus Ngampurayang Anak Istri sane Malaksana Asusila

36 Wenten anak Parisi sane mapesengan I Simon. Ipun ngundang Hyang Yesus ngajeng ka jeronnyane. Hyang Yesus rauh ka jeron anak Parisine punika, raris Ida malinggih nyender nganggen tangan Idane tur ngajeng. 37 Ring kotane punika wenten anak istri sane parilaksanane asusila. Ritatkala mirengin indik Hyang Yesus ngajeng ring jeron anak Parisine punika, ipun rauh mrika makta pucung sutra madaging minyak sane miyik. 38 Ipun ngadeg ring dorin cokor Hyang Yesuse sambilanga nangis ngantos cokor Idane belus antuk toyan peningalannyane. Raris cokor Idane kasusutin nganggen rambut, lan kadiman tur kaminyakin nganggen minyak miyik.

Gambar: Anak istri asusila ngaminyakin cokor Hyang Yesuse (7:38)

39 Ritatkala I Simon nyingakin paindikane punika, ipun mabaos ring manahnyane sapuniki, “Yening saja Anake ene sinoman Sang Hyang Pengardi, pastika Ia nawang nyenke anak luh ane ngusud Ia, tusing ada len anak luh ane asusila.”

40 Raris Hyang Yesus ngandika ring I Simon, “Jero Simon, wenten sane jagi tuturang tiang kapining jerone.”

I Simon nyaurin, “Inggih Guru, ngandika ja.”

41 Raris Hyang Yesus ngandika, “Umpami wenten anak sareng kalih madue utang ring anake sane masilihang jinah. Sane siki mutang sawetara upah makarya kalih tiban, lan sane siki mutang sawetara upah makarya kalih bulan. 42 Makakalih anake punika nenten sida naur utangnyane. Raris utangnyane sareng kalih kalunasin olih anake sane masilihang jinahe punika. Nah, sirake saking makakalih anake punika lebih nresnain anake ane masilihang jinah punika?”

43 I Simon nyaurin, “Manut tiang anake sane akehan kalunasin utangnyane!”

Hyang Yesus ngandika, “Pasaur jerone patut.”

44 Raris Hyang Yesus nyingakin anak istri punika lan ngandika ring I Simon, “Jerone pastika sampun nyingak napi sane kalaksanayang olih anake istri puniki. Ritatkala tiang mriki ka jeron jerone, jerone nenten nyadyayang toya anggen Tiang ngedasin cokor; nanging anake istri puniki nganggen toyan peningalane ngedasin cokor Tiange, saha nyusutin nganggen rambutnyane. 45 Jerone nenten ja niman Tiang rikala nyambut Tiang; nanging anake istri puniki nenten wus-wusan niman cokor Tiange saking Tiang rauh driki. 46 Jerone nenten ngaminyakin rambut Tiange, nanging anake istri puniki sampun mriokang minyak sane miyik ring cokor Tiange. 47 Punika mawinan Tiang mituturin jerone, kapitresnannyane sane ageng punika muktiang wantah dosanyane sane akeh sampun . Nanging anake sane akidik dosanyane kaampurayang, anake punika akidik pada malaksana tresna asih.”

48 Raris Hyang Yesus ngandika ring anake istri punika, “Dosan-dosan ragane sampun kaampurayang.”

49 Saking anake sane ngajeng sareng Hyang Yesus irika, wenten sane melihang Hyang Yesus ring manahnyane sapuniki, “Bani sajan anake ene ngampurayang dosan anake lenan.”

50 Nanging Hyang Yesus ngandika ring anake istri punika, “Krana ragane pracaya ring Tiang, ragane . Majalan ja saha makeneh dame.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”