Lukas 6

Hyang Yesus Nguasain Rahina Sabat

Ring dina anu, ritatkala rahina Sabat, Hyang Yesus ngliwat ring pategalan . Irika para sisian Idane ngaud gandum tur nguyeg nganggen tangan kamanten, raris gandume punika kaajeng. 2 Nanging wenten aseka anak Parisine sane mabaos sekadi puniki, “Ngudake ragane ngaud gandum ring rahina Sabat? Paindikane punika nglanggar ukum agama Yahudine.”

3 Raris Hyang Yesus masaur sekadi puniki, “Pastika jerone makasami sampun uning cerita indik dane Daud, ritatkala dane lan para pengiring danene meled pisan ngajeng. 4 Dane ngranjing ka Tenda Suci Mabakti kapining saha nglungsur roti aturane punika raris kaajeng. Tur dane ngedumin rotine punika ring para pengiring danene. Ring paindikane punika dane nenten madosa yadiastun wantah para kamanten sane dados ngajeng rotine punika.”

5 Raris Hyang Yesus ngandika ring ipun sami sapuniki, “Tiang, Sang Putraning Manusa, makuasa netepang napi sane patut kalaksanayang ring rahina Sabat.”

Hyang Yesus Nyegerin Anak Lumpuh ring Rahina Sabat

6 Ring rahina Sabat sane lianan, Hyang Yesus ngajahin ring . Irika wenten anak lanang sane tangan kenawannyane lumpuh. 7 Duk punika, para agama Yahudine sareng para anak Parisine nlektekin napike Hyang Yesus jagi nyegerin anak ring rahina Sabat. Sekadi punika ipun sami ngutsahayang ngrereh prakara mangda prasida nuduh Ida. 8 Nanging Hyang Yesus uning papineh ipune sami. Raris Hyang Yesus ngandika ring anake sane tangannyane lumpuh punika sekadi puniki, “Matangi tur ngadeg ja ring tengah-tengah!” Anake punika matangi tur ngadeg irika. 9 Raris Hyang Yesus ngandika ring ipun sami sekadi puniki, “Tiang mataken kapining jerone makasami, cen ke sane dados laksanayang ring rahina Sabat: malaksana becik utawi malaksana jaat, anak utawi nyengkalen anak?” 10 Irika raris Hyang Yesus nyingakin sekancan anake akeh punika tur ngandika ring anake sane tangannyane lumpuh sekadi puniki, “Leserang ja tangan ragane!” Anake lumpuh punika nglaksanayang prentah Idane tur tangannyane seger. 11 Nanging para guru agama lan para anak Parisine kalintang gedeg kapining Hyang Yesus. Irika ipun sami mligbagang indik punapike carane nyengkalen Hyang Yesus.

Hyang Yesus Milih Roras Diri Para Utusan

12 Kaceritayang mangkin, Hyang Yesus luas ka bukit jagi mabakti. Ring bukite punika, apeteng suene Ida mabakti ring Sang Hyang Pengardi. 13 Sasampune lemah, Ida ngamanggil para pengiring Idane raris milih roras diri saking ipun sami sane kadadosang para . Makaroras para utusane punika nenten tios: 14 I Simon sane kasambat Petrus, I Andreas semeton I Simon, I Yakobus sareng I Yohanes, I Pilipus sareng I Bartolomeus, 15 I Matius sareng I Tomas, I Yakobus okan I Alpius, I Simon saking soroh nasionalis, 16 I Yudas okan I Yakobus, sareng I Yudas Iskariot anak sane jagi nyerahang Hyang Yesus kapining musuh-musuh Idane.

Hyang Yesus Ngajahin lan Nyegerin Anake Akeh

17 Raris Hyang Yesus tedun saking bukite kasarengin para sisian Idane, tur Ida ngadeg ring genahe sane dangsah. Irika sampun akeh mapunduh sisian Idane sane lianan. Taler wenten anake akeh sane rauh saking Wawidangan Yudea, Kota Yerusalem taler saking Kota Tirus miwah Kota Sidon sane ring pasisir segarane. 18 Ipun sami rauh mrika mangda mirengin pengajah-ajahan Hyang Yesuse tur mangda kasegerin saking penyakitnyane. Kenten pada anake sane karangsukin kasegerin olih Ida. 19 Makasami anake irika ngutsahayang ngusud penganggen Idane, mangda kasegerin krana wenten kuasa sane medal saking Hyang Yesus.

Indik Bagia Sujati

20 Hyang Yesus nyingakin para sisian Idane raris ngandika,

“Bagia ja ragane ane tiwas,

krana Sang Hyang Pengardi dados .

21 Bagia ja ragane ane seduk jani,

krana ragane lakar madaar kanti wadih.

Bagia ja ragane ane ngeling jani,

Krana ragane lakar kedek.

22 “Bagia ja ragane ane kagedegin, katundung, kanista, lan kapisunayang ulian nugtug Tiang, Sang Putraning Manusa. 23 Ritatkala paundukane ento katandahang, masukarena ja tur maliang-liang ja ragane krana gede upah di . Krana ipidan para Sang Hyang Pengardine masih nerima parilaksana buka keto uling leluhur ragane dugase nu idup.”

24 “Sakewala sengkala ja ragane ane sugih,

krana ragane suba mademen-demen di gumine.

25 Sengkala ja ragane ane jani wareg,

krana ragane lakar seduk.

Sengkala ja ragane ane jani kedek,

krana ragane lakar sebet lan ngeling.

26 “Sengkala ja ragane yening anake makejang ngajumang ragane. Krana ipidan para sinoman ane palsu kaajumang olih leluhur ragane dugase nu idup.”

Tresna Kapining Musuh

27 Raris Hyang Yesus ngandika malih sapuniki, “Nanging Tiang ngraos tekening ragane ane ningehang Tiang: ja tekening musuh-musuh ragane, tur malaksana ja ane melah tekening anake ane ngedegin ragane. 28 Tunas icayang ja anake ane mastu ragane tur tunas icayang pada anake ane malaksana jele tekening ragane. 29 Umpama ada anak ane namplak pipin ragane ane kebot, serahin ja pada pipi ane kenawan. Yening ada anak maksa nyuang jubah ragane, baang ja pada bajun ragane. 30 Buina yening ada anak ane ngidih tekening ragane, baang ja ngidih. Tur yening ada anak maksa nyuang pagelahan ragane, eda ja tagiha buin. 31 Apa ja ane edotin ragane apanga laksanayanga tekening anake len, malaksana ja buka keto malunan.

32 “Yening ragane welas asih tekening anake ane welas asih dogenan, tusing ja ada upahne di swarga. Krana anake ane pada malaksana buka keto. 33 Tur yening ragane malaksana melah tekening anake ane malaksana melah dogenan, tusing ja ada upahne di swarga. Krana anake ane madosa pada malaksana buka keto! 34 Yening ragane masilihang pipis tekening anake ane nyidayang nguliang, sujatine tusing ja ada upahne di swarga. Anake ane madosa masih masilihang pipis tekening anake madosa laut nagih pipise ento buin. 35 Nanging welas asih ja teken anake ane ngamusuhin ragane tur malaksana becik ja teken ia. Buina pasilihang ja pipise nanging eda mapineh apanga ulianga buin. Ento mawinan gede upah ragane di swarga tur ragane pantes dadi putra wiadin putrin Sang Hyang Pengardi sane Maha Luhur. Sawireh Ida tekening anake ane tusing bisa ngaturang suksma lan tekening anake ane jaat. 36 Sapatutne ragane welas asih sekadi , sane dados ragane sane welas asih.”

Sampunang ja Dados Akim Anak Lianan

37 Raris Hyang Yesus ngandika malih sapuniki, “Eda ja ragane enggal melihang anak len apanga ragane tusing kena pelih. Lan eda ja ragane ngukum apanga ragane tusing kaukum; turmaning ja pelih anake lenan apanga ragane maan pengampura. 38 Baang ja anak lenan ngidih kanti maliah, tur ragane bakal baanga ngidih kanti maliah. Buka nguliang gabahe, wadah ragane bakal kakecorin tur kasegsegin kanti padet lan maliah. Krana buka ragane makidihang tekening anak len, keto masih ragane bakal nerima uli anake lenan.”

39 Raris Hyang Yesus nyeritayang pengumpamian sekadi puniki, “Tusing ja nyidayang anake buta nandan anak buta. Pastika makaduane bakal macemplung ka bangbange. 40 Sujatine tusing ada murid ane duegan tekening gurune, nanging murid ane suba pragat paplajahane, kaduegane patuh cara gurune.

41 “Nguda ragane ningalin tain gergaji ane cerik di peningalan nyaman ragane, sakewala balok di peningalan ragane padidi tusing tingalin ragane? 42 Di tengah peningalan ragane padidi ada balok ane tusing tingalin ragane. Ngudake ragane nyidang ngorahang, ‘Mai ja - peningalan ragane misi tain gergaji; tiang ja mersihin?’ Wih anak ane mapi-mapi patut. Pesuang ja malu balok ane di peningalan ragane. Laut peningalan ragane bakal cedang, tur nyidang mersihin tain gergaji ane di peningalan nyaman ragane.”

Parilaksana Ayu Mawit Manah sane Ayu

43 Raris Hyang Yesus ngandika malih sapuniki, “Sujatine tusing ja ada punyan buah-buahan ane luung ngasilang buah ane jelek. Keto masih tusing ada punyan buah-buahan ane jelek ngasilang buah ane luung. 44 Uli buahne kena baan nebag punyane. Buka bet-bete ane madui tusing ja mabuah delima, lan bet ane madui tusing ja mabuah anggur. 45 Anake ane dharma ngasilang paundukan melah, krana paundukan ane melah maliah di kenehne. Nanging anake ane jele ngasilang paundukan ane jele, krana paundukan ane jele maliah di kenehne. Krana apa ane kaucap uli bibihne, keto di kenehne.”

Ngwangun Kapracayaan Sane Kukuh

46 Raris Hyang Yesus ngandika malih sapuniki, “Nguda ragane ngelurin Tiang, ‘Ratu, ratu,’ nanging ragane tusing nglaksanayang prentah Tiange? 47 Umpama ada anak ane teka sid Tiange: yening anake ento ningehang saha nglaksanayang prentah Tiange, 48 ia buka anake ane nyujukang umah, ngae bangbang ane dalem, laut ngae dasar nganggon batu. Tatkala ada blabar, yeh tukade nyelepin umahne ento, pastika tusing anyud krana kajujukang nganggon dasar ane kukuh. 49 Nanging anake ane ningehang prentah Tiange sakewala tusing nglaksanayang, tan bina buka anake ane nyujukang umah tusing misi dasar. Tatkala blabare teka, pastika umahne ento bakal uug lan benyah maglaturan!”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”