په هُداوندا نۆکێن سئوتے بجنێت
149
هُداوندا بنازێنێت، هَلّێلویا.په هُداوندا نۆکێن سئوتے بجنێت و
آییا، آییئے وپادارانی مُچیا بنازێنێت.
2 اِسراییل په وتی اَڈّ کنۆکا شادهی بکنات،
سَهیونئے چُکّ په وتی بادشاها گَل باتنت.
3 گۆن ناچ آییئے ناما ستا بدئیات و
آییا گۆن ژانگ و چَنگ بنازێناتنت.
4 چێا که هُداوند چه وتی کئوما وشنۆد اِنت،
آ بێکِبران سۆبمندیئے تاجا بَکشیت.
5 آییئے وپادار گۆن اے پهرا شادهی بکنات و
وتی گندلانی تها شادهیئے سئوت بجناتنت.
6 هُداوندئے ستا و سنااِش دپا بات و
دودپێن زهمِش دستا
7 که چه راجان بێر بگرنت و
کئومان سزا بدئینت،
8 بادشاهانِش په زمزیل ببندنت و
سردارانِش په آسنێن پادبَند،
9 تانکه هما دادرسیا برجاه بکننت که اِشانی هلاپا نبشته کنگ بوتگ،
اے، آییئے سجّهێن وپادارانی شان اِنت.
هُداوندا بنازێنێت، هَلّێلویا.