هُداوندئے مِهر اَبدمان اِنت
136
هُداوندئے شُگرا بگرێت که نێک اِنت ومِهری اَبدمان.
2 هُدایانی هُدائے شُگرا بگرێت
که مِهری اَبدمان اِنت.
3 هُداوندانی هُداوندئے شُگرا بگرێت
که مِهری اَبدمان اِنت.
4 هما یکّێنئے شگرا بگرێت که مزنێن مۆجزهَ کنت،
مِهری اَبدمان اِنت.
5 هما که چه وتی داناییا آسمانی اَڈّ کرتگاَنت،
مِهری اَبدمان اِنت.
6 هما که زمینی آپانی سرا چێر گێتکگ،
مِهری اَبدمان اِنت.
7 هما که مزنێن نوری اَڈّ کرتگاَنت،
مِهری اَبدمان اِنت.
8 رۆچی اَڈّ کرت که رۆچا هاکمی بکنت،
مِهری اَبدمان اِنت.
9 ماه و اِستاری سازتنت که شپا هاکمی بکننت،
مِهری اَبدمان اِنت.
10 هما که مِسرئے ائولی چُکّی جتنت،
مِهری اَبدمان اِنت و
11 اِسراییلی چه آیانی نیاما در کُرت،
مِهری اَبدمان اِنت.
12 گۆن پُرزۆرێن باسک و شهارتگێن دستے،
مِهری اَبدمان اِنت.
13 هما که سُهرزِری دو کَپّ کرت،
مِهری اَبدمان اِنت،
14 و اِسراییلی چه اِشیئے تها گوازێنت،
مِهری اَبدمان اِنت،
15 بله پِرئونی گۆن لشکرا سُهرزِرا بُکّێنت،
مِهری اَبدمان اِنت.
16 هما که گیابانا وتی مهلوکی رهشۆنی دات،
مِهری اَبدمان اِنت.
17 هما که مزنێن بادشاهی جتنت،
مِهری اَبدمان اِنت.
18 زۆراورێن بادشاهی کُشتنت،
مِهری اَبدمان اِنت.
19 اَموریانی بادشاه سیهۆنی جت،
مِهری اَبدمان اِنت.
20 باشانئے بادشاه اۆگی کُشت،
مِهری اَبدمان اِنت.
21 اِشانی زمینی میراسے کُرتنت،
مِهری اَبدمان اِنت،
22 میراسے په وتی هزمتکارێن اِسراییلا،
مِهری اَبدمان اِنت.
23 هما که مارا مئے کَمشَرَپیان یاتی کرت،
مِهری اَبدمان اِنت.
24 مارا چه دژمنان آزاتی کرت،
مِهری اَبدمان اِنت.
25 هما که سجّهێن سَهداران رۆزیگَ دنت،
مِهری اَبدمان اِنت.
26 بُرزێن اَرشئے هُدائے شُگرا بگرێت
که مِهری اَبدمان اِنت.