منا آزارِش داتگ
دێم په اورشَلیما برزاد رئوگئے سئوتے.
129
”آیان منا چه ورناییا سکّ باز آزار داتگ،“اِسراییل بگوَشات:
2 ”منا چه ورناییا سک باز آزارِش داتگ
بله منا چێردستِش کُرت نکرتگ.
3 ننگار کنۆکان منی سْرێن ننگار کرتگ و
پَل* دْراج کرتگاَنت.
4 بله هُداوند آدل اِنت،
بدکارانی زمزیلی سِستنت و منا آزاتی کرت.“
5 هما که چه سَهیونا نپرتَ کننت،
شرمسار بات و پُشتا بکِنزاتنت.
6 چۆ بانانی سرئے کاها باتنت
که چه رُدگا پێسر هُشکَ بیت،
7 که رُنۆکئے پنجگئے پُرّے نبیت،
چِنۆکئے بَگلا پُرَّ نکنت.
8 رَهگوَزے هم په آیان نێکدْوا مکنات و مگوَشات:
”هُداوند شُمارا برکت بدئیات،
ما هُداوندئے ناما شُمارا برکتَ دئیێن.“