مئے وشبهتیا پدا بیار
دێم په اورشَلیما برزاد رئوگئے سئوتے.
126
وهدے هُداوندا سَهیونئے وشبَهتیپِر تَرّێنت و آورت
ما پوره واب گندگا اتێن.
2 مئے دپ چه کَندگا پُرّ اَت،
زبان چه شادهیئے سئوتا.
آ وهدا کئومانی نیاما گوَشگ بوت:
”هُداوندا په اِشان مزنێن کار کرتگ.“
3 هئو، هُداوندا په ما مزنێن کار کرت،
ما گَل اَتێن.
4 او هُداوند! مئے وشبهتیا پدا بیار،
انچۆ که کئور نێگێوئے* گیابانا آبادیَ کاریت.
5 هما که اَرس رێچانا کِشت و کِشارَ کننت،
په شادهی کوکّار کنانا رُننت.
6 هما که گرێوانا درَ کپیت و تُهمان په کِشَگا بارت،
په شادهی کوکّار کنانا واتَرَّ کنت* و
وتی لۆٹُکانَ* کاریت.