هُداوندا وتی کئومئے چپّ و چاگرد گِپتگ
دێم په اورشَلیما برزاد رئوگئے سئوتے.
125
آ که هُداوندئے سرا تئوکلَ کننتسَهیونئے کۆهئے پئیما اَنت
که سُرێنگَ نبیت و تان اَبد برجاهَ مانیت.
2 انچُش که کۆهان، اورشَلیم چپّ و چاگرد کرتگ،
هُداوندا وتی کئومئے چپّ و چاگرد گِپتگ،
انّون و تان اَبد.
3 بدکارێن بادشاهێئے اَسا پهرێزکارانی میراسئے سرا هُکمرانَ نبیت
که پهرێزکار وتی دستا په بدکاری سِلّ مکننت.
4 او هُداوند! په نێکدلان نێکی کن
په همایان که دلِش راست و تچک اَنت.
5 بله هما مردم که چپّ و چۆٹێن راهانَ رئونت،
هُداوند آیان گۆن بدکاران یکجاهَ گَلّێنیت.
اِسراییل اێمن و سلامت بات.