چمّان دێم په تئو چستَ کنان
دێم په اورشَلیما برزاد رئوگئے سئوتے.
123
وتی چمّان دێم په تئو چستَ کنان،تئو که اَرشا، وتی بادشاهی تهتا نِشتگئے.
2 اَنچۆ که گُلامێئے چمّ وتی واجهئے دستا سَکّ اَنت و
مۆلدێئے چمّ وتی بانُکا
مئے چمّ هُداوندێن هُدایا سَکّ اَنت
که مئے سرا رهم بکنت.
3 مئے سرا رهم کن، او هُداوند!
رهم کن مئے سرا،
که ما سکّ باز بےاِزّتی سَگِّتگ،
4 آسودگێن مردمانی ریشکند و
پُرکِبرانی کلاگ
مارا په سرجمیا رستگ.