هُداوندئے لۆگا برئوێن
دێم په اورشَلیما برزاد رئوگئے سئوتے. داوودئے زَبور.
122
آیان که گوَشت:”هُداوندئے لۆگا برئوێن“
من شادان بوتان.
2 چۆن وَشّ، مئے پاد چه تئیی دروازگان پُتِرتگ و اۆشتاتگاَنت،
او اورشَلیم!
3 اورشَلیم انچُش بندگ بوتگ
که شهر چه هر نێمگا گۆن وت چۆ تَگِردێا گوپتگ.
4 همۆدا که کبیلهَ رئونت، هُداوندئے کبیله
که هُداوندئے ناما بنازێننت
هما اَهد و کَرارئے هسابا که اِسراییلا دئیگ بوتگ.
5 اۆدا دادرسیئے تهت برجاه دارگ بوتگاَنت
داوودئے کَهۆل و هاندانئے تهت.
6 په اورشَلیمئے اێمنیا دْوا کنێت،
هرکَس که ترا، او اورشَلیم، دۆستَ داریت، آسودگ بات.
7 تئیی شهرئے دیوالانی تها سُهل و اێمنی بات و
تئیی کلاتان آسودگی.
8 وتی برات و سنگتانی هاترا گوَشان:
”ترا سُهل و اێمنی سر بات.“
9 وتی هُداوندێن هُدائے لۆگئے هاترا
تئیی آباد بئیگئے لۆٹۆک آن.