هُداوند منی کُمکّ کنۆک اِنت
دێم په اورشَلیما بُرزاد رئوگئے سئوتے.
121
چمّان دێم په کۆها چستَ کنانمنا کُمکّ چه کجا رسیت؟
2 منا کُمکّ چه هُداوندا رسیت،
هما که آسمان و زمینی اَڈّ کرتگاَنت.
3 آ نئیلیت که تئیی پاد بلکُشیت،
آ که تئیی نِگهپانیا کنت وابَ نکپیت.
4 هئو، آ که اِسراییلئے نِگهپان اِنت
نئوپسیت و وابَ نکپیت.
5 هُداوند وت تئیی نِگهپان اِنت،
هُداوند تئیی راستێن نێمگا ساهگ اِنت.
6 رۆچ، ترا رۆچا آزارَ ندنت و
نه ماه، شپا.
7 هُداوند ترا چه هر بدیا دورَ داریت،
تئیی زِندئے نِگهپان اِنت،
8 هُداوند تئیی هر رئوَگ و آیگئے نِگهپان اِنت
انّون و تان اَبد.