منا چه پرێبکاران برَکّێن
دێم په اورشَلیما برزاد رئوگئے سئوتے.
120
وتی سکّی و سۆریانی وهدا من گۆن هُداوندا پریات کرت وآییا منا پَسّئو دات.
2 ”او هُداوند!
منا چه درۆگبندێن لُنٹ و پرێبکارێن دَپان برَکّێن.“
3 او پرێبکارێن دپ!
هُداوند ترا چے بدنت و
چِد و گێش گۆن تئو چے بکنت؟
4 ترا گۆن جنگۆلانی تێزێن تیر و
گۆن رۆکێن اِشکران سزا دنت.
5 اپسۆز په من که مێشێکئے مُلکا نِشتگان،
که من کێدَرئے گِدانان جَهمنند آن.
6 من گۆن چُشێن مردمان زند گوازێنگا دَم بُرتگ که
چه سُهل و اێمنیا نپرتَ کننت.
7 سُهل و اێمنی پسُندێن مردمے آن
بله هر وهدا که هبرے کنان، اے جنْگا پادَ کاینت.