وهدے اِسراییل چه مِسرا در آتک...
114
وهدے اِسراییل چه مِسرا در آتک،آکوبئے هاندان، چه درامَدێن زبانێئے مردمانی نیاما،
2 یَهودا هُدائے گِچێن کرتگێن و
اِسراییل آییئے بادشاهی بوت.
3 دریایا دیست و تَتک،
اُرْدُنئے کئور، پُشتا کنزِت.
4 کۆه چۆ گوَرانڈا سِٹّ جنان بوتنت و
جُمپ چۆ گوَرَگا.
5 او دریا! چے بوت که تئو تَتکئے؟
او اُرْدُن! چے بوت که تئو پُشتا کِنزِتئے؟
6 او کۆهان! چے بوت که شما چۆ گوَرانڈا سِٹّ جت،
شما چۆ گوَرَگا، او جُمپان؟
7 بِلَرز، او زمین!
هُداوندئے بارگاها،
آکوبئے هُدائے بارگاها.
8 آییا تَلار گوَرم کرتنت، چه آپا پُرّ،
مُهرێن سِنگ آپئے چمّگ.